Yesaia 1:1-31

  • Agya bi ne ne mma atuatewfo (1-9)

  • Yehowa kyi ɔsom a emfi koma mu (10-17)

  • “Momma yɛntoto nneɛma yiye” (18-20)

  • Wɔbɛsan ama Sion ayɛ kurow nokwafo (21-31)

1  Yuda ne Yerusalem ho anisoadehu a Amus ba Yesaia*+ nyae wɔ Yuda ahemfo+ Usia,+ Yotam,+ Ahas,+ ne Hesekia+ bere so no ni:   Ɔsoro tie, asaase yɛ aso,+Na Yehowa aka sɛ: “Matete* mma ama wɔanyinyin,+Nanso wɔatew me so atua.+   Nantwi nim ne wura,*Na afurum nim ne wura adididaka;Nanso Israel nnim me,*+M’ankasa me man nni ntease.”   Nnebɔneyɛfo man, due,+Ɔman a bɔne adonnɔn no,Abɔnefo asefo, mma a wɔaporɔw!* Wɔagyaw Yehowa;+Wɔabu Israel Kronkronni no animtiaa;Wɔadan wɔn akyi akyerɛ no.   Moda so ara retew atua? Seesei mo hefa bio na wɔmmɔ?+ Eti no nyinaa yare,Na koma mu no nyinaa yare.+   Efi ti kosi nan ase, baabiara nni hɔ a ɛte apɔw.* Baabiara adan apirakuru, asoasoa na abeabea—Wommiae,* na wɔnkyekyeree, na wɔmfaa ngo nsraa so.+   Mo asaase adan amamfo. Wɔde ogya ahyew mo nkurow. Ahɔho redi mo asaase so aba wɔ mo anim pɛɛ.+ Ɛte sɛ asaase a ahɔho abutuw no ama asɛe.+   Aka Sion babea wɔ hɔ, te sɛ apata* a esi bobefuw* mu,Te sɛ apata a ɛwɔ ɛfere afuw mu,Te sɛ kurow a atamfo aka emufo ahyɛ mu.+   Sɛ asafo Yehowa annyaw nkaefo kakra amma yɛn a,Anka yɛayɛ sɛ Sodom,Na yɛadan sɛ Gomora.+ 10  Sodom+ atumfo atirimɔdenfo,* muntie Yehowa asɛm. Gomorafo,+ monyɛ aso mma yɛn Nyankopɔn mmara.* 11  Yehowa asɛm ni: “Mfaso bɛn na minya fi mo afɔre bebrebe no so?+ Adwennini hyew afɔre+ ne mmoa a wɔte apɔw srade+ afono me,Na anantwi+ ne nguan mma ne mpɔnkye+ mogya+ nso, m’ani nsɔ. 12  Sɛ moba m’anim a,+Hena na ɔhwehwɛ eyi fi mo hɔ,Sɛ mummetiatia m’adiwo?+ 13  Mommfa aduan afɔre hunu mmma m’anim bio. Mikyi mo aduhuam kɔkɔkɔkɔ.+ Mudi asram foforo+ ne home nna,+ na mobɔ gua;+Asumansɛm* a mode fra nhyiam titiriw no, minni ho koma.+ 14  Mikyi* mo asram foforo ne mo afahyɛ ahorow no. Ayɛ adesoa ama me;Mabrɛ ne ne soa. 15  Na sɛ motrɛw mo nsam a,Miyi m’ani hintaw mo.+ Ɛwom sɛ mobɔ mpae bebree de,+Nanso mintie;+Mogya ayɛ mo nsam ma.+ 16  Monhohoro mo ho,* montew mo ho;+Munyi mo nneyɛe bɔne mfi m’anim;Munnyae bɔne yɛ.+ 17  Munsua papayɛ, monhwehwɛ atɛntrenee,+Monteɛ osisifo so,Munni agyanka asɛm mma no,Na monka bi mma okunafo.”+ 18  Yehowa asɛm ni: “Afei mommra, na momma yɛntoto nneɛma yiye.+ Ɛwom, mo bɔne te sɛ koogyan,Nanso ɛbɛyɛ fitaa sɛ sukyerɛmma;+Ɛwom, ayɛ kɔɔ te sɛ kɔben,Nanso ɛbɛyɛ fitaa sɛ oguan nwi. 19  Sɛ mopɛ na mubetie a,Mubedi asaase no so nneɛma pa.+ 20  Na sɛ moantie na motew atua a,Sekan bedi mo nam;+Yehowa na waka.” 21  Hwɛ sɛnea kurow nokwafo+ no adan tuutuuni!+ Ná atɛntrenee ayɛ no ma;+Ná trenee te ne mu,+Nanso afei de, awudifo nko ara na ɛte ne mu.+ 22  Wo dwetɛ adan fĩ,+Na wo nsã* nso, wɔde nsu afra mu. 23  W’atumfo aso yɛ den na wɔne akorɔmfo na ɛbɔ.+ Wɔn mu biara ani gye adanmude* ho, na wodi akyɛde akyi.+ Wommu atɛntrenee mma nnyanka,Na akunafo asɛm nnu wɔn anim da.+ 24  Enti nokware Awurade asafo Yehowa,Israel Tumfo no asɛm ni: “Hwɛ! Meyi m’atamfo afi me ho,Na metua wɔn a wɔtan me no ka.+ 25  Mɛdan me nsa aba wo so,Na mɛnan wo ayi wo mu fĩ te sɛ nea mede samina* reyi fĩ,Na meyi wo mu fĩ nyinaa.+ 26  Mɛsan de w’atemmufo ama wo te sɛ mfiase no,Na mɛsan de w’afotufo ama wo sɛ mfiase no.+ Ɛno akyi wɔbɛfrɛ wo Trenee Kuropɔn, Nokware Kurow.+ 27  Wɔde atɛntrenee begye Sion,+Na wɔde trenee agye ne mma a wɔbɛsan aba no. 28  Wɔbɛsɛe atuatewfo ne abɔnefo nyinaa abom,+Na wɔn a wogyaw Yehowa no, wobeyi wɔn afi hɔ.+ 29  Wɔn ani bewu nnua akɛse a mo ani gyee ho no ho,+Na nturo* a mopawee no nti, mo anim begu ase.+ 30  Na mobɛyɛ sɛ dupɔn a n’ahaban apo,+Na moadan sɛ turo a ennya nsu. 31  Ɔbarima katakyi bɛyɛ sɛ asaawa,*Na n’adwuma ayɛ sɛ ogya a ɛretutu;*Abien no nyinaa bɛkɔ ogya mu,Na obiara nni hɔ a obedum no.”

Ase Hɔ Nsɛm

Ɛkyerɛ, “Yehowa Nkwagye.”
Anaa “Mayɛn.”
Anaa “nea ɔtɔɔ no.”
Anaa “ne wura.”
Anaa “wɔasɛe!”
Anaa “asɛm nni ho.’
Anaa “Wɔntotõe.”
Anaa “ɔsese.”
Anaa “bobeturo.”
Anaa “sodifo.”
Anaa “akwankyerɛ.”
Anaa “Nkonyaa.”
Anaa “Me kra kyi.”
Anaa “Munguare.”
Anaa “hwiit nsã.”
Anaa “braeb.”
Anaa “gyakisi.”
Ɛbɛyɛ sɛ ɛyɛ nnua ne nturo a wɔde som abosom.
Anaa “hama.”
Anaa “ogya a ɛreturuturuw.”