Yesaia 65:1-25
65 “Wɔn a wɔammisa m’ase no, mama wɔahwehwɛ me;Wɔn a wɔanhwehwɛ me no, mama wɔahu me.+
Ɔman a wɔammɔ me din no, meka kyerɛɛ wɔn sɛ, ‘Mini, mini!’+
2 Matrɛw me nsam da mu nyinaa ama ɔman asoɔdenfo,+Wɔn a wɔnam ɔkwammɔne so+A wodi wɔn ankasa adwene akyi;+
3 Ɔman a wogyina m’anim daa hyɛ me abufuw,+Na wɔbɔ afɔre wɔ nturo mu,+ na wɔhyew afɔrebɔde wɔ birikisi so.
4 Wɔtete amusiei,+Na wɔda baabi a ahintaw* ma ade kye;Wɔwe prakonam,+Na akyiwade nkwan* wɔ wɔn nkuku mu.+
5 Wɔka sɛ, ‘Gyina nkyɛn; mmɛn me,Efisɛ meyɛ kronkron sen wo.’*
Eyinom yɛ wusiw wɔ me hwenem, ogya a ɛdɛw daa.
6 Hwɛ! Wɔakyerɛw wɔ m’anim;Merentena hɔ komm,Na mmom metua wɔn ka,+Mede wɔn akatua nyinaa bɛma wɔn.*
7 Metua wɔn bɔne ne wɔn agyanom bɔne so ka,”+ Yehowa na waka.
“Esiane sɛ wɔhyew afɔrebɔde wɔ mmepɔw so,Na woguu me ho fĩ wɔ nkoko so+ nti,Medi kan asusuw wɔn akatua nyinaa ama wɔn.”*
8 Asɛm a Yehowa aka ni:
“Sɛnea wonya bobesa foforo fi bobe* mu a,Obi ka sɛ, ‘Nsɛe no, efisɛ adepa* bi wom’ no,
Saa ara na me nkoa nti mɛyɛ;Merensɛe wɔn nyinaa.+
9 Mede aseni* bi befi Yakob mu aba,Na Yuda mu na meyi nea me mmepɔw bɛyɛ ne dea;+Wɔn a mayi wɔn no bɛfa,Na me nkoa atena hɔ.+
10 Saron+ bɛyɛ nguan adidibeaNa Akor Bon*+ ayɛ anantwi ahomegyebeaAma me nkurɔfo a wɔhwehwɛ me no.
11 Nanso moka wɔn a wɔagyaw Yehowa hɔ no ho,+Wɔn a wɔn werɛ afi me bepɔw kronkron no,+Wɔn a wɔtow pon ma onyame a ɔma nkurɔfo ti yɛ yiyeNe wɔn a wɔhyɛ nsã* a wɔafrafra wɔ kuruwa mu ma Nkrabea nyame.
12 Enti mede mo bɛma sekan,+
Na mo nyinaa bɛkotow ama wɔakum mo,+Efisɛ mefrɛe, nanso moannye so,Mekasae, nanso moantie;+Mokɔɔ so yɛɛ bɔne wɔ m’ani so,Na mopaw nea m’ani nnye ho.”+
13 Eyi nti, nea Awurade Tumfo Yehowa aka ni:
“Hwɛ! Me nkoa bedidi, na mo de, ɔkɔm bɛde mo.+
Hwɛ! Me nkoa benya nsu anom,+ na mo de, osukɔm bɛde mo.
Hwɛ! Me nkoa ani begye,+ na mo de, mo ani bewu.+
14 Hwɛ! Koma mu anigye nti, me nkoa bedi ahurusi,Na mo de, koma mu yaw nti, mubesu,Na honhom a abubu nti, mubesu ateɛteɛ mu.
15 Mubegyaw din, na wɔn a mapaw wɔn no de bɛka ntam,Na Awurade Tumfo Yehowa bekunkum mo mmaako mmaako,Na ɔno ara ne nkoa de, ɔde din foforo bɛfrɛ wɔn,+
16 Sɛnea ɛbɛyɛ a, obiara a ɔhwehwɛ nhyira wɔ asaase so no,Nokware* Nyankopɔn no behyira no.Na obiara a ɔka ntam wɔ asaase so no,Ɔde nokware* Nyankopɔn no bɛka ntam.+
Na wɔrenkae kan amanehunu no;M’ani renhu bio.+
17 Na hwɛ! Merebɔ ɔsoro foforo ne asaase foforo;+Na wɔrenkae kan nneɛma no bio,Na ɛremma komam bio.+
18 Enti munni ahurusi na momma mo ani nnye daa, ade a merebɔ no nti.
Na hwɛ! Merebɔ Yerusalem ama ɛde anigye aba,Na merebɔ emufo ama wɔde ahurusi aba.+
19 M’ani begye Yerusalem ho na madi me man ho ahurusi;+Wɔrente sɛ obi resu anaa obi rebɔ bena wɔ mu bio.”+
20 “Wɔrenhu akokoaa a wannyin ankyɛ bio,Anaa akwakoraa a wanni ne nna anwie.
Sɛ obi di mfe ɔha na owu a, wobebu no sɛ ɔyɛ abarimaa.Na ɔbɔnefo de, sɛ odi mfe ɔha mpo a, wɔbɛdome no.*
21 Wobesisi adan atena mu,+Na wɔayeyɛ bobefuw* adi mu aba.+
22 Wɔrensisi adan mma obi foforo mmɛtena mu,Na wɔrennua mma obi mmedi.
Efisɛ me man nna bɛyɛ sɛ dua nna,+Na wɔn a mapaw wɔn no bedi wɔn nsa ano adwuma amee.
23 Wɔrenyɛ adwuma* mmrɛ ngu kwa,+Na mma a wɔbɛwo wɔn no, mmusu renka wɔn,Efisɛ wɔyɛ mma* a Yehowa ahyira wɔn,+Wɔne wɔn asefo.+
24 Ansa na wɔbɛfrɛ mpo, na magye so;Na wogu so rekasa no, metie.
25 Pataku ne oguan ba bɛbom adidi,Na gyata awe wura sɛ nantwi,+Na ɔwɔ de, dɔte na ɛbɛyɛ n’aduan.
Wɔrenyɛ bɔne, na wɔrensɛe ade, me bepɔw kronkron no nyinaa so,”+ Yehowa na waka.
Ase Hɔ Nsɛm
^ Ebetumi nso akyerɛ, “awɛnee.”
^ Anaa “nkwan a ɛho ntew.”
^ Ebetumi nso akyerɛ, “Na mamma woanyɛ kronkron.”
^ Nt., “Mede akatua no begu wɔn kokom.”
^ Nt., “Medi kan asusuw wɔn akatua de agu wɔn kokom.”
^ Kyerɛ sɛ, bobe siaw.
^ Nt., “nhyira.”
^ Nt., “aba.”
^ Anaa “Asaasetraa.”
^ Anaa “bobesa.”
^ Anaa “Nokwaredi.” Nt., “Amen.”
^ Anaa “Nokwaredi.” Nt., “Amen.”
^ Ebetumi nso akyerɛ, “Sɛ obi anni mfe ɔha na owu a, wobebu no sɛ wɔadome no.”
^ Anaa “bobeturo.”
^ Anaa “adwumaden.”
^ Nt., “aba.”
