Yesaia 4:1-6

  • Mmea baason besuso ɔbarima baako mu (1)

  • Nea Yehowa bɛma afifi no benya anuonyam (2-6)

4  Saa da no, mmea baason besuso ɔbarima baako mu+ aka akyerɛ no sɛ: “Yebedi yɛn ankasa aduanAhyɛ yɛn ankasa ataade;Nea ehia ara ne sɛ wode wo din bɛto yɛn soNa apra yɛn aniwu* afi hɔ.”+  Ɛda no, nea Yehowa bɛma afifi* no bɛyɛ fɛ na anya anuonyam, na Israelfo a wɔanya wɔn ti adidi mu no de asaase no so aba bɛhoahoa wɔn ho, na ɛbɛyɛ wɔn fɛ.+  Obiara a ɔbɛka Sion a wobegyaw no Yerusalem no, wɔbɛfrɛ no kronkron, wɔn a wɔwɔ Yerusalem a wɔakyerɛw wɔn din sɛ wɔntena nkwa mu+ no nyinaa.  Sɛ Yehowa de atemmu honhom ne ogya honhom*+ hohoro Sion mma mmea ho fĩ*+ na ɔhohoro Yerusalem mogyahwiegu nso fi ne mu a,  Yehowa bɛma omununkum ne wusiw akata Sion Bepɔw no so nyinaa ne ne nhyiambea so awia, na ogyaframa ahyerɛn hɔ anadwo,+ efisɛ nea ɛwɔ anuonyam no nyinaa benya ahobammɔ.  Na apata* bi bɛwɔ hɔ. Awiabere a ahohuru wom no, ɛbɛma onwini,+ na ahum ne osutɔbere mu nso, ayɛ guankɔbea ne hintabea.+

Ase Hɔ Nsɛm

Kyerɛ sɛ, sigyadi ne boninyɛ ho aniwu.
Anaa “Yehowa dubaa.”
Anaa “honhom a ɛredɛw.”
Nt., “tiafi.”
Anaa “ɔsese.”