Salmo 82:1-8
Samiweng ni Asaf.
82 Ti Dios agsaad iti gimong+ Daydiay Nadibinuan;+Iti tengnga ti didios isu mangukom:+
2 “Kasanonto kabayag a manguk-ukomkayo buyogen ti di kinahustisia+Ken mangipakpakita iti panangidumduma kadagiti met laeng nadangkes?+ Selah.
3 Agbalinkayo nga uk-ukom maipaay iti daydiay nanumo ken iti awan amana nga ubing.+Iti daydiay naparigatan ken iti daydiay bassitan iti sanikua aramidenyo ti kinahustisia.+
4 Ilisiyo daydiay nanumo ken daydiay napanglaw;+Iti ima dagidiay nadangkes ispalenyo ida.”+
5 Saanda a naammuan, ket saanda a maawatan;+Iti sipnget agpagnapagnada;+Mapagdiwengdiweng dagiti amin a pamuon ti daga.+
6 “Siak kinunak, ‘Dakayo ket didios,+Ket annaknakayo amin ti Kangatuan.+
7 Sigurado a mataykayto a kas iti ipapatay dagiti tattao;+Ket kas iti asinoman kadagiti prinsipe mapasagkayto!’”+
8 Tumakderka, O Dios, ukomem ti daga;+Ta sika rebbeng a tagikuaem dagiti amin a nasion.+
