Yesaia 46:1-13

  • Babilonfo ahoni ne Israelfo Nyankopɔn (1-13)

    • Yehowa ka nea ebesi daakye (10)

    • Ɔkɔre kɛse a ofi apuei (11)

46  Bel butuw hɔ,+ na Nebo abɔ ne mu ase.Wɔde wɔn ahoni asoa mmoa, wɔde asoa mmoa a wɔde wɔn soa nneɛma,+ Te sɛ nnesoa duruduru a wɔde asoa mmoa a wɔabrɛ.   Wɔbɔ wɔn mu ase, na wɔbom butuw hɔ;Wɔrentumi nnye wɔn nnesoa no,*Na wɔn ankasa* nso, wɔbɛkyere wɔn akɔ.   “Muntie me, O Yakob fi, ne mo a moaka wɔ Israel fi nyinaa,+Mo a meboaa mo fii awo mu, na mesoaa mo fii yafunu mu no.+   Enkosi wo mpanyinyɛ mu no, mete sɛnea mete;+Enkosi sɛ wubefuw dwen no, mɛkɔ so aturu wo. Sɛnea mayɛ no, meturu wo, mɛsoa wo, na magye wo.+   Hena na mode me bɛtoto ne ho na ɔne me ayɛ pɛ, anaa mode no besusuw me,+Na ɔne me asɛ?+   Ebinom hwie sika kɔkɔɔ fi wɔn kotoku mu;Wɔde nsenia* kari dwetɛ. Wɔbɔ ɔtomfo paa, na ɔde yɛ onyame.+ Afei wɔbɔ wɔn mu ase, yiw, wɔsom no.*+   Wɔma so de si wɔn kɔn ho;+Wɔkɔsoɛ si ne sibea, na egyina faako; ɛnkeka ne ho. Entumi ntu ne nan nkɔ baabiara.+ Wɔteɛm frɛ no, nanso emmua;Ɛrentumi nnye obi mfi amanehunu mu.+   Monkae eyi na munnya akokoduru. Momfa nhyɛ mo komam,mo mmaratofo.   Monkae tete* nneɛma a atwam noSɛ mene Onyankopɔn,* na ɔfoforo biara nni hɔ. Mene Onyankopɔn, na obiara nni hɔ a ɔte sɛ me.+ 10  Mifi mfiase ka awiei asɛm,Na mifi tete ka nea ensii;+ Meka sɛ, ‘Me gyinaesi* bɛba mu ɔkwan biara so,+Na nea ɛsɔ m’ani biara mɛyɛ.’+ 11  Mɛfrɛ ɔkɔre kɛse afi apuei,*+Na mɛfrɛ ɔbarima bi afi akyirikyiri; ɔno na ɔbɛma me gyinaesi* aba mu.+ Makasa, na mɛma aba mu. Mabɔ me tirim, na mɛyɛ nso.+ 12  Muntie me, mo a mo koma apirim,Mo a mo ne trenee ntam kwan ware. 13  Mama me trenee abɛn;Enni akyiri koraa,Na me nkwagye renka akyi.+ Mede nkwagye bɛba Sion, na mede m’anuonyam ama Israel.”+

Ase Hɔ Nsɛm

Kyerɛ sɛ, ahoni a wɔde asoa mmoa no.
Anaa “wɔn akra.”
Ade a wɔde susuw biribi mu duru.
Nt., “wɔkotow no.”
Nt., “kan.”
Anaa “Tweaduampɔn.”
Anaa “M’atirimpɔw; Me tirimbɔ.”
Anaa “owiapuei.”
Anaa “m’atirimpɔw; me tirimbɔ.”