Job 3:1-26
3 Human niini si Job misulti ug gitunglo ang adlaw nga natawo siya.*+
2 Si Job miingon:
3 “Maayo pag wala na lang moabot ang adlaw nga gipakatawo ko,+Ug ang gabii nga may miingon: ‘Gipanamkon ang usa ka bata!’
4 Mingitngit unta kadtong adlawa.
Wad-on unta sa Diyos kadtong adlawa sa iyang panumdoman;Wala untay kahayag nga misidlak niana.
5 Gilamoy unta kadto sa hilabihang kangitngit.*
Gitabonan unta kadto sa baga nga dag-om.
Gidaog unta sa makahahadlok nga kangitngit ang kahayag niadtong adlawa.
6 Kadtong gabhiona nalukop unta ug hilabihang kangitngit;+Wala unta kadto magsadya duyog sa mga adlaw sa tuig,Wala unta kadto mahilakip sa bisan unsang bulan.
7 Nagmamingawon unta kadtong gabhiona;Wala untay nadunggang hugyaw sa kalipay.
8 Gitunglo unta kadto sa mga tigtunglo,Niadtong makahimo sa pagpukaw sa Leviatan.*+
9 Mingitngit unta ang mga bituon sa banagbanag niini;Gipahulat unta kadto sa kahayag ug walay mitunghang kahayag,Ug wala unta kadto pakit-a sa mga dan-ag sa banagbanag.
10 Kay wala tak-opi niana ang tagoangkan sa akong inahan;+Aron dili ko makakitag kasamok.
11 Nganong wala man ko mamatay sa tagoangkan?
Nganong wala ko mamatay sa akong pagkahimugso?+
12 Nganong diha pa may mga tuhod nga nagsabak kanakoUg mga dughan nga nagpasuso kanako?
13 Kay naghigda na unta ko karon nga malinawon;+Natulog na unta ko ug nagpahulay+
14 Uban sa mga hari sa yuta ug sa ilang mga magtatambag,Kinsa nagtukod alang sa ilang kaugalingon ug mga dapit nga gun-ob na karon,*
15 O uban sa mga prinsipe nga dunay bulawan,Kansang mga balay napunog plata.*
16 O nganong wala ko mahisama sa bata nga nakuha,Sama sa mga bata nga wala gayod makakita sa kahayag?
17 Sa kamatayon bisan ang mga daotan wala na ginasamok;Didto ang mga gikapoy pag-ayo nakapahulay na.+
18 Didto ang mga binilanggo nagmalinawon;Dili na nila madunggan ang tingog sa usa nga nagpugos kanila sa pagtrabaho.
19 Didto ang dato ug kabos managsama ra,+Ug ang ulipon gipahigawas na gikan sa iyang agalon.
20 Nganong naghatag siyag kahayag sa usa nga nag-antosUg kinabuhi niadtong anaa sa grabeng kalisdanan?+
21 Nganong kadtong nangandoy ug kamatayon wala mamatay?+
Sila nagapangita niini labaw pa kay sa natagong mga bahandi,
22 Sila nagsadya pag-ayo,Sila nalipay dihang ilang nakaplagan ang lubnganan.
23 Nganong gihatagan niyag kahayag ang tawo nga nahisalaag,Ang tawo nga kinoralan sa Diyos?+
24 Kay ang akong pagkaon napulihag pagpanghupaw,+Ug ang akong pag-agulo+ samag dinaguok sa tubig nga nag-agos.
25 Kay ang akong gikalisangan midangat kanako,Ug ang akong gikahadlokan nahitabo kanako.
26 Ako walay kalinaw, walay kahilom, walay pahulay,Bisan pa niana wala gihapon ko lung-i ug kalisdanan.”
