Yesaia 27:1-13
27 Saa da no, Yehowa de ne sekan kɛse denneennen a edi awu no+Bɛba Lewiatan* so, ɔwɔ a ne ho yɛ hare no.Ɔde bɛba Lewiatan so, ɔwɔ a okyinkyim ne ho no,Na obekum aboa kɛse a ɔwɔ po mu no.
2 Ɛda no, monto dwom mma no* sɛ:
“Bobefuw* a emu nsã* puw ahuru!+
3 Me, Yehowa, me na mehwɛ no.+
Migugu no so nsu bere nyinaa.+
Mehwɛ no awia ne anadwo,Na obi anyɛ no bɔne.+
4 Abufuw biara nni me mu.+
Hena na ɔde nsɔe ne nwura bɛba m’anim wɔ ɔko mu?
Metiatia so na mede ogya ato ne nyinaa mu.
5 Gye sɛ oso m’abannennen mu denneennen.
Ma ɔne me mmɛka asomdwoesɛm;Asomdwoesɛm na ɔne me mmɛka.”
6 Nna bi bɛba a Yakob begye ntini,Israel bɛfefɛw agu nhwiren,+Na wɔde nnɔbae bɛhyɛ asaase no so ma.+
7 Ɛsɛ sɛ wɔhwe no sɛnea ne hwefo hwee no no anaa?
Ɛsɛ sɛ wokum no sɛnea wokum ne nkurɔfo no anaa?
8 Sɛ worepam no akɔ a, wobɛteɛm ne no adi asi.
Obehuw mframa dennen apia no akɔ, ɛda a apuei mframa bɛbɔ no.+
9 Enti saa kwan yi na wɔnam so bɛpata Yakob bɔne,+Na sɛ woyi ne bɔne kɔ a, aba a ebefi mu aba nyinaa ni:
Ɔbɛma afɔremuka abo no nyinaaAyɛ sɛ akado a wɔayam,Na wɔrennyaw abosonnua* anaa ade biara a wɔde hyew aduhuam.+
10 Efisɛ kurow dennen no bɛda mpan;Wɔbɛma mmoa adidibea ada hɔ kwa, na wɔagyaw ato hɔ sɛ sare.+
Ɛhɔ na nantwi ba bedidi na wabutuwAwe ne mmãã.+
11 Sɛ ne nnubaa no wo a,Mmea bɛba abebubuAkɔsɔ gya.
Efisɛ ɔman yi nni ntease.+
Ɛno nti wɔn Yɛfo no yam renhyehye no mma wɔn,Na wɔn Nwemfo no renhu wɔn mmɔbɔ.+
12 Saa da no, Yehowa bɛporow aba no afi Asubɔnten no* ano akosi Egypt Subon+ ano. Na mo Israelfo nso, wɔbɛtase mo mmaako mmaako.+
13 Ɛda no, wɔbɛbɔ abɛn kɛse bi,+ na wɔn a wɔayera wɔ Asiria asaase so+ ne wɔn a wɔabɔ wɔn apansam Egypt asaase so+ no bɛba abɛkotow Yehowa wɔ bepɔw kronkron no so wɔ Yerusalem.+
Ase Hɔ Nsɛm
^ Hwɛ Nkyerɛkyerɛmu afã hɔ.
^ Ɛbɛyɛ sɛ ɛfa Israel ho. Ɛha yi wɔka ne ho asɛm sɛ ɔbea bi a wɔde no toto bobefuw ho.
^ Anaa “Bobeturo.”
^ Anaa “bobesa.”
^ Hwɛ Nkyerɛkyerɛmu afã hɔ.
^ Kyerɛ sɛ, Eufrate.
