Salmo 108:1-13
Kanta. Samiweng ni David.
108 Ti pusok natibker, O Dios.+Agkantaakto ken mangipaayak iti samiweng,+Uray ti dayagko.+
2 Agriingka, O pagtokar nga adda kuerdasna; sika met, O arpa.+Riingekto ti bannawag.+
3 Idayawkanto iti tengnga dagiti ili, O Jehova;+Ket mangipaayakto iti samiweng kenka iti tengnga dagiti nasional a bunggoy.+
4 Ta ti naayat a kinamanangngaasim dakkel a dumanon iti langlangit,+Ken ti kinapudnom a dumanon kadagiti tangatang.+
5 O maitan-okka koma iti ngatuen ti langlangit, O Dios;+Ket ti dayagmo adda koma iti ngatuen ti intero a daga.+
6 Tapno maalaw dagidiay dungdungnguem,+O mangisalakanka babaen iti makannawan nga imam ket sungbatannak.+
7 Ti met laeng Dios sinaona buyogen ti kinasantona:+“Agrag-oakto, itedkonto ti Siquem+ kas maysa a bingay;+Ket rukodekto ti nababa a tanap ti Succot.+
8 Ti Galaad+ kukuak; ti Manases+ kukuak;Ket ti Efraim isu ti sarikedked daydiay pannakaulo a kukuak;+Ti Juda isu ti sarukod ti komandantek.+
9 Ti Moab+ isu ti bakka a pagbugguak.+Iti Edom+ ipalladawkonto ti pallokak.+Iti Filistia+ agdir-iakto a sibaballigi.”+
10 Siasinonto ti mangipan kaniak iti nasarikedkedan a siudad?+Siasinonto ti pudno a mangidalan kaniak agingga iti Edom?+
11 Saan aya a sika, O Dios, a nangiwaksi kadakami+Ken saan a kumuyog iti buybuyotmi kas Dios?+
12 Ipaayannakami iti tulong manipud rigat,+Ta ti panangisalakan ti naindagaan a tao awan pategna.+
13 Babaen iti Dios makagun-odkamto iti kired,+Ket isu ibaddebaddeknanto dagiti kabusormi.+
