Salmo 136:1-26
136 O agyamankayo ken Jehova ta isu naimbag:+Ta ti naayat a kinamanangngaasina ket agingga iti tiempo a di nakedngan;+
2 Agyamankayo iti Dios dagiti didios:+Ta ti naayat a kinamanangngaasina ket agingga iti tiempo a di nakedngan;+
3 Agyamankayo iti Apo dagiti appo:+Ta ti naayat a kinamanangngaasina ket agingga iti tiempo a di nakedngan;+
4 Iti Managaramid iti nakaskasdaaw, naindaklan a bambanag nga is-isuna:+Ta ti naayat a kinamanangngaasina ket agingga iti tiempo a di nakedngan;+
5 Iti Daydiay nangaramid iti langlangit babaen ti pannakaawat:+Ta ti naayat a kinamanangngaasina ket agingga iti tiempo a di nakedngan;+
6 Iti Daydiay nangyaplag iti daga iti ngatuen ti dandanum:+Ta ti naayat a kinamanangngaasina ket agingga iti tiempo a di nakedngan;+
7 Iti Daydiay nangaramid kadagiti dadakkel a silaw:+Ta ti naayat a kinamanangngaasina ket agingga iti tiempo a di nakedngan;+
8 Uray ti init nga agturay iti aldaw:+Ta ti naayat a kinamanangngaasina ket agingga iti tiempo a di nakedngan;+
9 Ti bulan ken dagiti bituen a napagtipon nga agturay iti rabii:+Ta ti naayat a kinamanangngaasina ket agingga iti tiempo a di nakedngan;+
10 Iti Daydiay nangkabil iti Egipto kadagidiay inaunada:+Ta ti naayat a kinamanangngaasina ket agingga iti tiempo a di nakedngan;+
11 Ken Daydiay nangiruar iti Israel manipud tengngada:+Ta ti naayat a kinamanangngaasina ket agingga iti tiempo a di nakedngan;+
12 Babaen iti napigsa nga ima ken babaen iti siuunnat a takiag:+Ta ti naayat a kinamanangngaasina ket agingga iti tiempo a di nakedngan;
13 Iti Daydiay namagkapaset iti Nalabaga a Baybay:+Ta ti naayat a kinamanangngaasina ket agingga iti tiempo a di nakedngan;+
14 Ken namaglasat iti Israel iti tengnga dayta:+Ta ti naayat a kinamanangngaasina ket agingga iti tiempo a di nakedngan;+
15 Ken nangiwagnes ken Faraon ken iti puersa militarna iti Nalabaga a Baybay:+Ta ti naayat a kinamanangngaasina ket agingga iti tiempo a di nakedngan;+
16 Iti Daydiay namaglasat iti ilina iti let-ang:+Ta ti naayat a kinamanangngaasina ket agingga iti tiempo a di nakedngan;+
17 Iti Daydiay nangkabil iti dadakkel nga ar-ari:+Ta ti naayat a kinamanangngaasina ket agingga iti tiempo a di nakedngan;+
18 Ken nangpapatay iti nadadaeg nga ar-ari:+Ta ti naayat a kinamanangngaasina ket agingga iti tiempo a di nakedngan;+
19 Uray ni Sihon nga ari dagiti Amoreo:+Ta ti naayat a kinamanangngaasina ket agingga iti tiempo a di nakedngan;+
20 Ken ni Og nga ari ti Basan:+Ta ti naayat a kinamanangngaasina ket agingga iti tiempo a di nakedngan;+
21 Ken nangited iti dagada kas maysa a tawid:+Ta ti naayat a kinamanangngaasina ket agingga iti tiempo a di nakedngan;+
22 Maysa a tawid ken Israel nga adipenna:+Ta ti naayat a kinamanangngaasina ket agingga iti tiempo a di nakedngan;+
23 A nanglagip kadatayo bayat ti nababa a kasasaadtayo:+Ta ti naayat a kinamanangngaasina ket agingga iti tiempo a di nakedngan;+
24 Ken maulit-ulit a nangalat-at kadatayo manipud kadagiti kabusortayo:+Ta ti naayat a kinamanangngaasina ket agingga iti tiempo a di nakedngan;+
25 Daydiay mangmangted iti taraon iti isuamin a lasag:+Ta ti naayat a kinamanangngaasina ket agingga iti tiempo a di nakedngan;+
26 Agyamankayo iti Dios ti langlangit:+Ta ti naayat a kinamanangngaasina ket agingga iti tiempo a di nakedngan.+
