Job 7:1-21
7 “Dili ba ang kinabuhi sa tawo sa yuta sama sa pinugos nga pagtrabaho,Ug ang iyang mga adlaw sama sa mga adlaw sa sinuholang mamumuo?+
2 Sama sa usa ka ulipon, siya nangandoy ug kasilongan,Ug sama sa sinuholang mamumuo, siya naghulat sa iyang suhol.+
3 Busa sa daghang bulan ang akong kinabuhi nahimong walay pulos,Ug sulod sa daghang gabii, ako nag-antos.+
4 Sa akong paghigda ako moingon, ‘Kanus-a ko mobangon?’+
Ug samtang magkalawom ang kagabhion, ako maglimbalimba hangtod sa kadlawon.*
5 Ang akong unod napunog ulod ug abog nga nagtibugol;+Ang akong panit nagkugankugan ug nagnangnang.+
6 Ang akong mga adlaw mas tulin pa kay sa lansadera* sa tighablon,+Ug kini natapos nga walay paglaom.+
7 Oh Diyos, hinumdomi nga ang akong kinabuhi samag hangin,+Nga ang akong mata dili na gyod makakitag kalipay.*
8 Ang mata nga nagtan-aw kanako karon dili na makakita kanako;Ang imong mga mata mangita unya kanako, apan ako wala na.+
9 Sama sa panganod nga nagakahanaw ug dili na makita,Siya nga manaog sa Lubnganan* dili na mosaka.+
10 Siya dili na mobalik sa iyang balay,Ug siya malimtan na sa mga tawo sa iyang dapit.+
11 Busa dili nako pugngan ang akong baba.
Akong ipahungaw ang kasakit sa akong dughan;*Ako momulo sa kapait nga akong gibati!+
12 Dagat ba ko o dakong linalang sa dagat,Nga imo man kong gipabantayan?
13 Dihang miingon ko, ‘Hupayon ko sa akong higdaanan;Kini motabang pagpas-an sa akong kasakitan,’
14 Unya imo kong gilisang pinaagig mga damgo,Ug gipakitaag mga panan-awon nga makahahadlok,
15 Mao nga akong palabihon nga tuk-on ko sa kamatayon,Oo, mas pilion ko ang kamatayon inay niining lawasa.*+
16 Gikasilagan ko ang akong kinabuhi;+ dili na ko gustong mabuhi.
Pasagdi na lang ko, kay ang akong mga adlaw samag gininhawa.+
17 Unsa ba ang tawo nga ikaw naghunahuna man kaniyaUg ikaw kanunay nga* nagtagad kaniya?+
18 Nganong imo siyang ginasusi matag buntag,Ug ginasulayan siya sa tanang higayon?+
19 Dili ba ka molingiw,Ug lung-an ko bisag kadiyot lang aron makatulon ko sa akong laway?+
20 Kon nakasala ko, unsang kadaot ang akong gipahinabo kanimo, ang Tigpaniid sa katawhan?+
Nganong imo kong gipuntirya?
Nakapabug-at ba ko kanimo?
21 Nganong dili nimo pasayloon ang akong kalapasanUg palabyon ang akong kasaypanan?
Kay sa dili madugay ako mamatay ug mobalik sa abog,+Ug ikaw mangita unya kanako, apan ako wala na.”
