Salmo 112:1-10
112 Idaydayawyo ni Jah!+א [ʼAʹlef]Naragsak ti tao nga agbuteng ken Jehova,+ב [Beth]A kadagiti bilinna+ naragsakan iti kasta unay.+
ג [Giʹmel]
2 Mannakabalin iti daga ti pagbalinanto ti putotna.+ד [Daʹleth]No maipapan iti kaputotan dagidiay napalungdo, mabendisionanto.+
ה [Heʼ]
3 Ti napapateg a bambanag ken kinabaknang addada iti balayna;+ו [Waw]Ket ti kinalintegna agtalinaed iti agnanayon.+
ז [Zaʹyin]
4 Isu nagsilnag iti sipnget kas maysa a silaw kadagidiay napalungdo.+ח [Cheth]Isu managparabur ken naasi ken nalinteg.+
ט [Teth]
5 Naimbag ti tao a managparabur+ ken agpapautang.+י [Yodh]Taginayonenna dagiti aramidna buyogen ti hustisia.+
כ [Kaf]
6 Ta uray kaanoman isu saanto a mapagdiwengdiweng.+ל [Laʹmedh]Daydiay nalinteg agpaayto a pakalaglagipan agingga iti tiempo a di nakedngan.+
מ [Mem]
7 Saanto a mabuteng uray iti dakes a damag.+נ [Nun]Ti pusona natibker,+ napagkammatalek ken Jehova.+
ס [Saʹmekh]
8 Ti pusona di mapagkintayeg;+ isu saanto a mabuteng,+ע [ʽAʹyin]Agingga nga isu kumita kadagiti kabusorna.+
פ [Peʼ]
9 Nagibunong a sisasaknap; nangted kadagidiay napanglaw.+צ [Tsa·dheʹ]Ti kinalintegna agtalinaed iti agnanayon.+ק [Qof]Ti bukodna a sara maitan-okto buyogen ti dayag.+
ר [Resh]
10 Daydiay met laeng nadangkes makitananto ket sigurado nga agluksaw.+ש [Shin]Ingaretngetnanto dagiti mismo a ngipenna ket pudno nga agrunaw.+ת [Taw]Ti tarigagay dagidiay nadangkes mapukawto.+
