Job 10:1-22
10 “Akong gikasilagan ang akong kinabuhi.+
Akong ipahungaw ang akong mga kabalaka.
Ako mosulti sa kapait nga akong gibati!
2 Ako moingon sa Diyos: ‘Ayawg ipahayag nga ako sad-an.
Sultihi ko kon nganong ikaw nakigbatok kanako.
3 Makahatag ba nimog kaayohan ang pagdaogdaog kanako,Ang pagtamay sa buhat sa imong mga kamot+Samtang imong giuyonan ang tambag sa daotan?
4 Ang imo bang mga mata sama sa mga mata sa tawo,O ang imo bang panan-aw sama nianang sa tawo?
5 Ang imo bang mga adlaw sama sa mga adlaw sa tawo,O ang imo bang mga tuig sama nianang sa tawo,+
6 Nga ikaw mangita man sa akong sayopUg magsigeg pangita sa akong sala?+
7 Ikaw nahibalo nga ako dili sad-an;+Ug walay makaluwas kanako gikan sa imong kamot.+
8 Ang imong mga kamot nag-umol ug nagbuhat kanako,+Apan karon ako imong laglagon sa bug-os.
9 Hinumdomi palihog nga imo kong gibuhat gikan sa yutang kulonon,+Apan karon imo kong ibalik sa abog.+
10 Dili ba gibubo ko nimo samag gatasUg gipabagtok samag keso?
11 Ako imong gibestihag panit ug unod,Ug ako imong giporma* pinaagig mga bukog ug mga ugat.+
12 Ako imong gihatagag kinabuhi ug gipakitaag maunongong gugma;Ang akong espiritu* imong gibantayan pinaagi sa imong pag-amoma.+
13 Apan sa tago, tuyo nimong himoon kining mga butanga kanako.*
Ako nahibalo nga kining mga butanga naggikan kanimo.
14 Kon ako nakasala, ikaw nakakita nianang tanan,+Ug ako dili nimo pasayloon sa akong kasaypanan.
15 Kon ako sad-an, ako makaluluoy gayod!
Ug bisan kon inosente ko, dili nako ikahangad ang akong ulo,+Kay ako naputos sa kaulawan ug kasakitan.+
16 Kon akong ihangad ang akong ulo, ikaw samag leyon nga mangayam kanako+Ug ang imong gahom ipakita nimo pag-usab batok kanako.
17 Ikaw nagdalag bag-ong mga saksi batok kanakoUg misamot ang imong kasuko kanako,Samtang sunodsunod nga kalisdanan ang midangat kanako.
18 Busa nganong imo pa man kong gipagawas gikan sa tagoangkan?+
Namatay na lang unta ko sa wala pay nakakita kanako.
19 Kon nahitabo kana, mora unta kog wala maglungtad;Gikan sa tagoangkan, gihatod na unta ko deretso sa lubnganan.’
20 Dili ba inihap na lang ang akong adlaw?+ Lung-an na unta ko niya;Molingiw na unta siya, aron ako mahupay* bisag diyutay+
21 Sa dili pa ko mobiya—ug dili na ko mobalik+—Paingon sa yuta nga hilabihan ka ngitngit,*+
22 Paingon sa yuta nga hilabihan ka dulom,Yuta nga ngiob kaayo ug walay kahusay,Diin bisan ang kahayag nahisamag kangitngit.”
