Yesaia 64:1-12

  • Ahonu mpaebɔ no ntoaso (1-12)

    • Yehowa ne “yɛn Nwemfo” (8)

64  O, sɛ anka wotetew ɔsoro mu sian baa famMaa wo nti, mmepɔw wosowee,   Sɛnea ogya hyew anyina,Na ogya ma nsu huru no a,Anka w’atamfo behu wo din,Na aman ho apopo w’anim!   Bere a woyɛɛ anwonwadwuma a ɛnsɛ mfata yɛn no,+Wusian baa fam, na mmepɔw wosowee wɔ w’anim.+   Efi tete, obiara ntee na entwaa obiara aso mu,Na ani biara nhuu Onyankopɔn bi a odi ma wɔn a wɔkɔ so twɛn no,*+Gye wo nko ara.   Woahyia wɔn a wɔde anigye yɛ nea ɛteɛ,+Wɔn a wɔkae wo na wɔfa w’akwan so no. Hwɛ! Wo bo fuwii bere a yɛkɔɔ so yɛɛ bɔne no;+Yɛtenaa bɔne no mu kyɛe. Afei wubegye yɛn nkwa anaa?   Yɛn nyinaa abɛyɛ sɛ obi a ne ho ntew,Na adetrenee a yɛyɛ nyinaa te sɛ ntama a ɔbea yɛ bra a ɔde siesie ne ho.*+ Yɛn nyinaa betwintwam te sɛ ahaban,Na yɛn bɔne bɛsoa yɛn akɔ sɛ mframa.   Obiara nni hɔ a ɔbɔ wo din,Na obiara nni hɔ a ɔkanyan ne ho na oso wo mu,Efisɛ wode w’anim ahintaw yɛn,+Na yɛn bɔne nti,* woama yɛasa.*   Afei, O Yehowa, wone yɛn Agya.+ Yɛyɛ dɔte, na wone yɛn Nwemfo;*+Yɛn nyinaa yɛ wo nsa ano adwuma.   O, Yehowa, mma wo bo mmfuw denneennen,+Na nkae yɛn mfomso daa. Yɛsrɛ wo, hwɛ yɛn, na yɛn nyinaa yɛ wo man. 10  Wo nkurow kronkron adan sare. Sion adan sare,Na Yerusalem asɛe.+ 11  Yɛn fi* kronkron a ɛwɔ anuonyam* no,Baabi a yɛn agyanom yii wo ayɛ no,Wɔde ogya ahyew,+Na nneɛma a na ɛsom bo ma yɛn no nyinaa asɛe. 12  O Yehowa, eyi nyinaa akyi, wobɛkɔ so ara ayi w’ani? Wobɛtena hɔ dinn ama yɛn ho akyere yɛn denneennen saa?+

Ase Hɔ Nsɛm

Anaa “wɔtɔ wɔn bo ase twɛn no.”
Anaa “bratam.”
Nt., “Ɛnam yɛn bɔne nsa so nti.”
Nt., “yɛanan.”
Anaa “wo na woyɛɛ yɛn.”
Anaa “asɔrefi.”
Anaa “a ɛyɛ fɛ.”