Yesaia 15:1-9

  • Moab ho atemmusɛm (1-9)

15  Moab ho atemmusɛm ni:+ Esiane sɛ wɔasɛe no anadwo baako nti,Moab-Ar+ ayɛ komm. Esiane sɛ wɔasɛe no anadwo baako nti,Moab-Kir+ ayɛ komm.   Waforo kɔ Ofie* hɔ ne Dibon,+Ɔkɔ sorɔnsorɔmmea* hɔ rekosu. Nebo+ ne Medeba+ nti, Moab resu teɛteɛm. Obiara abɔ tikwaw,+ obiara ayi n’abogyesɛ.+   Wofurafura awerɛhow ntama* wɔ ne mmɔnten so. Wɔn nyinaa resu teɛteɛm wɔ wɔn adan atifi ne wɔn mmɔnten so;Wɔresian nyinaa, na wɔresu.+   Hesbon ne Eleale+ teɛm;Wɔte wɔn nne wɔ Yahas+ tɔnn. Ɛno nti na Moab asraafo teɛteɛm. Ne ho* rewosow biribiri.   Moab nti, me koma resu. N’aguanfo akɔ ara akodu Soar+ ne Eglat-Selisiya.+ Wɔreforo Luhit koko nyinaa, na wɔresu;Wɔnam kwan so rekɔ Horonaim nyinaa, na wɔresu teɛteɛm wɔ ɔsɛe no ho.+   Nimrim nsu nyinaa ayow koraa;Sare momono no aguan,Sare no awu, na wura momono biara nni hɔ bio.   Ɛno nti na wɔsoso wɔn ahode ne ne nneɛma a aka wɔ wɔn adekoradan mu rekɔ no;Wɔretwa subon a nsuano nnua wom no.   Agyaadwo no gyigye Moab asaase so baabiara.+ Osũ ne nteɛteɛm no adu Eglaim;Osũ ne nteɛteɛm no adu Beer-Elim.   Dimon nsu nyinaa adan mogya,Nanso nea mede reba Dimon so no sen ɛno koraa: Mede gyata bɛba Moabfo a wɔreguanNe wɔn a wɔaka wɔ asaase no so no so.+

Ase Hɔ Nsɛm

Anaa “Asɔrefi.”
Hwɛ Nkyerɛkyerɛmu afã hɔ.
Anaa “atweaatam.” Hwɛ Nkyerɛkyerɛmu afã hɔ.
Anaa “Ne kra.”