Yesaia 10:1-34

  • Onyankopɔn ma ne nsa so tia Israel 1-4)

  • Asiria—​Onyankopɔn abufuw abaa (5-11)

  • Asiria asotwe (12-19)

  • Yakob nkaefo bi bɛsan aba (20-27)

  • Onyankopɔn bebu Asiria atɛn (28-34)

10  Wonnue! wɔn a wɔhyehyɛ mmara bɔne,+Wɔn a daa wɔkyerɛw ahyɛde a emu yɛ den,   Sɛnea ɛbɛyɛ a ohiani rennya obiara nni n’asɛm mma no,Na me man mu abrɛfo nnya atɛntrenee.+Wɔde akunafo ayɛ sɛ nneɛma a wɔanya wɔ ɔko mu,Na wɔde nnyanka ayɛ sɛ nneɛma a wɔafom afa!+   Akontaabu* da no, mobɛyɛ dɛn,+Bere a ɔsɛe fi akyirikyiri aba no?+ Hena nkyɛn na mubeguan akɔpɛ mmoa,+Na ɛhe na mubegyaw mo ahode?*   Nea ɛbɛba ara ne sɛ wɔbɛkotokotow nneduafo mu,Anaa wɔbɛhwehwe awufo mu. Nea akɔ so nyinaa nti, ɔntwee n’abufuw nsanee,Mmom, wateɛ ne nsa, na ɔda so ara rekunkum.+   “Hwɛ! Asiriani no ni,+Ɔbɛyɛ m’abufuw abaa,+Ne wɔn nsam poma a mede bɛda m’abufuhyew adi!   Mɛsoma no akɔ ɔman a watew atua atia Onyankopɔn so,+Na masoma no akɔ nnipa a wɔahyɛ me abufuw no so;Mɛhyɛ no sɛ ɔnsesaw wɔn nneɛma pii na ɔmfom wɔn nneɛma bebree,Na ontiatia wɔn so sɛ abɔntenkwan so atɛkyɛ.+   Nanso ɔrente nka saa,Na ɛremma ne komam saa;Efisɛ ɛwɔ ne komam sɛ ɔbɛtɔre aman pii ase,Na watwitwa wɔn agu; ɛrenyɛ kakraa bi.   Na ɔka sɛ,‘M’abirɛmpɔn nyinaa nyɛ ahemfo anaa?+   Kalno+ nte sɛ Karkemis+ anaa? Hamat+ nte sɛ Arpad?+ Samaria+ nte sɛ Damasko?+ 10  Magye* anyamehunu ahemmanA wɔn ahoni dɔɔso sen nea ɛwɔ Yerusalem ne Samaria no!+ 11  Sɛnea meyɛɛ Samaria ne n’anyamehunu no,Ɛnyɛ saa ara na mɛyɛ Yerusalem ne n’ahoni nso?’+ 12  “Na sɛ Yehowa wie dwuma a obedi wɔ Sion Bepɔw so ne Yerusalem nyinaa a, Ɔbɛtwe* Asiria hene aso esiane ne koma a apirim ne n’ani a atra n’ani ntɔn no nti.+ 13  Efisɛ ɔka sɛ,‘Mede me nsam tumiNe me nyansa bɛyɛ ade, efisɛ mewɔ nyansa. Meyiyi aman no ahye afi hɔ+Na mafom wɔn akorade,+Na maka emufo agu sɛ ɔhoɔdenfo.+ 14  Sɛnea obi de ne nsa wura berebuw mu no,Mɛteɛ me nsa agye aman no agyapade;Na sɛnea obi tase nkosua a wɔagyaw no,Saa ara na mɛboaboa asaase nyinaa ano! Obiara remmɔ ne ntaban mu, ɔremmue n’ano, na ɔrensu.’”* 15  Abonnua bɛma ne ho so wɔ nea ɔde no rebu nnua no so? Sradaa bɛma ne ho so asen nea ɔde no retwa ade no? Poma+ betumi ahim nea ɔma no so no? Anaa abaa betumi ama nea wɔamfa dua anyɛ no no so? 16  Enti asafo Yehowa, nokware Awurade noBɛma n’akɛsefo afomfɔn,+Na wasɔ gya ama adɛw wɔ n’anuonyam ase.