Yesaia 2:1-22

  • Wɔbɛma Yehowa bepɔw so (1-5)

    • Mfoa bɛyɛ nsɔw (4)

  • Yehowa da no bɛbrɛ ahantanfo ase (6-22)

2  Nea Amus ba Yesaia hui wɔ Yuda ne Yerusalem ho ni:+   Awiei nna* no mu no,Yehowa fi bepɔwBetim wɔ mmepɔw atifi,+Na wɔbɛma so asen nkoko,Na aman nyinaa bɛsen yuu akɔ hɔ.+   Na aman pii bɛkɔ akɔka sɛ: “Mommra mma yɛmforo nkɔ Yehowa bepɔw so,Nkɔ Yakob Nyankopɔn fi.+ Ɔbɛkyerɛ yɛn n’akwan,Na yɛbɛnantew n’akwan* so.”+ Na Sion na mmara* befi,Na Yerusalem na Yehowa asɛm befi.+   Obebu atɛn wɔ amanaman no mu,Na obesiesie nsɛm ama aman pii. Wɔde wɔn mfoa* bɛyɛ nsɔw,Na wɔde wɔn mpeaw ayɛ kantankrankyi.*+ Ɔman bi rentwe sekan wɔ ɔman bi so,Na wɔrensua akodi bio.+   O Yakob fi, mommra,Momma yɛnnantew Yehowa hann mu.+   Woagyaw wo man, Yakob fi,+Efisɛ Apuei nneɛma ahyɛ wɔn ma;Wodi asumansɛm+ te sɛ Filistifo,Na ahɔho* mma abu so wɔ wɔn mu.   Dwetɛ ne sika kɔkɔɔ ahyɛ wɔn asaase so ma,Na wɔn agyapade nni ano. Apɔnkɔ ahyɛ wɔn asaase so ma,Na wɔn nteaseɛnam nni ano.+   Anyamehunu* ahyɛ wɔn asaase so ma.+ Wɔkotow wɔn ankasa nsa ano adwuma,Ade a wɔde wɔn ankasa nsateaa ayɛ.   Enti onipa agu ne ho anim ase, wɔbɛbrɛ no ase,Na worentumi mfa nkyɛ wɔn. 10  Monkɔhyɛ ɔbotan mu na momfa mo ho nsie mfuturu mu,Yehowa ho hu,N’anuonyam, ne ne kɛseyɛ a enni ano nti.+ 11  Onipa ani a ɛtra n’ani ntɔn* no, wɔbɛbrɛ no ase,Na nnipa ahomaso bɛba fam.* Yehowa nko ara na wɔbɛma no so saa da no. 12  Ɛyɛ asafo Yehowa da.+ Ɛbɛba obiara a ɔyɛ ahantan ne ahomaso* so,Ɛbɛba obiara so, nea wɔama no so ne nea wɔabrɛ no ase nyinaa.+ 13  Ɛbɛba Lebanon sida nnua atenten kokuroo nyinaa,Ne Basan adum nyinaa so. 14  Ɛbɛba mmepɔw atenten nyinaa,Ne nkoko atenten nyinaa so. 15  Ɛbɛba abantenten nyinaa ne afasu dennen nyinaa so, 16  Ɛbɛba Tarsis ahyɛn+ nyinaa,Ne akorow fɛfɛɛfɛ nyinaa so. 17  Wɔbɛbrɛ onipa ahantan ase,Na nnipa ahomaso bɛba fam.* Yehowa nko ara na wɔbɛma no so saa da no. 18  Na anyamehunu no bɛyera koraa.+ 19  Sɛ Yehowa keka ne ho na ɔwosow asaase a,Ne ho hu,N’anuonyam, ne ne kɛseyɛ a enni ano+ nti,Nnipa bɛkɔ akɔhyehyɛ abodan*Ne asaase mu ntokuru mu.+ 20  Saa da no, nnipa bɛfa wɔn dwetɛ ne sika kɔkɔɔ anyamehunuA wɔayɛ ama wɔn ho sɛ wɔbɛkotow wɔn no,Na wɔatow agu ama ofiam* ne ampan.+ 21  Na wɔakɔhyɛ abotan mu ntokuruNe abodan mu,Yehowa ho hu,N’anuonyam, ne ne kɛseyɛ a enni ano nti,Bere a ɔbɛkeka ne ho na wawosow asaase no. 22  Mo ara mo yiyedi nti, munnyae sɛ mode mo ho to onipa dasani so.Ɔte sɛ ɔno ara ne hwenem mframa.* Adɛn nti na ɛsɛ sɛ wubu ne ho akontaa?

Ase Hɔ Nsɛm

Anaa “Awiei mmere.”
Anaa “n’atempɔn.”
Anaa “akwankyerɛ.”
Anaa “asekan a wɔde kɔ ɔko.”
Ɛbɛyɛ sɛ na ɛyɛ dade bi a ɛyɛ nnam a ɛhyɛ dua ano. Ɛte sɛ kookoo sosɔw.
Anaa “ananafo.”
Anaa “Abosonhunu.”
Anaa “Onipa ahantan ani.”
Anaa “Na wɔbɛbrɛ nnipa ahomaso ase.”
Anaa “ne obiara a n’ani tra n’ani ntɔn.”
Anaa “Na wɔbɛbrɛ nnipa ahomaso ase.”
Anaa “abotan ntokuru.”
Aboa bi a ɔte sɛ akura; odidi paa.
Anaa “Ɔyɛ onipa a ɔhome fa ne hwenem.”