Yesaia 32:1-20

  • Ɔhene bi ne abirɛmpɔn bedi tumi wɔ atɛntrenee mu (1-8)

  • Wɔbɔ mmea a wɔn ho atɔ wɔn kɔkɔ (9-14)

  • Nhyira a ɛbɛba bere a wɔahwie honhom no afi soro (15-20)

32  Hwɛ! Ɔhene+ bi bedi ade trenee mu,+Na abirɛmpɔn nso bedi tumi atɛntrenee mu.   Wɔn mu biara bɛyɛ sɛ mframa ano hintabea,Ne ahum ano guankɔbea,Asaase a ɛso awo so nsuten,+Ne asaase wosee so botan kɛse onwini.   Na wɔn a wohu ade no, wɔrenka wɔn ani mfomfam so bio,Na wɔn a wɔte asɛm no bɛwɛn wɔn aso.   Wɔn a wɔn ho pere wɔn no koma bedwinnwen nimdeɛ ho,Na wɔn a wɔpo dodow no tɛkrɛma bɛkasa yɔɔ ama emu ada hɔ.+   Wɔremfrɛ ogyimifo sɛ ɔyamyefo bio,Na nea ɔnka mmara no, wɔremfrɛ no otitiriw;   Efisɛ ogyimifo bɛka agyimisɛm,Na ne koma besusuw bɔne,+Sɛnea ɛbɛyɛ a ɔbɛma nkurɔfo atwe wɔn ho afi Yehowa ho* na wɔaka Ne ho nsɛmmɔne,Na wama nea ɔkɔm de no* yafunu ada mpan,Na wama nsu abɔ nea osukɔm de no.   Na obi a ɔnka mmara de, n’akwan* yɛ bɔne;+Ɔma nkurɔfo yɛ aniwude,Na ɔde atosɛm sɛe mmɔborɔwafo,+Bere a ohiani ka nokware mpo.   Nanso ɔyamyefo de, odwen ayamye,Na ayamye* mu ara na obegyina.   “Mmea a mo ho atɔ mo, monsɔre na muntie me! Mma mmea a hwee mfa mo ho,+ monyɛ aso mma m’asɛm! 10  Akyɛ koraa afe ne nna kakra, mo a hwee mfa mo ho no, mo ho bɛpopo,Efisɛ bere a wɔde tetew bobe bɛba awiei no, na mommoaa hwee ano.+ 11  Mmea a mo ho atɔ mo, ehu nka mo! Mo a hwee mfa mo ho, mo ho mpopo! Munyi mo ho nyinaa,Na momfa awerɛhow ntama* nsi mo asen.+ 12  Momfa mo nsa mmobɔ mo koko ntwa adwo,Mo mfuw fɛfɛɛfɛ ne mo bobe a ɛsow aba ho. 13  Efisɛ nsɔe ne nwura begye me man asaase afa;Ebegye anigye afi nyinaaNe ahurusi kurow no afa.+ 14  Efisɛ wɔagyaw abankɛse no ato hɔ;Wɔagyaw kurow a dede wom no ato hɔ.+ Ofel+ ne ɔwɛn aban* adan sare daa,Na sare so mfurum bedi hɔ agoru,Na nguan adidi hɔ,+ 15  Kosi sɛ wobehwie honhom afi soro agu yɛn so,+Na sare no adan turo,Na wɔabu turo no sɛ kwae.+ 16  Afei atɛntrenee bɛtena sare no so,Na trenee atena turo no mu.+ 17  Nokware trenee de asomdwoe bɛba,+Na aba a nokware trenee bɛsow bɛyɛ kommyɛ ne ahotɔ akosi daa.+ 18  Me manfo bɛtena asomdwoe tenabea,Ahotɔ fi, ne kommyɛ ahomegyebea.+ 19  Nanso asukɔtweaa bɛsɛe kwae no,Na wɔbɛbrɛ kurow no ase korakora. 20  Anigye ne mo a mugu aba wɔ nsu nyinaa ho,Na mugyaa nantwi ne afurum ma wɔnantenantew.”+

Ase Hɔ Nsɛm

Anaa “ɔrenkyerɛ obu mma Yehowa.”
Anaa “ɔbɛma ɔkra a ɔkɔm de no.”
Anaa “n’adwinnade.”
Anaa “adwempa.”
Anaa “atweaatam.” Hwɛ Nkyerɛkyerɛmu afã hɔ.
Anaa, “aban a wogyina so wɛn.”