+ 17  Israel Hann+ bɛyɛ ogya,+Na ne Kronkronni ayɛ ogyaframa;Ɛbɛdɛw na ahyew ne nwura ne ne nsɔe nyinaa da koro. 18  Ɔbɛsɛe ne kwae ne ne turo anuonyam pasaa;*Ɛbɛyɛ sɛ obi a yare ama wafɔn.+ 19  Ne kwae mu nnua a aka no,Ɛbɛyɛ kakraa bi, na abofra mpo betumi akan akyerɛw ne dodow. 20  Saa da no, Israel nkaefoNe Yakob fifo a wonyaa wɔn ti didii muRemfa wɔn ho ntweri nea ɔhwee wɔn no bio;+Mmom wɔde wɔn ho betweri Yehowa,Israel Kronkronni no, wɔ nokwaredi mu. 21  Nkaefo bi pɛ na wɔbɛsan aba,Yakob nkaefo no bɛsan aba Onyankopɔn Tumfo no nkyɛn.+ 22  O Israel, wo nkurɔfoTe sɛ mpoano anwea,Nanso wɔn mu nkaefo bi pɛ na wɔbɛsan aba.+ Wɔahyɛ ɔsɛe ato hɔ,+Na atɛntrenee* bebu afa wɔn so.+ 23  Yiw, ɔsɛe pasaa a Awurade Tumfo, asafo Yehowa, ahyɛ ato hɔ no,Ɛbɛba asaase no nyinaa so.+ 24  Enti nea Awurade Tumfo, asafo Yehowa, aka ni: “Me man a mote Sion, munnsuro, Asiriani a ɔde abaa hwee mo+ na ɔde ne poma baa mo so sɛnea Egypt yɛe no+ nti. 25  Ɛrenkyɛ koraa, abufuhyew no to betwa; m’abufuw bɛsɛe wɔn.+ 26  Asafo Yehowa behim abaa* wɔ no so+ sɛnea otwiw faa Midian so wɔ Oreb botan ho no.+ Na ɔde ne poma bɛkyerɛ po so, na wama so sɛnea ɔyɛɛ Egypt no.+ 27  Saa da no, Asiriani no adesoa befi w’abati so,+Na ne kɔndua afi wo kɔn ho,+Na ngo no nti, kɔndua no bɛsɛe.”+ 28  Waba Aiyat+ so;Watwam afa Migron;Mikmas+ na ɔde ne nneɛma abegu. 29  Wɔafa baabi a wɔfa twa asu no;Wɔakɔda Geba;+Rama abɔ hu, na Saul kurow Gibea+ nso aguan.+ 30  O Galim babea, su na teɛteɛm! Laisa, yɛ aso tie! O Anatot,+ w’asɛm yɛ mmɔbɔ! 31  Madmena aguan. Gebimfo akɔpɛ baabi atɛw. 32  Ɛnnɛ da yi ara, obegyina Nob.+ Ɔwosow ne nsa kyerɛ Sion babea bepɔw,Yerusalem koko no. 33  Hwɛ! Asafo Yehowa, nokware Awurade no,Retwitwa nnubaa* ma ɛrehwehwe fam birimbirim;+Ɔretwitwa nnua atenten no gu,Na nea ɛkorɔn no, ɔbrɛ no ase. 34  Ɔde dade* twitwa kwae mu adɔtɔ,Na ɔhoɔdenfo bi nsa ano na Lebanon bɛhwe ase.

Ase Hɔ Nsɛm

Anaa “Asotwe.”
Anaa “anuonyam.”
Anaa “Me nsa agye.”
Nt., “Mɛtwe.”
Anaa “ɔrensu te sɛ anomaa.”
Anaa “Ɔbɛsɛe ne kwae ne ne turo anuonyam fi ɔkra so akosi honam so.”
Anaa “asotwe.”
Anaa “mpire.”
Anaa “nnua nkorabata.”
Anaa “abonnua.”