Job 30:1-31
30 “Karon ila kong gikataw-an+—Mga lalaking manghod pa nako,Kansang mga amahan wala nako isipa nga makaarangSa pagtabang sa mga iro nga nagbantay sa akong kahayopan.
2 Unsa may pulos kanako sa kusog sa ilang mga kamot?
Ang ilang kabaskog nawala.
3 Sila niwang kaayo tungod sa kawalad-on ug kagutom;Sila nagapangitkit diha sa umaw nga dapitNga naawaaw ug nalaglag na.
4 Sila nanguhag parat nga hilba gikan sa kalibonan;Ug ang ilang pagkaon maoy gamot sa mga kahoyng retama.
5 Sila pagaabogon gikan sa katilingban;+Sila singgitan sa katawhan sama sa himoon ngadto sa usa ka kawatan.
6 Sila nagpuyo sa bakilid sa mga lugot,*Diha sa mga lungag sa yuta ug sa mga bato.
7 Sila nagtuaw diha sa kalibonanUg nagtapok taliwala sa tunokong mga tanom.
8 Kay sila mga anak sa walay buot ug sa wala mailhi,Sila giabog* pagawas sa yuta.
9 Apan karon ila kong gibugalbugalan bisan diha sa ilang mga awit;+Gihimo ko nilang puntirya sa pagtamay.*+
10 Sila nagdumot ug nagpahilayo kanako;+Sila dili magpanuko sa pagluwa sa akong nawong.+
11 Kay ang Diyos nagkuha sa akong hinagiban* ug ako iyang gipaubos,Sila wala nay bisan unsang pagpugong* diha sa akong atubangan.
12 Sa akong tuo sila nanindog samag panon nga moatake kanako;Ila kong gipakalagiwUg sila nagbutang ug mga bitik sa akong agianan sa pagdaot kanako.
13 Ilang giguba ang akong mga dalanUg gipasamot ang akong kasakitan,+Ug walay nagpugong* kanila.
14 Sila nangabot nga daw miagi sa dakong gawang sa paril;Sila midasdas sa gun-ob na nga dapit.
15 Grabe kaayo ang akong kalisang;Ang akong dignidad daw gipadpad sa hangin,Ug ang akong kaluwasan nahanaw samag panganod.
16 Karon ang akong kinabuhi nagakahanaw;+Ang mga adlaw sa kasakitan+ mihakgom kanako.
17 Sa magabii ang akong kabukogan morag gitusok sa kasakit;*+Walay paglurang ang kaul-ol nga akong gibati.+
18 Tungod sa kusog nga puwersa ang akong besti dili na mahitsura;*Sama sa liab sa akong besti, kini nagtuok kanako.
19 Ang Diyos naglabay kanako sa lapok;Ako nahimong sama sa abog ug abo.
20 Ako mituaw kanimo alang sa tabang, apan wala ko nimo tubaga;+Ako mitindog, apan imo lang kong gitan-aw.
21 Ikaw nahimong pintas kanako;+Pinaagi sa bug-os nga gahom sa imong kamot, ikaw miatake kanako.
22 Imo kong gisakwat ug gipapalid sa hangin;Unya imo kong gikusokuso sa unos.*
23 Kay ako nahibalo nga dad-on ko nimo sa kamatayon,Ngadto sa balay nga sa ngadtongadto adtoan sa tanan.
24 Apan walay usa nga maghampak sa tawong sinakit*+Samtang siya nangayog tabang panahon sa iyang kasakitan.
25 Wala ba ko mohilak alang niadtong nakaagom ug grabeng kalisdanan?
Wala ba ko maguol alang sa mga kabos?+
26 Bisag maayo ang akong gilaoman, daotan ang miabot;Nagdahom ko ug kahayag, apan kangitngit ang miabot.
27 Walay hunong nga gisakit ang akong kasingkasing;Gipaantos ko sa mga adlaw sa kasakitan.
28 Naglakawlakaw ko nga masulub-on;+ walay kahayag sa adlaw.
Taliwala sa nagtigom nga mga tawo, ako motindog ug mangayog tabang.
29 Ako nahimong igsoon sa mga irong ihalasUg kauban sa mga bayeng anak sa ostrich.+
30 Ang akong panit nangitom ug nangapaksit;+Ang akong kabukogan nasunog sa kainit.*
31 Ang akong alpa gigamit na lang sa pagbangotan,Ug ang akong plawta alang sa pagdanguyngoy.
Mga Footnote
^ Literal, “gikastigo.”
^ Literal, “panultihon.”
^ Literal, “nagbadbad sa pisi sa akong busogan.”
^ O “Ilang gilabay ang busal.”
^ O posible, “mitabang.”
^ Literal, “gibangagan.”
^ O posible, “Tungod sa akong grabeng kasakit, ako dili na mahitsura.”
^ O posible, “gidugmok uban sa paghagsa.”
^ Literal, “sa tapok sa kagun-oban.”
^ O posible, “hilanat.”
