Yesaia 9:1-21

  • Hann kɛse apue wɔ Galilea asaase so (1-7)

    • Wɔawo “Asomdwoe Hene” no (6, 7)

  • Onyankopɔn ma ne nsa so tia Israel (8-21)

9  Nanso, esum no renyɛ sɛ bere a na ahoyeraw wɔ asaase no so no, te sɛ kan a wobuu Sebulon asaase ne Naftali asaase animtiaa+ no. Nso akyiri yi, Onyankopɔn bɛhyɛ no anuonyam, kyerɛ sɛ, ɛpo kwan a ɛda Yordan mpɔtam, amanaman Galilea no.   Nnipa a na wɔnam sum mu noAhu hann kɛse bi. Na wɔn a wɔte sum kabii asaase so no,Hann apue wɔn so.+   Woama ɔman no mu nnipa adɔɔso pii;Na woama wɔn anigye ayɛ kɛse. Wɔn ani gye w’animSɛnea nnipa ani gye twabere mu no,Te sɛ wɔn a wɔde ahurusi kyɛ nneɛma a wɔanya wɔ ɔko mu.   Efisɛ wɔn kɔndua a wɔde soa ade,Abaa a ɛda wɔn mmati, ne poma a wɔde ka wɔn kɔ adwuma no, woabubu mu pasapasa,Te sɛ Midian da no.+   Mpaboa biara a wɔde nantew a ɛma asaase wosow,Ne ataade biara a mogya afɔw no no,Wɔde bɛsɔ gya.   Efisɛ wɔawo akokoaa ama yɛn,+Wɔama yɛn ɔbabarima;Na ahenni* no bɛda n’abati so.+ Edin a wɔde bɛfrɛ no ne Ɔfotufo Nwonwafo,+ Onyame Tumfo,+ Daa Agya, Asomdwoe Hene.   N’ahenni* mu bɛtrɛwNa asomdwoe a enni awiei bɛba+Dawid ahengua+ so ne n’ahenni so,Na ɔde atɛntrenee+ ne trenee+Bɛtaa n’ahenni akyi ama atim+Afi nnɛ akosi daa. Asafo Yehowa ahokeka nti na ɔbɛyɛ eyi.   Yehowa de asɛm bi asoma akɔbɔ Yakob kɔkɔ,Na aba Israel so.+   Na nnipa no nyinaa behu,Efraim ne SamariafoA wɔka wɔ ahantan ne dwae so sɛ: 10  “Birikisi adwiriw agu,Nanso yɛde abo a wɔasen besi.+ Wɔatwitwa sikamɔɔ nnua agu,Nanso yɛde sida nnua besi ananmu.” 11  Yehowa bɛma Resin atamfo so atia noNa wakanyan wɔn a wokyi no ama wɔakeka wɔn ho, 12  Siria befi apuei na Filistifo afi atɔe,*+Na wɔbɛbae wɔn anom amene Israel.+ Nea akɔ so nyinaa nti, ɔntwee n’abufuw nsanee,Mmom, wateɛ ne nsa, na ɔda so ara rekunkum.+ 13  Efisɛ ɔman no nsan mmaa Nea ɔbobɔɔ wɔn no nkyɛn;Wɔnhwehwɛɛ asafo Yehowa akyi kwan.+ 14  Na Yehowa de da koro betwa eti ne dua,*Dubaa* ne sare tenten* afi Israel.+ 15  Ɔpanyin ne onuonyamfo ne eti no,Na odiyifo a ɔkyerɛkyerɛ atosɛm ne dua no.+ 16  Ɔman yi akwankyerɛfo ma wɔfom,Na wɔn a saa nkurɔfo yi kyerɛ wɔn kwan no de wɔn ti pempem. 17  Ɛno nti na Yehowa ani rennye wɔn mmerante ho no;Na wɔn nnyanka ne wɔn akunafo nso, ɔrenhu wɔn mmɔbɔ,Efisɛ wɔn nyinaa yɛ awaefo ne nnebɔneyɛfo,+Na obiara ano ka agyimisɛm. Nea akɔ so nyinaa nti, ɔntwee n’abufuw nsanee,Mmom, wateɛ ne nsa, na ɔda so ara rekunkum.+ 18  Efisɛ atirimɔdensɛm dɛw te sɛ ogya, Ɛhyew nsɔe ne nwura. Ɛde ogya bɛto kwae mu adɔtɔ mu, Ama afi wusiw kumɔnnakɔ soro. 19  Asafo Yehowa abufuw ntiNa asaase no rehyew,Na ogya no bɛhyew ɛso nnipa. Obiara renkora ne nua mpo so. 20  Wobetwa wɔ nifa,Nanso ɔkɔm bɛde wɔn ara;Wobedi wɔ benkum,Nanso wɔremmee. Obiara bɛwe n’ankasa nsa ho nam, 21  Manase bɛwe Efraim,Na Efraim awe Manase. Wɔn nyinaa bɛsɔre ahyɛ Yuda.+ Nea akɔ so nyinaa nti, ɔntwee n’abufuw nsanee,Mmom, wateɛ ne nsa, na ɔda so ara rekunkum.+

Ase Hɔ Nsɛm

Anaa “aban; adedi.”
Anaa “N’aban; N’adedi.”
Nt., “akyi.”
Anaa “aboa dua.”
Anaa “Dua nkorabata.”
Ebetumi nso akyerɛ, “berɛw ne demmire.”