Jeremias 6:1-30
6 O ananak nen Benjamin, amot kayod pasen ya arawi ed Jerusalem.Paknol yoy tambuyog+ diad Tekoa;+
Mamarlang kayo na apoy a tanda diad Bet-hakerem!
Ta ngalngali la onsabi so kadederal manlapud amianen, sakey a baleg a kadederal.+
2 Say anak a bii na Sion et mipara ed sakey a maganggana tan masimsimpit a bii.+
3 Onsabi iray managpastol tan saray pulok da.
Ipaalagey da ray tolda ra diad kaliberliber to,+
Pankabkaben na balang sakey so pulok ya aasikasoen to.+
4 “Manparaan kayo ed* piguerra ed sikato!
Alagey kayo, tan sikatoy lusoben tayo no kaagwan!”
“Pakaskasi tayo la, ta manampot lay agew,Ta onlalabi la!”
5 “Alagey kayo, tan onlusob tayo legan na labiTan deralen tayo iray malet a tori to.”+
6 Ta oniay inkuan nen Jehova na saray armada:
“Manbatang kayoy kiew tan mantambak kayoy dalanen yo diad pangubkob yod Jerusalem.+
Sikato so syudad a manepeg a dusaen;Anggapoy arum a walad sikato noag say panamairap.+
7 Singa say bobon a panlalapuan na ambetel* a danum,Sikato met so panlalapuan na inkauges.
Narerengelan ed sikato so inkaruksa tan panagderal;+Naynay a walad arapan ko so sakit tan salot.
8 Imanom iyan pasakbay, O Jerusalem, ta no andi et onarawi ak* lapud nadidimla ak ed sika;+Pagmaliwen ta kan pasen ya apaulyanan, sakey a dalin ya anggapoy manaayam.”+
9 Oniay inkuan nen Jehova na saray armada:
“Tudtoren da so amin ya akera ed Israel a singa ra unor a bunga na sengeg na ubas.
Manburbor ka lamet a singa samay manbuburbor na saray bunga ed kaubasan.”
10 “Siopay pangibagaan ko tan pangiteran koy pasakbay?
Siopay ondengel?
Apepetan iray layag da,* kanian ag-ira makarengel.+
Minudmora da so salita nen Jehova;+Agda itan panliketan.
11 Kanian napno ak na sanok nen Jehova,Tan naksawan ak lan manpapareen.”+
“Iyibung mo iya ed samay ugaw diad karsada,+Diad saray grupo na kalangweran a lalaki.
Naerel iran amin, say laki a kaibay asawa to,Saray masiken a kaiba iramay masiken lan maong.*+
12 Niiter ed arum so kaabungan da,Pati saray uma ra tan kaasawaan da.+
Ta dusaen ko ray manaayam ed sayan dalin,” so imbaga nen Jehova.
13 “Ta manlapud sankaabebaan ya anggad sankatageyan, balang sakey et maagum a manaanap na pinabangan to;+Manlapud propeta anggad saserdote, balang sakey et mansasaol.+
14 Tan agda tatambalen a maong so* impakaderal* na totook, ya ibabaga ran,‘Walay kareenan! Walay kareenan!’
Anta anggapoy kareenan.+
15 Makakalikna ra kasi na baing lapud saray makapadimlan ginawa ra?
Anggapon balot so nalilikna ran baing!
Agda anggan amtay ombaing!+
Kanian natumba ra ed kawalaan na saray atumba la.
Natiror ira sano dusaen ko ra,” so inkuan nen Jehova.
16 Oniay inkuan nen Jehova:
“Manalagey kayo diad saray nansangaan na dalan, tan nengneng yo.
Mantepet kayo nipaakar ed saray dalan nensaman,Tepet yo no kawalaan na maabig a dalan, tan manakar kayo ditan,+Tan makalmo kayoy pakainawaan yo.”*
Balet ibabaga ra: “Agkami manakar ditan.”+
17 “Tan anuro ak na saray managbantay+ a mangibagay,‘Imano yo so tanol na tambuyog!’”+
Balet imbaga ran: “Agmi itan imanoen.”+
18 “Kanian dengel kayo, O sikayo ran nasyon!
Tan amtaen yo, O sikayo ran totoon nantitipon,No antoy nagawa ed sikara.
19 Dengel ka, O dalin!Deralen ko irayan totoo+Bilang resulta na saray pakana ra,Ta agda inimano iray salitak
Tan impulisay da so ganggan* ko.”
20 “Antoy pibabalik ed pangaawit yoy olibano a nanlapud ShebaTan say masamit ya unas* a nanlapud arawin dalin?
Agnaabobonan iray interon apay yon popoolan,Tan agmakapaliket ed siak iray bagat yo.”+
21 Kanian oniay inkuan nen Jehova:
“Mangiyan ak na saray pakatiroran ed sarayan totoo,Tan naparukol ira lapud saratan,Saray kaamaan pati ananak,Say kaabay tan say kaiba to,Tan ompatey iran amin.”+
22 Oniay inkuan nen Jehova:
“Walay onsabin totoo a manlapud dalin ed amianen,Tan walay ombangon a baleg a nasyon manlapud sankaarawian iran pasen na dalin.+
23 Mamemben iray pana tan jabelin.
Maruksa ra, tan anggapoy panangasi ra.
Say boses da et onungol a singa dayat,Tan onlugan ira ed saray kabayo.+
Mandarasig iran miguerra a singa sakey a sundalon milaban ed sika, O anak a bii na Sion.”
24 Abalitaan mi itan.
Kinmapuy iray lima mi;+Agonigon kami,Alikna mi so irap* a singa irap na biin manaanak.+
25 Agkayo oonla ed uma,Tan agkayo manaakar ed karsada,Ta walay espada na kalaban;Walay takot ed kaliberliber.
26 O anak a bii na totook,Mansulong kay sakon abel+ tan mantulin-tulin kad dapol.
Manermen ka tan akis kay ampaipait a singa ka inateyan na alenleneg ya anak,+Ta biglan onsabi ed sikatayo so managderal.+
27 “Ginawa ta kan* sakey a managsuri na metal diad limog na totook,Sakey a maalwar a manuusisa;Imanom tan usisam so dalan da.
28 Sankabengeran irayan totoo,+Manliliberliber ira bilang managpauges.+
Singa ra gansa tan balatyang;Mauges iran amin.
29 Apoolan so panagsibok.
Ismay so pinmaway ed apoy.
Anggapoy kakanaan na impasyan pamipino,+Tan agnibiig iramay makapuy a klase.+
30 Pilak ya impulisay so panawag ed sikara na totoo,Ta impulisay ira nen Jehova.”+
Paimanod leksab
^ Literal, “Pasantosen yoy.”
^ Odino “malinis.”
^ Odino “so kamarerwak.”
^ Literal, “Ag-asegat so layag da.”
^ Literal, “iramay nakda na saray agew.”
^ Odino “impakapiley.”
^ Odino “paspasaray so panatambal da ed.”
^ Odino “na kamarerwa yo.”
^ Odino “bilin.”
^ Sakey ya ambalingit a tanubong.
^ Literal, “pampapasakit ed panaanak.”
^ Salanti, si Jeremias.
