Yesaia 54:1-17

  • Obonin Sion benya mma mmarima bebree (1-17)

    • Yehowa yɛ Sion kunu (5)

    • Yehowa bɛkyerɛkyerɛ Sion mma mmarima (13)

    • Akode biara a wɔde bɛba Sion so no renyɛ yiye (17)

54  “Obonin a wonwoe, di ahurusi!+ Wo a wontee awo yaw da,+ ma w’ani nnye na bɔ ose,+Efisɛ ɔbea a wɔapo no no mma mmarima* dɔɔsoSen nea ɔwɔ kunu* no de,”+ Yehowa asɛm ni.   “Trɛw wo ntamadan mu.+ Ma wo ntamadan kɛse no ntama mu ntrɛw. Twe mu ara. Ma wo ntamadan nhama nyɛ atenten,Na nnua a wode bɛbobɔ wo ntamadan mu atim fam no, ma emu nyɛ den.+   Efisɛ wobɛtrɛtrɛw akɔ nifa ne benkum. Wo mma bɛfa aman adi so,Na wɔbɛkyekye nkurow a asɛe na wɔatena mu.+   Nsuro,+ efisɛ w’anim rengu ase;+Mma w’ani nnwu, na wo nsa rensi fam. Efisɛ wo werɛ befi wo mmabaaberem aniwu,Na worenkae wo kunayɛ mu animguase bio.”   “Na wo Yɛfo Kɛse+ no te sɛ wo kunu,*+Asafo Yehowa ne ne din,Na Israel Kronkronni no ne wo Gyefo.+ Wɔbɛfrɛ no asaase nyinaa Nyankopɔn.+   Yehowa frɛɛ wo te sɛ ɔbea a ne kunu apo no ama ɔredi awerɛhow,*+Te sɛ ɔbea a ɔwaree wɔ ne mmabaaberem na wɔapo no,” wo Nyankopɔn na waka.   “Mepoo wo bere tiaa bi,Nanso mede mmɔborɔhunu kɛse bɛboaboa wo ano asan aba.+   Bere a me bo fuwii no,* mede m’anim hintaw wo bere tiaa bi,+Nanso me dɔ a enni huammɔ a ɛwɔ hɔ daa nti, mehu wo mmɔbɔ,”+ wo Gyefo+ Yehowa na waka.   “Eyi te sɛ Noa nna no ma me.+ Sɛnea maka ntam sɛ Noa nsu no renkata asaase so bio no,+Saa ara na mereka ntam sɛ, me bo remfuw wo bio, na merenka w’anim bio.+ 10  Mmepɔw befi hɔ,Na nkoko behinhim,Nanso me dɔ a enni huammɔ remfi wo so,+Na m’asomdwoe apam nso renhinhim,”+ Yehowa a ohu wo mmɔbɔ no na waka.+ 11  “O ɔbea a wo ho yeraw wo,+ wo a mframa abɔ wo a wunni awerɛkyekye biara,+Mede dɔte* a ɛyɛ den bɛhyehyɛ w’abo,Na mede hoabo+ bɛto wo fapem. 12  W’aban atifi no, aboɔden abo kɔkɔɔ na mede besi,Na mede abo a etwa yerɛwyerɛw* bɛyɛ wo kurow apon,Na mede abo a ne bo yɛ den ato w’ahye nyinaa. 13  Yehowa bɛkyerɛkyerɛ wo mma mmarima* nyinaa,+Na wo mma mmarima* asomdwoe bɛdɔɔso.+ 14  W’ase betim wɔ trenee mu.+ Wo ne nhyɛso ntam bɛware,+Worensuro hwee, na biribiara remmɔ wo hu,Efisɛ ɛremmɛn wo.+ 15  Sɛ obi bɛtow hyɛ wo so a,Ɛnde na emfi me. Obiara a ɔbɛtow ahyɛ wo so no, wo nti ɔbɛhwe ase.”+ 16  “Hwɛ! Me ara na mebɔɔ ɔtomfo,Nea ohuw gya* mu,Na ɔyɛ akode no. Me ara nso na mebɔɔ ɔsɛefo sɛ ɔnsɛe ade.+ 17  Akode biara a wɔbɛyɛ de aba wo so no renyɛ yiye,+Na tɛkrɛma biara a ɛbɛkasa atia wo wɔ atemmu mu no, wubebu no fɔ. Eyi ne Yehowa asomfo agyapade,Na wɔn trenee fi me,” Yehowa na waka.+

Ase Hɔ Nsɛm

Anaa “mma.”
Anaa “wura.”
Anaa “wura.”
Nt., “ɔredi honhom mu yaw.”
Anaa “m’abufuw yirii no.”
Anaa “mɔɔta.”
Anaa “ogya abo.”
Anaa “wo mma.”
Anaa “wo mma.”
Anaa “gyabiriw gya.”