Jeremias 5:1-31
5 Liber kayod saray karsada na Jerusalem.
Nengneng kayod kaliberliber tan imano yo.
Mananap kayod saray plaza to pian nanengneng yoNo kasin walay naromog yon too ya onkikiwas a walaay hustisya,+Sakey a manmamatoor,Pian perdonaen ko iyan syudad.
2 Anggano ibaga ran: “Unong a mabilay si Jehova!”
Siansia nin mansamba ra na katilaan.+
3 O Jehova, agta say inkamatoor so nenengnengen mo?+
Dinusam ira, balet anggapoy epekto tod sikara.*
Dineral mo ra, balet ag-ira mangawat na disiplina.+
Ginawa ran mas anawet nen say bato so lupa ra,+Tan ag-ira nagbabawi.+
4 Balet inkuan kod sarilik: “Seguradon saraya may nipaabeba.
Onkikiwas iran makulangkulang, ta agda amta so dalan nen Jehova,Say panangukom na Dios da.
5 Onla ak ed saray prominentin totoo tan mitongtong ak ed sikara,Ta seguradon inimano ra so dalan nen Jehova,Say panangukom na Dios da.+
Balet amin da et pinuter da so pakoTan pinultot da iray panameget.”*
6 Kanian aatakien ira na leon a nanlapud takel,Ag-ira tutundaan a dederalen na lobo a nanlapud patar a desierto,Walay leopardo a manatalaran a manegkem diad saray syudad da.
Nabingbingkas so amin ya ompaway ditan.
Lapud dakerakel so kasalanan da;Agnabilang so agda impanmatoor.+
7 Panon ta kan perdonaen ed saya?
Tinaynan ak na saray ananak mo,Tan mansasamba ra ed aliwan Dios.+
Inter ko ray pankaukolan da,Balet nantultuloy iran akikalugoran,Tan nantitipon ira ed abung na sakey a paabang a bii.
8 Singa ra kabayon labalabay toy mankasta,Pilalek na balang sakey a naakdolan so asawa na sananey a too.+
9 “Agak kasi mikuentaan ed sikara lapud sarayan bengatla?” so imbaga nen Jehova.
“Agak kasi ombales* ed onian klase na nasyon?”+
10 “La kayod saray adasig a kaubasan to tan deral yo,Balet agyo dederalen ya amin.+
Ekal yo iray onkakayat a simit to,Ta ag-iratan kayarian nen Jehova.
11 Ta agnanmatoor ed siakSo sankaabungan na Israel tan sankaabungan na Juda,” so imbaga nen Jehova.+
12 “Impulisay day Jehova, tan ibabaga ran,‘Anggapoy gawaen to.*+
Anggapoy kadederal ya onsabi ed sikatayo;Anggapoy espada odino eras a nanengneng tayo.’+
13 Puro dagem so ibabaga na saray propeta,Anggapo ed sikara so salita.*
Magmaliw iran andi-kakanaan a singa saray ibabaga ra!”
14 Kanian oniay inkuan nen Jehova, say Dios na saray armada:
“Lapud ontan so ibabaga na sarayan lalaki,Gawaen kon apoy ed sangim iray salitak,+Tan sarayan totoo so kiew a pansunglor,Tan upoten ira na apoy.”+
15 “O sankaabungan na Israel, iyakar kod sika so sakey a nasyon manlapud arawi,”+ so imbaga nen Jehova.
“Sakey a nasyon ya abayag lan niletneg.
Sakey itan a karaanan a nasyon,Sakey a nasyon ya agyo amtay lenguahe to,Tan agyo natalosan so salita to.+
16 Say pananginan day pana et singa akalukas a lubok;Amin da et sundalo.
17 Upoten da iray inanim tan tinapay mo.+
Upoten da iray ananak mon lalaki tan bibii.
Upoten da iray bakam tan karnerom.
Upoten da iray kaubasan mo tan kiew mon igos.
Deralen dad panamegley na espada iray apadiran a syudad mo a panmamatalekan mo.”
18 “Balet anggan diad saratan ya agew,” so imbaga nen Jehova, “agta ka sigpot a deralen.+
19 Tan sano itepet dan, ‘Akin et ginawa ed sikatayo nen Jehova iyan amin a bengatla?’ iyebat mod sikara, ‘No panon a tinaynan yo ak a Dios yo tan nanlingkor kayod sananey a dios diad dalin yo, manlingkor kayo met ed saray dayo ed sakey a dalin ya agyo gawa.’”+
20 Ibaga yo iya ed sankaabungan nen Jacob,Tan ipaamta yod Juda:
21 “Dengel kayo, sikayon makulangkulang tan andiay kalakal a totoo:*+
Walay mata ra balet ag-ira makanengneng;+Walay layag da balet ag-ira makarengel.+
22 ‘Anggapo tay takot yod siak?’ so imbaga nen Jehova,‘Agkayo ta onggiwgiw ed arapan ko?
Siak so angiyan ed kabueran bilang ketegan na dayat,Sakey a permanentin totontonen ya agnayarin lampasan.
Anggano angkakabaleg iray daluyon to, ag-iratan ontalona;Anggano manungol ira, ag-ira onlampas ed satan.+
23 Balet benger tan rebelyoso so puso na sarayan totoo;Tinaynan da ak tan ginawa ray labay da.+
24 Tan agda imbagad sarili da:
“Ontakot itayo ed si Jehova a Dios tayo,Say mangiiter na uran ed panaon to,Say unonan uran tan say unor ya uran,Say maniseguro a walaan itayo na saray aturon simba na panag-ani.”+
25 Agsinmabi irayan bengatla lapud saray lingo yo;Naandi ed sikayo iray maabig a bengatla lapud saray kasalanan yo.+
26 Ta wala ray mauges a totoo ed limog na saray totook.
Manisilib ira, a singa saray akakebkeb a managpatit na manok.
Mangiiyan ira na makapatey a patit.
Totoo so eerelen da.
27 Singa kulongan a napno na saray manok,Say kaabungan da et napno met na panagsaol.+
Kanian binmiskeg tan yinmaman ira.
28 Tinmataba tan sinmisileng ira;Manleppuay kaugsan da.
Agda idedepensa so kaso na ulilad ama,+Pian onasenso ra;Tan agda iikday hustisya iray pobri.’”+
29 “Agak kasi mikuentaan ed sikara lapud sarayan bengatla?” so imbaga nen Jehova.
“Agak kasi ombales* ed onian klase na nasyon?
30 Makapabigla tan makapataktakot a bengatla so sinmabi ed dalin:
31 Katilaan so ipropropesiya na saray propeta,+Tan manguuley iray saserdote unong ed panlabayan da.
Tan ontan so labalabay na totook.+
Balet antoy gawaen yo no onsabi so anggaan?”
