Jeremias 30:1-24
-
Saray sipan a kipawil tan iyabig (1-24)
30 Oniay mensahe nen Jehova a sinmabi ed si Jeremias:
2 “Oniay inkuan nen Jehova a Dios na Israel, ‘Isulat mod libro so amin a salitan ibagak ed sika.
3 Ta “onsabi agew,” so imbaga nen Jehova, “a tiponen ko iray naaripen a totook, say Israel tan Juda,”+ so inkuan nen Jehova, “tan ipawil ko rad dalin ya inter kod saray inmuunan atateng da, tan nakayarian da lamet itan.”’”+
4 Saraya so imbaga nen Jehova ed Israel tan Juda.
5 Oniay inkuan nen Jehova:
“Nadngel mi so ungol na panggiwgiw;Walay takot, tan anggapoy kareenan.
6 Mantepet kayo, ipangasi yo, no kasin mananak so laki.
Akin et nanenengneng kon sankabembenan na amin a mabiskeg a laki so eges da,Singa biin manaanak?+
Akin et pinmusisaw so amin a lupa?
7 Agayla! Makapataktakot* itan ya agew.+
Anggapoy miparad satan,Panaon itan na gonigon parad Jacob.
Balet sikatoy niliktar lanlamang ed satan.”
8 “Tan diad satan ya agew,” so imbaga nen Jehova na saray armada, “puteren koy pako ed beklew mo, tan pultoten ko iray bedber,* tan sikatoy* agla aripenen na saray agkabat a totoo.*
9 Manlingkor iray totook ed si Jehova a Dios da tan ed si David ya ari ra, a turoen ko parad sikara.”+
10 “Tan sika, aripen kon Jacob, agka ontatakot,” so imbaga nen Jehova,“Tan agka onkekebbiew, O Israel.+
Ta iliktar ta ka manlapud arawiTan say ilalak mo manlapud dalin ya akaaripenan da.+
Ompawil si Jacob tan magmaliw lan maligen tan anggapo lay manggulo ed sikato,Tan anggapoy manataktakot ed sikara.”+
11 “Ta wadia ak a mangiliktar ed sika,” so imbaga nen Jehova.
Balet sigpot kon deralen so amin a nasyon ya angitayakan kod sika;+Ingen, agta ka sigpot a deralen.+
Dugaruga labat so disiplina* ya iter kod sika,Tan agko abuloyan ya agka nadusa.”+
12 Ta oniay inkuan nen Jehova:
“Anggapoy tambal ed piley mo.+
Agla onabig so sugat mo.
13 Anggapoy mangidepensa ed kasom,Anggapo lay makapanpaabig ed girim.
Anggapo lay makatambal ed sika.
14 Nilingwanan ka la na amin a mangaarod sika.+
Agda ka la aanapen.
Ta sinakitan ta ka a singa gagawaen na sakey a kalaban,+Singa impanusa na sakey a maruksa,Lapud kabaleg tan karakel na kasalanan mo.+
15 Akin et onaakis ka lapud piley mo?
Agla natambal so sakit a naliliknam!
Ginawak iya ed sikaLapud kabaleg tan karakel na kasalanan mo.+
16 Kanian naderal so amin a manederal ed sika,+Tan naaripen met so amin a kalaban mo.+
Nasamsaman iramay manasamsam ed sika,Tan naupot iray kayarian na saramay amin a manguupot ed kayarian mo.”+
17 “Balet pakasilen ta ka lamet, tan paabigen ko iray sugat mo,”+ so imbaga nen Jehova,“Anggano tinawag da kan sakey ya aglabalabay:
‘Say Sion, ya anggapoy manaanap ed sikato.’”+
18 Oniay inkuan nen Jehova:
“Tiponen ko iray naaripen a kabiangan na saray tolda nen Jacob,+Tan kasian ko iray tabernakulo to.
Nipaalagey lamet so syudad diad tapew na pukdol to,+Tan niletneg so malet a tori ed manepeg a pasen to.
19 Tan misalamat ira tan oneyag irad liket.+
Parakelen ko ra, tan ag-ira ondaiset;+Pagmaliwen ko ran amayamay,*Tan ag-ira magmaliw a melmelag.+
20 Saray ananak to et magmaliw a singa nensaman,Tan diad arapan ko et malet a niletneg so muyong to.+
Dusaen ko so amin a mamapairap ed sikato.+
21 Manlapud sikato so maglorian sakey,Tan ompaway ed pegley to so manuley to.
Sikatoy paasinggeren ko, tan onasingger ed siak.”
“Ta nilikud ed sikato, wala tay makpel* ya onasingger ed siak?” so imbaga nen Jehova.
22 “Tan magmaliw kayon totook,+ tan siak so magmaliw a Dios yo.”+
23 Onsabi so maksil a dagem nen Jehova lapud sanok to,+Ondapo itan a singa maksil ya alimbusabos ed tapew na ulo na saray mauges.
24 Ag-onkepa so mandarlang a sanok nen JehovaAnggad agto nagawaan tan nasumpal iray intension na puso to.+
Natalosan yo iya diad kaunoran iran agew.+
