Job 11:1-20
11 Si Zopar+ nga Naamahanon mitubag:
2 “Pasagdan lang bang dili matubag ang tanan nimong gipanulti,O mahimo ba kang husto kon magsige kag sulti?*
3 Makapahilom ba sa mga tawo ang imong mga pulong nga walay pulos?
Wala bay magbadlong kanimo sa imong pagtamay?+
4 Kay ikaw nag-ingon, ‘Ang akong pagtulon-an lunsay,+Ug ako hinlo sa imong panan-aw.’+
5 Apan kon mosulti pa lang unta ang DiyosUg magbuka sa iyang mga ngabil kanimo!+
6 Nan iyang ipadayag kanimo ang mga tinago nga kaalam,Kay ang praktikal nga kaalam daghag bahin.
Unya imong mahibaloan nga gikalimtan sa Diyos ang uban nimong kasaypanan.
7 Makatugkad ba ka sa lawom nga mga butang sa DiyosO mahibaloan ba nimo ang tanang butang bahin* sa Labing Gamhanan?
8 Mas taas pa kini kay sa langit. Duna ba kay mahimo?
Mas lawom pa kini kay sa Lubnganan.* Masabtan ba nimo kini?
9 Kini mas sangkad pa kay sa yutaUg mas lapad pa kay sa dagat.
10 Kon sa iyang paglabay, iyang dakpon ang usa ka tawo ug dad-on sa hukmanan,Kinsay makapugong niya?
11 Kay siya nahibalo kon ang tawo nanglimbong.
Kon makakita siyag daotang buhat, wala ba siyay himoon niana?
12 Apan ang tawong walay utok makasabot langKon ang ihalas nga asno manganak ug tawo.*
13 Kon andamon lang unta nimo ang imong kasingkasingUg ibayaw nimo ang imong mga kamot ngadto kaniya.
14 Kon nagahimo kag dili maayo, hunonga kana,Ug ayawg papuy-a sa imong mga tolda ang pagkadili-matarong.
15 Pinaagi niana makahangad ka sa imong ulo nga walay ikasaway;Ikaw lig-ong makabarog, nga walay kahadlok.
16 Pinaagi niana makalimtan nimo ang imong kasakit;Ikaw mahinumdom niini samag nag-agos nga tubig nga misaylo na kanimo.
17 Ang imong kinabuhi mas mohayag pa kay sa udtong tutok;Bisan ang kangitngit niini mahisama sa kabuntagon.
18 Ikaw makabaton ug pagsalig kay duna may paglaom,Ug ikaw motan-aw sa palibot ug mohigda nga may kasegurohan.
19 Ikaw mohigda nga walay usa nga makapahadlok kanimo,Ug daghang tawo ang magtinguha sa imong pag-uyon.
20 Apan ang panan-aw sa mga daotan moawop;Ug sila walay dapit nga kaikyasan,Ug ang ilang bugtong paglaom mao ang kamatayon.”+
