Yesaia 17:1-14

  • Damasko ho atemmusɛm (1-11)

  • Yehowa bɛka aman no anim (12-14)

17  Damasko ho atemmusɛm ni:+ “Hwɛ! Damasko renyɛ kurow bio,Na ɛbɛdan abo asum hɔ.*+   Wobegyaw Aroer+ nkurow;Ɛbɛyɛ baabi a nguan bebutubutuw,Na obiara renhunahuna wɔn.   Nkurow a wɔabɔ ho ban bɛyera afi Efraim,+Na ahenni ayera afi Damasko;+Na Siriafo a wɔaka noBɛyɛ sɛ Israelfo* anuonyam,” asafo Yehowa na waka.   “Saa da no, Yakob anuonyam so bɛtew,Na ne nipadua a ɛte apɔw no* bɛfɔn.   Ɛbɛyɛ sɛ bere a okuafo retwa hwiit*Na ɔde ne nsa repompan hwiit* mmɛtem,Te sɛ obi a ɔresesaw hwiit* ase wɔ Refaim Bon+ mu.*   Ase kakraa bi na ɛbɛka,Te sɛ bere a wɔwosow ngodua: Ngodua aba a abere abien anaa abiɛsa pɛ na ɛbɛka wɔ dua no nkɔnmu,Na anan anaa anum pɛ na ɛbɛka wɔ ne nnubaa so,”+ Israel Nyankopɔn Yehowa na waka.  Saa da no, onipa bɛma n’ani so ahwɛ ne Yɛfo na obegyen n’ani ahwɛ Israel Kronkronni no.  Ɔrenhwɛ afɔremuka+ a ɛyɛ ne nsa ano adwuma+ no; na ɔrennyen n’ani nhwɛ nea ɔde ne nsateaa ayɛ, abosonnua* anaa ade a wɔde hyew aduhuam.   Saa da no, ne nkurow a ɛyɛ den bɛyɛ sɛ beae a aka kwae mu,+Te sɛ dubaa a wogyawee wɔ Israelfo anim;Ɛbɛdan amamfo. 10  Efisɛ wo werɛ afi wo nkwagye Nyankopɔn;+Wonkae wo Botan+ dennen no bio. Ɛno nti na wudua nnua fɛfɛɛfɛNa wotɛw ɔnanani dua* wɔ hɔ no. 11  Wotɔ wo bo ase gye wo nnua ho ban awia,Woma w’aba fifi anɔpa,Nanso da a ɔyare ne yaw a ɛrennyae da bɛba no, ɛso aba betu ayera.+ 12  Tie! Aman yɛ gyegyeegye,Wobu fa so te sɛ po a ɛrehuru kutukutu! Aman yɛ dede,Wɔn dede te sɛ nsu kɛse a ɛreworo so! 13  Aman no bɛyɛ dede te sɛ nsu bebree a ɛreworo so. Ɔbɛka wɔn anim, na wobeguan akɔ akyirikyiri,Wobetiw wɔn te sɛ bepɔw so ntɛtɛwa a mframa de rekɔ,Te sɛ nwura* a ahum ama ɛredi kyinhyia. 14  Edu anwummere a, akomatu. Ansa na ade bɛkye no, na wonni hɔ. Eyi ne wɔn a wɔfom yɛn nneɛma no kyɛfa,Ne wɔn a wogye yɛn ho nneɛma no kyɛfa.

Ase Hɔ Nsɛm

Anaa “ɛbɛdan amamfo.”
Nt., “Israel mma.”
Nt., “ne honam mu srade no.”
Ebetumi aba sɛ ɛyɛ baali.
Ebetumi aba sɛ ɛyɛ baali.
Ebetumi aba sɛ ɛyɛ baali.
Anaa “Asaasetraa so.”
Hwɛ Nkyerɛkyerɛmu afã hɔ.
Anaa “ananafo nyame.”
Anaa “nkyɛkyerɛ.”