Salmo 33:1-22
33 Agdir-ikayo a sirarag-o, O dakayo a nalinteg, gapu ken Jehova.+Iti biang dagidiay napalungdo mayanatup ti panangidaydayaw.+
2 Agyamankayo ken Jehova iti arpa;+Iti pagtokar a sangapulo ti kuerdasna+ mangipaaykayo iti samiweng kenkuana.
3 Kantaanyo iti baro a kanta;+Aramidenyo ti kasayaatan a panagtokaryo kadagiti kuerdas a nabuyogan iti narag-o a panagdir-i.+
4 Ta ti sao ni Jehova nalinteg,+Ket ti isuamin nga aramidna adda iti kinamatalek.+
5 Isu managayat iti kinalinteg ken kinahustisia.+Iti naayat a kinamanangngaasi ni Jehova mapno ti daga.+
6 Babaen iti sao ni Jehova naaramid ti mismo a langlangit,+Ket babaen iti espiritu ti ngiwatna naaramid ti isuamin a buyotda.+
7 Ti dandanum ti baybay+ urnongenna a kas babaen iti maysa a puttot,Nga ikabilna kadagiti kamalig ti agdadarison a dandanum.
8 Amin dagidiay adda iti daga agbutengda koma ken Jehova.+Kenkuana maaliaw koma amin dagiti agnanaed iti nabunga a daga.+
9 Ta isu nagsao, ket naadda dayta;+Isu nagbilin, ket nagtakder dayta a kasta.+
10 Ni met laeng Jehova rinakrakna ti pammatigmaan dagiti nasion;+Pinaayna ti pampanunot dagiti ili.+
11 Agingga iti tiempo a di nakedngan agtalinaedto ti mismo a pammatigmaan ni Jehova;+Ti pampanunot ti pusona ket agingga iti maysa a kaputotan kalpasan ti sabali pay a kaputotan.+
12 Naragsak ti nasion a ti Diosna isu ni Jehova,+Ti ili a pinilina kas tawidna.+
13 Manipud iti langlangit kimmita ni Jehova,+Nakitana amin nga annak ti tattao.+
14 Manipud iti naipasdek a disso a pagnanaedanna+Minatmatanna amin dagidiay agnanaed iti daga.
15 Bukelenna a sangsangkamaysa dagiti pusoda;+Utobenna amin nga aramidda.+
16 Awan ti ari a maisalakan babaen iti kinaruay dagiti puersa militar;+Ti maysa a nabileg a lalaki saan a maispal babaen iti kinaruay ti bileg.+
17 Ti kabalio maysa nga allilaw a pakaisalakanan,+Ket babaen iti kinaruay ti kiredna saanna a kabaelan ti mangilisi.+
18 Adtoy! Ti mata ni Jehova situturong kadagidiay agbuteng kenkuana,+Kadagidiay agur-uray iti naayat a kinamanangngaasina,+
19 Tapno ispalenna ti kararuada manipud ken patay a mismo,+Ken tapno taginayonenna ida a sibibiag iti nakaro a bisin.+
20 Ti mismo a kararuatayo adda a siiinanama ken Jehova.+Isu ti katulongantayo ken kalasagtayo.+
21 Ta kenkuana agrag-o ti pusotayo;+Ta iti nasantuan a naganna inkabiltayo ti panagtalektayo.+
22 Ti naayat a kinamanangngaasim, O Jehova, adda koma kadakami,+Kas iti mismo a panagur-uraymi kenka.+
