Jeremias 20:1-18
20 Natan et mandengdengel so anak nen Imer a si Pasur, say saserdote tan manunan opisyal ed abung nen Jehova, sanen impropesiya nen Jeremias irayan bengatla.
2 Insan pinekpek nen Pasur si Jeremias a propeta tan inyan tod saray panangipangawan+ a walad Bandad Tagey a Puerta na Benjamin, diad abung nen Jehova.
3 Balet diad tinmumbok ya agew, sanen imbulos la nen Pasur si Jeremias ed saray panangipangawan, oniay inkuan nen Jeremias ed sikato:
“Aliwan Pasur so impanawag nen Jehova ed sika, noagta Takot Diad Kaliberliber.+
4 Ta oniay imbaga nen Jehova, ‘Nataktakot ka tan say amin a kakaarom lapud say gawaen kod sika, tan nanengneng mo ran ompatey ed espada na saray kalaban da;+ tan iyawat koy interon Juda ed ari na Babilonia, tan awiten to rad Babilonia tan pateyen to rad espada.+
5 Tan iter kod lima na saray kalaban da so amin a kayamanan na sayan syudad, amin a kaykayarian to, amin a mablin bengatlan walad sikato, tan amin a kayamanan na arari na Juda.+ Tan samsamen da iratan tan awiten dad Babilonia.+
6 Tan sika, Pasur, tan say amin a manaayam ed abung mo, naaripen kayo. Diad Babilonia so pangiyakaran ed sika tan diman ka ompatey, tan diman ka niponpon a kaiba na saray kakaarom, lapud katilaan so impropesiyam ed sikara.’”+
7 Kinombinse mo ak, O Jehova, kanian akombinse ak.
Inusar moy biskeg mo sumpad siak, kanian tinmalona ka.+
Sanagew da ak ya inelek-elekan;Balbalawen da ak ya amin.+
8 Ta kada no mansalita ak, kaukolan kon iyabawag,“Inkaruksa tan panagderal!”
Ta inagew-agew ak a naiinsulto tan nababalaw lapud salita nen Jehova.+
9 Kanian inkuan ko: “Sikatoy agko la bitlaen,Tan agak la mansalita ed ngaran to.”+
Balet diad pusok et nagmaliw a singa mandarlang ya apoy ya apukok ed saray pukel ko so salita to,Tan agko la napokpokan;Agko la nitepel.+
10 Ta dakel so nadngelan kon mauges a balita;Apaliberan ak na takot.+
“Sikatoy kondenaen tayo; sikatoy kondenaen tayo!”
Amin a toon mankukunwarin mikakareenan ed siak et aalagaren day pakatumbak:+
“Agla pigan sikatoy nalingo,Tan manalo itayo tan makabales itayod sikato.”
11 Balet kaibak si Jehova a singa sakey a makapataktakot a sundalo.+
Kanian natumba tan natalo iramay mamapasegsegang ed siak.+
Nabaingan iran maong, ta ag-ira ontalona.
Agnalingwanan so andi-anggaan a kababaingan da.+
12 Balet sika, O Jehova na saray armada, so manguusisa ed matunong;Nenengnengen mo iray sankaaraleman a kanonotan* tan say puso.+
Ipanengneng mo komon ed siak so ibales mod sikara,+Ta sika so angimatalekan koy kasok.+
13 Kansionan yoy Jehova! Idayew yoy Jehova!
Ta inliktar toy pobri* ed saray managgaway mauges.
14 Naayew komon so agew na inkiyanak ko!
Agkomon nabendisyonan so agew na impangiyanak ed siak nen inak!+
15 Naayew komon imay toon angibaga na maong a balita ed amak sanen imbaga ton:
“Laki so anak mo!”
Kanian malikeliket so amak.
16 Satan a too et magmaliw komon a singa saray syudad a dineral nen Jehova ya agto nanermenan.
Sikatoy makarengel komon na akis ed kabuasan tan tanol a mangipapasakbay na guerra diad kaagwan.
17 Akin et agto ak la pinatey sanen wala ak nid eges,Pian say inak so magmaliw a lubok koTan mansiansian malukon so eges to?+
18 Akin et pinmaway ak nid egesPian nanengneng koy irap tan ermen,Pian manampot ed kababaingan iray agew ko?+
