Salmo 86:1-17
Kararag ni David.
86 Iyallingagmo, O Jehova, ti lapayagmo. Sungbatannak,+Ta naparigatanak ken napanglawak.+
2 O saluadam ti kararuak, ta nasungdoak.+Isalakanmo ti adipenmo—sika ti Diosko—nga agtaltalek kenka.+
3 Ipaayannak iti parabur, O Jehova,+Ta kenka umaw-awagak iti intero nga agmalem.+
4 Pagrag-oem ti kararua ti adipenmo,+Ta kenka, O Jehova, itag-ayko ti mismo a kararuak.+
5 Ta sika, O Jehova, naimbagka+ ken sisasagana a mamakawan;+Ket ti naayat a kinamanangngaasi kadagidiay amin nga umaw-awag kenka naruay.+
6 Umimdengka, O Jehova, iti kararagko;+Ket ipangagmo ti timek dagiti panagpakaasik.+
7 Iti aldaw ti rigatko umawagakto kenka,+Ta sungbatannakto.+
8 Awan ti kas kenka iti tengnga dagiti didios, O Jehova,+Awan uray aniaman nga ar-aramid a kas iti ar-aramidmo.+
9 Amin dagiti nasion nga inaramidmo umaydanto,+Ket agruknoydanto iti sanguanam, O Jehova,+Ket idayawdanto ti naganmo.+
10 Ta naindaklanka ken agar-aramidka iti nakaskasdaaw a bambanag;+Sika ti Dios, sika laeng.+
11 Isuronak, O Jehova, maipapan iti dalanmo.+Magnaakto iti kinapudnom.+Pagkaykaysaem ti pusok nga agbuteng iti naganmo.+
12 Idayawka, O Jehova a Diosko, buyogen ti isuamin a pusok,+Ket idaydayawkonto ti naganmo agingga iti tiempo a di nakedngan,
13 Ta ti naayat a kinamanangngaasim kaniak ket dakkel+Ket inispalmo ti kararuak manipud Sheol, ti kababaan a lugarna.+
14 O Dios, dagidiay nadursok timmakderda a bumusor kaniak;+Ket ti mismo a gimong dagidiay manangikuspil sinapulda ti kararuak,+Ket saandaka nga insaad iti sanguananda.+
15 Ngem sika, O Jehova, maysaka a Dios a naasi ken managparabur,+Nabannayat nga agunget+ ken naruay iti naayat a kinamanangngaasi ken kinapudno.+
16 Bumaw-ingka kaniak ket ipaayannak iti parabur.+Itdem ti pigsam iti adipenmo,+Ket isalakanmo ti anak ti adipenmo a babai.+
17 Agaramidka kaniak iti pagilasinan a kaipapananna ti kinaimbag,Tapno dagidiay manggurgura kaniak makitada dayta ket mabainanda.+Ta sika, O Jehova, tinulongannak ken liniwliwanak.+
