Yesaia 25:1-12

  • Onyankopɔn nkurɔfo benya nhyira bebree (1-12)

    • Yehowa de nsã pa bɛtow pon (6)

    • Owu nni hɔ bio (8)

25  O Yehowa, wone me Nyankopɔn. Mema wo so, na miyi wo din ayɛ,Efisɛ woayɛ anwonwade pii,+Nneɛma a wobɔɔ wo tirim* wɔ ho fi tete no,+Ayɛ nokware,+ na aba mu.   Woama kurow bi adan abo* sum hɔ,Woama kurow dennen adwiriw agu pasapasa, Ahɔho* aban no nyɛ kurow bio;Wɔrensan nsi bio da.   Ɛno nti, nnipa a wɔn ho yɛ den bɛhyɛ wo anuonyam;Amanaman atirimɔdenfo kurow besuro wo.+   Efisɛ woabɛyɛ mmɔborɔwafo abannennen,Ohiani abannennen wɔ n’ahohia mu,+Ahum ano guankɔbea,Ne ɔhyew mu onwini.+ Bere a atirimɔdenfo abufuw* te sɛ ahum a ɛpem ɔfasu,   Te sɛ sare so ɔhyew no,Wobrɛ ahɔho* dede ase. Sɛnea omununkum nwini gye ɔhyew no,Saa ara na woma atirimɔdenfo dwom ano brɛ ase.   Bepɔw yi so+ na asafo Yehowa bɛtow aman nyinaa pon;Ɔde aduan pa,+Ɔde nsã pa,*Ɔde aduan pa a hon fra mu,Ɔde nsã pa a wɔasɔn so.   Bepɔw yi so na obeyi* nkataho a ɛkata nnipa nyinaa soNe ntama* a wɔde akata aman nyinaa so no.   Ɔbɛmene owu* afebɔɔ,+Na Awurade Tumfo Yehowa bɛpopa obiara anim nisu.+ Obeyi ne man animguase* afi asaase nyinaa so,Efisɛ Yehowa ankasa na waka.   Saa da no wɔbɛka sɛ: “Hwɛ! Yɛn Nyankopɔn ni!+ Yɛde yɛn ani ato no so,+Na obegye yɛn.+ Yehowa ni! Yɛde yɛn ani ato no so. Momma yɛn ani nnye, na yenni ne nkwagye mu ahurusi.”+ 10  Efisɛ Yehowa de ne nsa bɛto bepɔw yi so,+Na wobetiatia Moab so wɔ n’ankasa asaase so+Te sɛ nwura bebree a wotiatia so wɔ sumina* so. 11  Na ɔbɛtwe ne nsam wɔ soTe sɛ nea osuguarefo twe ne nsam guare no,Na ɔbɛdannan ne nsa yiyeDe abrɛ n’ahantan ase.+ 12  Na kurow dennen ne w’afasu atenten a ɛbɔ wo ho ban no,Obebubu agu;Obedwiriw agu fam, mfuturu mu.

Ase Hɔ Nsɛm

Anaa “Nneɛma a wutuu ho agyina.”
Anaa “afabo.”
Anaa “Ananafo.”
Anaa “ahome.”
Anaa “ananafo.”
Anaa “bobesa a ada ase.”
Nt., “ɔbɛmene.”
Anaa “nkataanim.”
Anaa “Obeyi owu afi hɔ.”
Anaa “ahohora.”
Anaa “bɔɔla.”