Jeremias 1:1-19

  • Aturoy Jeremias a magmaliw a propeta (1-10)

  • Pasingawey nipaakar ed kiew ya almendro (11, 12)

  • Pasingawey nipaakar ed kaldero (13-16)

  • Apabiskeg si Jeremias parad kimey to (17-19)

1  Saraya so salita nen Jeremias* ya anak nen Hilkias, sakey ed saray saserdoten walad Anatot+ ed dalin na Benjamin.  Akitongtong ed sikato si Jehova diad panaon nen Josias+ ya ari na Juda, ya anak nen Amon,+ diad koma-13 taon na panuuley to.  Intultuloy na Dios so akitongtong ed sikato diad panaon nen Jehoiakim+ ya ari na Juda, ya anak nen Josias, anggad anampot so koma-11 a taon nen Zedekias+ ya ari na Juda, ya anak nen Josias, anggad nibantak ed arum a dalin iray totoo ed Jerusalem diad komaliman bulan.+  Oniay mensahe nen Jehova a sinmabi ed siak:   “Antis ta kan pormaen ed eges et kabat* ta ka la,+Tan antis kan niyanak* et pinasanto* ta ka la.+ Ginawa ta kan propeta ed saray nasyon.”   Balet inkuan ko: “O Soberanon Katawan a Jehova! Agko amta no panoy pansalita,+ ta ugaw ak ni.”+   Insan inkuan nen Jehova ed siak: “Agmo ibabagan, ‘Ugaw ak ni.’ Ta onla kad amin a pangibakian kod sika,Tan ibagam so amin ya iganggan kod sika.+   Agka natatakot ed itsura da,+Ta ‘wadia ak a mangiliktar ed sika,’+ so imbaga nen Jehova.”  Insan inyunat nen Jehova so lima to tan diniwit toy sangik.+ Tan inkuan nen Jehova ed siak: “Inyan kod sangim iray salitak.+ 10  Inter kod sika ed sayan agew so pakauley ed saray nasyon tan ed saray panarian, pian mamagot tan mangitumba tan maneral tan mangigeba, pian mangipaalagey tan mantanem.”+ 11  Oniay mensahe nen Jehova a sinmabi lamet ed siak: “Antoy nanenengneng mo, Jeremias?” Inkuan ko: “Nanenengneng koy sanga na sakey a kiew ya almendro.”* 12  Inkuan nen Jehova ed siak: “Duga, ta mansiasiansia ak ya aliing pian sumpalen koy salitak.” 13  Oniay mensahe nen Jehova a sinmabi ed siak diad komaduan pankanawnawa, ya inkuan to: “Antoy nanenengneng mo?” Inkuan ko: “Nanenengneng koy sakey a manlelwag* a kaldero,* tan say sangab to et akabeneg ed amianen.” 14  Insan inkuan nen Jehova ed siak: “Manlapud amianen et ompaway so kadederalEd amin a manaayam ed sayan dalin.+ 15  Ta ‘tawagen ko so amin a pamilya na saray panarian ed amianen,’ so imbaga nen Jehova,+‘Tan onsabi ra; ilira na balang sakey so trono toDiad arap na saray puerta na Jerusalem,+Tan onlusob ira ed amin a padir toTan ed amin a syudad na Juda.+ 16  Tan iyabawag ko so panangukom kod sikara lapud amin a kaugsan da,Ta tinaynan da ak,+Tan papaaseweken da iray bagat da ed arum a dirios+Tan ondadakmomo rad saray ginawa na lima ra.’+ 17  Balet manparaan kan onkiwas,*Tan alagey ka tan ibagam ed sikara so amin ya ingganggan ko. Agka ontatakot ed sikara,+Ta no andi et pagmaliwen ta kan lalon matakot ed sikara. 18  Ta ginawa ta ka natan ya apadiran a syudad,Balatyang a lusek, tan gansa iran padir ya onsumpad sayan dalin,+Ed saray arari na Juda tan ed saray prinsipe to,Ed saray saserdote to tan ed saray totoo ed sayan dalin.+ 19  Tan milaban irad sika,Balet agda ka natalo,Ta ‘wadia ak+ a mangiliktar ed sika,’ so inkuan nen Jehova.”

Paimanod leksab

Nayarin mankabaliksay “Intandoro nen Jehova.”
Odino “pinili.”
Literal, “antis kan pinmaway ed eges.”
Odino “imbiig.”
Literal, “sakey ya onliliing.”
Literal, “sisibokan,” a mangipapabitar a walay papaypayan ya apoy ed silong.
Odino “kaldero a baleg so sangab to.”
Literal, “balkesan moy balangbang mo.”