Yesaia 53:1-12

  • Yehowa akoa amanehunu, ne wu, ne ne sie (1-12)

    • Wobuu no animtiaa, na wɔpoo no (3)

    • Ɔsoaa nyarewa ne ɛyaw (4)

    • ‘Ɔte sɛ oguan a wɔrekokum no’ (7)

    • Ɔsoaa nnipa pii bɔne (12)

53  Hena na wagye nea wate afi yɛn nkyɛn no adi?+ Na hena na wɔayi Yehowa basa akyerɛ no?+   Ɔbɛyɛ sɛ dua a afifi+ wɔ n’anim,* te sɛ ntini wɔ asaase a ɛso awo so. Ɔnyɛ onipa a odi mu, na onni anuonyam biara,+Na yehu no a, biribiara nni ne ho a ɛbɛma yɛaka akɔ ne ho.*   Nnipa buu no animtiaa, na wɔpoo no;+Ɔyɛ onipa a ohuu yaw na ohuu sɛnea yare te. Ná ɛte sɛ nea wɔde n’anim ahintaw yɛn.* Nnipa buu no animtiaa, na yɛamfa no anyɛ hwee.+   Nokwarem no, ɔno na ɔsoaa yɛn nyarewa,+Na ogyee yɛn yaw hyɛɛ ne ho.+ Nso yebuu no sɛ obi a Onyankopɔn atwe n’aso, wahwe no, na wama ne ho ayeraw no.   Nanso yɛn mmarato nti+ na wɔde ade wɔɔ no;+Yɛn mfomso nti na wobubuu no.+ Ogyee asotwe a ɛbɛma yɛanya asomdwoe,+N’akuru nti, wɔsaa yɛn yare.+   Yɛn nyinaa afom kwan te sɛ nguan;+Obiara afa ne kwan.Na Yehowa ama yɛn nyinaa bɔne abegu no so.+   Wɔhyɛɛ no ahometew,+ na ɔmaa kwan ma wɔtan n’ani,+Nanso wammue n’ano. Wɔde no kɔe te sɛ oguan a wɔrekokum no,+Te sɛ oguan a wɔretwitwa ne nwi a wayɛ komm, Na wammue n’ano.+   Wɔhyɛɛ no so, na wɔde no kɔe a wɔammu atɛntrenee amma no;Na hena na ɔbɛhaw ne ho sɛ obehu n’awo ntoatoaso?* Wotwaa no fii ateasefo asaase so;+Me man mmarato nti na wɔboroo no.*+   Na owui no, wosiee no wɔ abɔnefo+Ne asikafo* asiei,+Ɛwom sɛ wanyɛ bɔne* biara,Na na nnaadaa biara nni n’anom.+ 10  Nanso, na ɛsɔ Yehowa ani* sɛ obebubu no, enti ɔma ɔyaree. Sɛ wode ne nkwa* bɛma sɛ afodi afɔre+ a,Obehu n’asefo,* ɔbɛma ne nna akyɛ,+Na ɛnam no so na nea ɛsɔ Yehowa ani* begyina.+ 11  Obehu n’amanehunu,* na ne koma atɔ ne yam. M’akoa+ a ɔyɛ treneeni no nam ne nimdeɛ soBɛma nnipa pii anya trenee gyinabea,+Na wasoa wɔn bɔne.+ 12  Ɛno nti, mɛma wanya kyɛfa wɔ nnipa pii mu,Na ɔne mmarima a wonim ko akyɛ nneɛma a wɔanya wɔ ɔko mu,Efisɛ ɔde ne nkwa* too hɔ maa owu,+Na wɔkan no fraa mmaratofo;+Ɔsoaa nnipa pii bɔne,+Na ogyinaa mu maa mmaratofo.+

Ase Hɔ Nsɛm

“N’anim” betumi akyerɛ onipa bi anim anaa Onyankopɔn anim.
Anaa “biribiara nni ne ho a ɛbɛma ne ho ayɛ yɛn akɔnnɔ.”
Ebetumi nso akyerɛ, “Ná ɔte sɛ obi a nnipa ayi wɔn ani afi n’anim.”
Anaa “n’abrabɔ?”
Anaa “wɔbɔɔ no kum no.”
Nt., “osikani bi.”
Anaa “wanni nsɛmmɔne.”
Anaa “Nanso Yehowa ani gyee ho.”
Anaa “ne kra.”
Anaa “n’aba.”
Anaa “nea Yehowa pɛ; nea Yehowa ani gye ho.”
Anaa “ne kra ahoyeraw.”
Anaa “ne kra.”