Job 13:1-28
13 “Oo, ang akong mata nakakita niining tanan,Ang akong dalunggan nakadungog ug nakasabot niini.
2 Ang inyong nahibaloan, nahibaloan usab nako;Ako dili ubos kaninyo.
3 Sa akong bahin, mas pilion nako nga makigsulti mismo sa Labing Gamhanan;Gusto nakong isang-at sa Diyos ang akong kaso.+
4 Apan inyo kong gibutangbutangan;Kamong tanan walay pulos nga mananambal.+
5 Kon maghilom na lang unta mo,Kana magpakita nga kamo maalamon.+
6 Palihog, paminawa ang akong mga argumento,Ug patalinghogi ang mga pangamuyo sa akong ngabil.
7 Mosulti ba mog dili matarong alang sa Diyos,Ug mosulti ba mog limbong alang kaniya?
8 Modapig ba mo kaniya,*Depensahan ba ninyo ang matuod nga Diyos?
9 Kon siya mosusi kaninyo, maayo kaha ang iyang makita?+
Limbongan ba ninyo siya sama nga inyong malimbongan ang tawo?
10 Siya magbadlong gayod kaninyoKon sa tago inyo siyang gipaboran.+
11 Dili ba ang iya mismong kahalangdon makapalisang kaninyoUg kamo mahadlok tungod kaniya?
12 Ang inyong maalamong* mga pulong maoy mga panultihon nga abo;Ang inyong mga depensa* sama ka huyang sa yutang kulonon.
13 Paghilom mo aron ako makasulti.
Unya bahala nag unsay modangat kanako!
14 Nganong ipameligro man nako ang akong kaugalingon*Ug itahan ang akong kinabuhi?
15 Bisan pag iya kong patyon, maghulat gihapon ko;+Akong depensahan ang akong mga dalan sa iyang atubangan.
16 Ug siya mahimong akong kaluwasan,+Kay ang tawong walay Diyos* dili makaduol sa iyang atubangan.+
17 Paminawa pag-ayo ang akong mga pulong;Hatagig pagtagad ang akong pahayag.
18 Karon, giandam na nako ang akong kaso aron isang-at sa korte;Ako nahibalo nga ako husto.
19 Kinsa ang makig-atubang kanako?
Ako mamatay kon maghilom lang ko!*
20 Duha lang ka butang ang akong ihangyo kanimo, Oh Diyos,Aron ako dili motago gikan kanimo:
21 Kuhaa ug ipahilayo kanako ang imong bug-at nga kamot,Ug ayawg itugot nga malisang ko tungod sa akong kahadlok kanimo.+
22 Sulti ug motubag ko,O mosulti ko ug tubaga ko.
23 Unsay akong kasaypanan ug mga sala?
Sultihi ko sa akong kalapasan ug sa akong sala.
24 Nganong imo kong gitalikdan+Ug imo kong giisip nga kaaway?+
25 Imo bang hadlokon ang usa ka dahon nga gipadpadO gukdon ang dagami nga laya?
26 Kay ikaw nagsigeg lista ug bug-at nga mga akusasyon batok kanako,Ug imo kong gipapanubag sa mga sala sa akong pagkabatan-on.
27 Imong gibutang ang akong mga tiil sa sepohan,*Imong gibantayan pag-ayo ang tanan nakong alagianan,Ug imong gisubay ang akong mga tunob.
28 Busa ang tawo* madugta samag butang nga madunot,Samag besti nga ginakutkot sa mga insekto.
