Yesaia 52:1-15
52 O Sion,+ nyan! Nyan! Fa ahoɔden hyɛ!+
O Yerusalem, kurow kronkron, hyɛ w’ataade fɛfɛɛfɛ no!+
Efisɛ nea wontwaa no twetia* ne nea ne ho ntew biara renwura wo mu bio.+
2 O Yerusalem, poroporow wo ho mfuturu, sɔre na tena ase.
O Sion babea a wɔakyere wo, san nhama a ɛkyekyere wo kɔn no.+
3 Na nea Yehowa aka ni:
“Wɔantɔn mo annye hwee,+Na ɛnyɛ sika na wɔde begye mo.”+
4 Nea Awurade Tumfo Yehowa aka ni:
“Me man dii kan sian kɔɔ Egypt kɔtenaa hɔ sɛ ahɔho;+Na Asiria nso hyɛɛ wɔn so kwa.”
5 “Enti afei, dɛn na menyɛ wɔ ha?” Yehowa asɛm ni.
“Efisɛ wɔfaa me man kwa.
Wɔn a wodi wɔn so no kɔ so hoahoa wɔn ho,”+ Yehowa asɛm ni.“Na da biara da, da mũ nyinaa, wobu me din animtiaa.+
6 Ɛno nti, me man behu me din;+Ɛno nti, saa da no, wobehu sɛ me ara mene Nea ɔrekasa no.
Hwɛ, ɛyɛ me!”
7 Nea ɔde asɛmpa nam mmepɔw so reba no, ne nan ase yɛ fɛ dodo!+Nea ɔka asomdwoe asɛm,+Nea ɔka adepa ho asɛmpa,Nea ɔka nkwagye asɛm,Nea ɔka kyerɛ Sion sɛ: “Wo Nyankopɔn abɛyɛ Ɔhene!”+
8 Tie! W’awɛmfo ama wɔn nne so.
Wɔn nyinaa abom rebɔ ose,Efisɛ Yehowa boaboa Sion ano ba a, wobehu no pefee.*
9 Yerusalem kurow a asɛe, mo ani nnye, mommom mmɔ ose,+Efisɛ Yehowa akyekye ne man werɛ;+ wagye Yerusalem.+
10 Yehowa ayi ne basa kronkron no ho wɔ aman nyinaa anim;+Asaase so nnipa nyinaa behu yɛn Nyankopɔn nkwagye.*+
11 Montwe mo ho, montwe mo ho, mumfi hɔ,+ mommfa mo nsa nnka biribiara a ɛho ntew!+
Mumfi ne mu,+ montew mo ho,Mo a moso Yehowa anwenne.+
12 Na ɛnyɛ ahopopo na mode befi hɔ,Na morenguan nso.Efisɛ Yehowa bedi mo anim akɔ,+Na Israel Nyankopɔn bedi mo akyi abɔ mo ho ban.+
13 Hwɛ! M’akoa+ de ntease* bɛyɛ ade.
Wɔbɛma no dibea a ɛwɔ soro,Wɔbɛma no gyinabea a ɛkorɔn, na wɔbɛma no so papaapa.+
14 Nnipa pii a wohuu no no ho dwiriw wɔn,Efisɛ wɔsɛee n’anim sen onipa biara de,Na wɔsɛee ne nipaban sen onipa de;
15 Enti ɔno nso bɛma aman pii abɔ hu.+
Ahemfo bɛka wɔn ano atom* wɔ n’anim,+Efisɛ nea wɔnka nkyerɛɛ wɔn no, wobehu,Na nea wɔntee da no, wɔbɛte.+
Ase Hɔ Nsɛm
^ Anaa “wontwaa ne dua.”
^ Anaa “ani kann.”
^ Anaa “nkonimdi.”
^ Anaa “nhumu.”
^ Anaa “Ahemfo renhu nea wɔnka.”
