Yesaia 8:1-22

  • Asiriafo bɛba abɛtow ahyɛ wɔn so (1-8)

    • Maha-salal-has-bas (1-4)

  • Munnsuro—“Onyankopɔn ka yɛn ho!” (9-17)

  • Wɔde Yesaia ne ne mma yɛ nsɛnkyerɛnne (18)

  • Monhwehwɛ mmara no, ɛnyɛ ahonhommɔne (19-22)

8  Yehowa ka kyerɛɛ me sɛ: “Fa kyerɛwpon+ kɛse na fa kyerɛwdua* kyerɛw so sɛ, ‘Maha-salal-has-bas.’*  Mepɛ sɛ adansefo anokwafo, ɔsɔfo Uria+ ne Yeberekia ba Sakaria, kyerɛw di ho adanse.”  Afei me ne odiyifobea* no dae,* na onyinsɛnee, na ɔwoo ɔbabarima.+ Na Yehowa ka kyerɛɛ me sɛ: “To no din Maha-salal-has-bas,  na ansa na abofra no betumi aka ‘Me papa!’ ne ‘Me maame!’ no, na wɔasoa Damasko ahode ne nneɛma a Samaria nyae wɔ ɔko mu kɔ Asiria hene anim.”+  Yehowa san ka kyerɛɛ me sɛ:   “Esiane sɛ nkurɔfo yi apo Siloa nsu a ɛtene bɔkɔɔ,+Na wodi Resin ne Remalia ba ho ahurusi+ nti,   Hwɛ! Yehowa bɛmaAsubɔnten no* mu nsu a ano yɛ den na ɛdɔɔso no aba wɔn so,Asiria hene+ ne n’anuonyam nyinaa. Na obebu afa ne nsuka nyinaa so,Na wayiri afa ne kɔn so nyinaa.   Ɔbɛsen akɔfa Yuda. Na wayiri afa mu akodu ne kɔn mu pɛɛ;+Ne ntaban a watrɛw mu no bedu w’asaase ano nyinaa,O Imanuel!”*+   Aman, monyɛ wɔn bɔne, na wobebubu mo asinasin. Muntie, mo a mote asaase so akyirikyiri nyinaa! Munsiesie mo ho nkɔko,* na wobebubu mo asinasin!+ Munsiesie mo ho nkɔko, na wobebubu mo asinasin! 10  Pɔw biara a mopɛ no, mommɔ, nanso ɛrenyɛ yiye! Asɛm biara a mopɛ no, monka, nanso ɛrennyina,Efisɛ Onyankopɔn ka yɛn ho!*+ 11  Eyi ne asɛm a Yehowa de ne nsa dennen no too me so ka kyerɛɛ me de bɔɔ me kɔkɔ sɛ, menhwɛ yiye na mannantew ɔman yi kwan so: 12  “Nea nkurɔfo yi frɛ no atirisopam* no, mommfrɛ no atirisopam! Nea wosuro no, munnsuro,Na mommma ɛmmmɔ mo hu. 13  Asafo Yehowa, ɔno na mummu no kronkron,+Ɔno na munsuro no,Ɔno na ɛsɛ sɛ ɔma mo ho popo.”+ 14  Ɔbɛyɛ tenabea kronkron,Nanso ɔbɛyɛ hintiboNe watiriw bo+Ama Israel afi abien no,Na wayɛ afiri ne asauAma wɔn a wɔte Yerusalem. 15  Wɔn mu pii bɛwatiriw ahwe ase na wɔabubu;Wɔbɛtɔ afiri mu ama ayi wɔn. 16  Kyekyere adanse a wɔakyerɛw no;Tare mmara* no ano wɔ m’asuafo mu! 17  Yehowa a ɔde n’anim ahintaw Yakob fi+ no, mɛtwɛn no,*+ na mede m’ani bɛto no so. 18  Hwɛ! Me ne mmofra a Yehowa de wɔn ama me no,+ Asafo Yehowa a ɔte Sion Bepɔw so no de yɛn ayɛ nsɛnkyerɛnne+ ne anwonwade wɔ Israel. 19  Na sɛ wɔka kyerɛ mo sɛ: “Monkɔ akɔmfo anaa asumanfo a wɔkasa wɔn menem te sɛ nnomaa na wɔbesebese wɔn ano no hɔ abisa a,” ɛnyɛ ɔman no Nyankopɔn hɔ mmom na ɛsɛ sɛ ɔman no bisa? Awufo nkyɛn na ɛsɛ sɛ wɔkɔ abisa ma ateasefo?+ 20  Mmara no ne adanse a wɔakyerɛw no mmom na ɛsɛ sɛ wɔhwehwɛ! Sɛ wɔanka no sɛnea asɛm yi te a, wonni hann.*+ 21  Na obiara de ahoyeraw ne ɔkɔm na ɛbɛnantew asaase no so;+ na ɔkɔm ne abufuw nti, ɔbɛma n’ani so ahwɛ soro adome ne hene ne ne Nyankopɔn. 22  Afei ɔbɛhwɛ asaase so, na obehu ɔhaw ne sum ne abɛbrɛsɛ ne kusuuyɛ nko ara, na hann nni baabiara.

Ase Hɔ Nsɛm

Nt., “ɔdasani kyerɛwdua.”
Ebetumi akyerɛ “Ɔde Mmirika Reba Asade No Ho, Ɔde Ahoɔhare Reba Asade No Ho.”
Kyerɛ sɛ, Yesaia yere.
Nt., “mekɔɔ odiyifobea no ho.”
Kyerɛ sɛ, Eufrate.
Anaa “Momma mo akode so.”
Hebri asɛm a wɔkyerɛɛ ase “Onyankopɔn ne yɛn wɔ hɔ” ne Imanuel. Hwɛ Yes 7:14; 8:8.
Ɛkyerɛ pɔw bɔne a nkurɔfo bɔ wɔ obi ho.
Anaa “akwankyerɛ.”
Anaa “mɛhwɛ no kwan denneennen.”
Nt., “ahemanakye.”