Salmo 95:1-11
95 O umaykayo agdir-itayo a sirarag-o ken Jehova!+Agdir-itayo a sibaballigi iti Bato ti pannakaisalakantayo.+
2 Dumatagtayo iti sanguanan ti personana buyogen ti panagyaman;+Agdir-itayo a sibaballigi kenkuana buyogen dagiti samiweng.+
3 Ta ni Jehova naindaklan a Dios+Ken naindaklan nga Ari iti ngatuen dagiti amin a sabali a didios,+
4 Nga iti imana adda dagiti kaunggan unay iti daga+Ken makinkukua kadagiti alimpatok ti bambantay;+
5 A makinkukua iti baybay, nga isu inaramidna+Ket dagiti bukodna nga ima binukelna ti mismo a namaga a daga.+
6 O sumrekkayo, agdayaw ken agruknoytayo;+Agparintumengtayo+ iti sanguanan ni Jehova a Nangaramid kadatayo.+
7 Ta isu ti Diostayo, ket datayo dagiti umili iti pagpaarabanna ken dagiti karnero ti imana.+Ita nga aldaw no imdenganyo ti bukodna a timek,+
8 Dikay patangkenen ti pusoyo kas idiay Meriba,+Kas idi aldaw ti Massah idiay let-ang,+
9 Idi a dagidi ammayo inkabildak iti pannakasubok;+Sinukimatdak, nakitada met ti aramidko.+
10 Iti uppat a pulo a tawen nagtultuloy a karumenko dayta a kaputotan,+Ket kinunak:“Isuda ket ili a nasungit ti pusona,+Ket isuda saanda a naammuan ti daldalanko”;+
11 A maipapan kadakuada insapatak iti ungetko:+“Saanda a sumrek iti lugar a paginanaak.”+
