Yesaia 38:1-22

  • Hesekia yaree; ne ho tɔɔ no (1-22)

38  Saa nna no mu no, Hesekia yaree ma anka ɔreyɛ awu.+ Na Amus ba odiyifo Yesaia+ bae, na ɔbɛka kyerɛɛ no sɛ: “Nea Yehowa aka ni, ‘Yɛ ntotoe wɔ wo fi, efisɛ wubewu; wo ho rentɔ wo.’”+  Ɛnna Hesekia de n’ani kyerɛɛ dan, na ofii ase bɔɔ Yehowa mpae sɛ:  “O Yehowa, mesrɛ wo, kae+ sɛnea mede nokwaredi ne koma mũ anantew w’anim,+ na mayɛ nea eye wɔ w’ani so.” Na Hesekia fii ase sui pii.  Afei Yehowa ka kyerɛɛ Yesaia sɛ:  “San w’akyi na kɔka kyerɛ Hesekia sɛ,+ ‘Nea Yehowa, wo nana Dawid Nyankopɔn aka ni: “Mate wo mpaebɔ+ no. Mahu wo nisu.+ Enti mede mfe 15 bɛka wo nkwa nna* ho,+  na megye wo ne kurow yi afi Asiria hene nsam, na mɛbɔ kurow yi ho ban.+  Eyi ne sɛnkyerɛnne a efi Yehowa hɔ a ɛbɛma woahu sɛ Yehowa bɛyɛ nea waka no:+  Hwɛ, mɛma sunsuma a owia ama ɛresian wɔ Ahas stɛps* so no akɔ n’akyi anammɔn du.”’”+ Enti owia sunsuma a na asian dedaw wɔ stɛps no so no kɔɔ n’akyi anammɔn du.  Asɛm yi na Yuda hene Hesekia kyerɛwee* bere a ɔyaree na ne ho tɔɔ no no. 10  Mekae sɛ: “Me nkwa nna mfinimfiniNa mɛkɔ Ɔdamoa* pon ano. Me mfe a aka bɛbɔ me.” 11  Mekae sɛ: “Merenhu Yah,* merenhu Yah wɔ ateasefo asaase so.+ Merenhu nnipa anim bioBere a mewɔ nkurɔfo a wɔwɔ baabi a hwee nkɔ so mu no. 12  Wɔatutu me tenabea, na wɔayi afi me ho kɔ+Te sɛ oguanhwɛfo ntamadan. Mabobɔw me nkwa te sɛ nea ntamanwemfo bobɔw ntama;Watwa me afi hɔ te sɛ nea wotwitwa ntama a wɔanwene awie ho nhama fi nsadua* so. Efi awia kosi anadwo, wuwie me nkakrankakra.+ 13  Mebɔ mmɔden sɛ mɛyɛ komm akosi anɔpa. Obubu me nnompe nyinaa mu te sɛ gyata;Efi awia kosi anadwo, wuwie me nkakrankakra.+ 14  Misu te sɛ asomfena anaa apatiprɛw;*+Mepene te sɛ aborɔnoma.+ Mahwɛ soro ama m’ani abrɛ:+ ‘O Yehowa, me ho yeraw me paa;Boa me!’*+ 15  Dɛn na menka? Waka akyerɛ me, na wayɛ. Me mfe nyinaa, mɛnantew ahobrɛase* muM’awerɛhow nti.* 16  ‘O Yehowa, eyinom* so na onipa biara nam tena ase,Na ɛno mu na me honhom nya nkwa. Wobɛma manya ahoɔden na woama manya nkwa.+ 17  Hwɛ! Mannya asomdwoe, mmom midii awerɛhow kɛse;Nanso wode wo ho fam me ho,*Wuyii me fii ɔsɛe amoa mu.+ Woatow me bɔne nyinaa agu w’akyi.*+ 18  Ɔdamoa* rentumi nhyɛ wo anuonyam,+Na owu rentumi nyi wo ayɛ.+ Wɔn a wɔkɔ amoa mu no ntumi nhwɛ wo nokwaredi kwan.+ 19  Ateasefo, ateasefo na wobetumi akamfo wo,Sɛnea metumi ayɛ nnɛ da yi. Agya betumi ama ne mma ahu wo nokwaredi.+ 20  O Yehowa, gye me,Na yɛde asanku bɛbɔ me nnwom+Yɛn nkwa nna nyinaa wɔ Yehowa fi.’”+ 21  Ɛnna Yesaia kae sɛ: “Momfa borɔdɔma a awo a wɔabɔ no tɔw mmra, na momfa ntare pɔmpɔ no so na ne ho ntɔ no.”+ 22  Saa bere no, na Hesekia adi kan abisa sɛ: “Dɛn ne sɛnkyerɛnne a ɛkyerɛ sɛ mɛforo akɔ Yehowa fi?”+

Ase Hɔ Nsɛm

Nt., “wo nna.”
Ɛbɛyɛ sɛ na wɔde saa stɛps yi hwɛ bere. Wɔhwɛ nea owia sunsuma da a, ɛma wohu bere a abɔ.
Anaa “hyehyɛe.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
“Yah” yɛ edin Yehowa a wɔatwa no tiaa.
Ɛyɛ dua a wɔnwene ntama wɔ so.
Ebetumi nso akyerɛ, “asukɔnkɔn.”
Nt., “Gyina m’akyi.”
Anaa “kommyɛ.”
Anaa “Me kra awerɛhow nti.”
Kyerɛ sɛ, Onyankopɔn asɛm ne ne nnwuma.
Anaa “me kra ho.”
Anaa “Woayi me bɔne nyinaa afi w’anim.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.