Yesaia 11:1-16

  • Yese dubaa no trenee ahenni (1-10)

    • Pataku ne oguan ba bɛbom atena (6)

    • Yehowa ho nimdeɛ bɛyɛ asaase so ma (9)

  • Wɔbɛsan de nkaefo bi aba (11-16)

11  Dubaa+ bi befifi Yese dunsin mu,+Na dua foforo bi bɛfefɛw+ afi ne ntini mu asow aba.   Na Yehowa honhom bɛtena no so,+Nyansa+ ne ntease honhom,Afotu ne tumi honhom,+Nimdeɛ ne Yehowa suro honhom.   Na Yehowa suro bɛyɛ no anigye.+ Ɛnyɛ nea n’ani hu na obegyina so abu atɛn,Na ɛnyɛ nea n’aso te kɛkɛ na obegyina so anya obi kasakyerɛ.+   Obebu atɛn turodoo* ama ahiafo,Na ɔde trenee ayi ntɛn ama asaase so ahobrɛasefo. Ɔde n’anom abaa bɛbɔ asaase no,+Na ɔde n’anom ahome* akum abɔnefo.+   Trenee bɛyɛ abɔso abɔ ne sisi,Na nokwaredi ayɛ abɔso wɔ n’asen.+   Pataku ne oguan ba bɛtena,*+Na ɔsebɔ ne apɔnkye ba ada faako,Na nantwi ba ne gyata* ne aboa a wadɔ srade bɛbom atena faako;*+Na abarimaa ketewaa aka wɔn.   Nantwibere ne osisi bɛbom adidi,Na wɔn mma ada faako. Gyata bɛwe wura sɛ nantwinini.+   Abofra a otua nufu ano begoru ɔprammiri amoa ano,Na abofra a watwa nufu de ne nsa aka ahurutoa* bɔn.   Wɔrenyɛ bɔne+Na wɔrensɛe ade bio wɔ me bepɔw kronkron no nyinaa so,+Efisɛ Yehowa ho nimdeɛ bɛyɛ asaase so ma Sɛnea nsu kata po so no.+ 10  Saa da no, Yese ntini+ bɛsɔre agyina sɛ ahyɛnsode* ama aman no.+ Ne hɔ na amanaman bɛhwehwɛ akwankyerɛ,*+Na ne homebea benya anuonyam. 11  Saa da no, Yehowa bɛsan ateɛ ne nsa, ne mprenu so, de agye ne man nkaefo afi Asiria,+ Egypt,+ Patros,+ Kus,+ Elam,+ Sinar,* Hamat, ne po so nsupɔw+ so. 12  Ɔbɛma ahyɛnsode* bi so ama aman no na waboaboa Israelfo a wɔahwete no ano,+ na ɔbɛboaboa Yudafo a wɔahwete no ano afi asaase afanan nyinaa.+ 13  Efraim ahoɔyaw befi hɔ,+Na wɔn a wɔtan Yuda no, wobeyi wɔn afi hɔ. Efraim ani remmere Yuda,Na Yuda nso rentan Efraim.+ 14  Wobetu fãã akosi Filistifo nkoko* so wɔ atɔe;Wɔbɛbom afom Apueifo nneɛma. Wɔbɛteɛ wɔn nsa wɔ Edom ne Moab so,*+Na Ammonfo abɛhyɛ wɔn ase.+ 15  Egypt po no fã a adidi kɔ asaase mu* no, Yehowa bɛkyɛ mu,*+Na obehim ne nsa wɔ Asubɔnten no*+ so. Ɔde ne home* hyehyeehyew no bɛbɔ n’asuten ason no,*Na wama nnipa de wɔn mpaboa anantew atwa. 16  Na ɔkwantempɔn+ bi befi Asiria abɛda hɔ ama ne man nkaefo a wɔaka no,+Sɛnea ebi bɛdaa hɔ maa Israel ɛda a ofii Egypt asaase so no.

Ase Hɔ Nsɛm

Anaa “atɛntrenee.”
Anaa “honhom.”
Kyerɛ sɛ, wobehyiam bere ne bere mu.
Anaa “gyatanini a ne ho yɛ den.”
Ebetumi nso akyerɛ, “Na nantwi ba ne gyata bedidi abom.”
Ɔwɔ bi a n’ano wɔ bɔre paa.
Anaa “frankaa.”
Anaa “Amanaman bɛhwehwɛ n’akyi kwan.”
Kyerɛ sɛ, Babilonia.
Anaa “frankaa.”
Nt., “abati.”
Anaa “Wobedi Edom ne Moab so.”
Nt., “Egypt po no tɛkrɛma.”
Ebetumi nso akyerɛ, “bɛma ayow.”
Kyerɛ sɛ, Eufrate.
Anaa “honhom.”
Ebetumi nso akyerɛ, “bɛkyɛ n’asuten no mu ason.”