Job 17:1-16
17 “Ang akong espiritu nahugno, ang akong mga adlaw natapos;Ang lubnganan nagpaabot kanako.+
2 Gilibotan ko sa mga mabiaybiayon,+Ug ang akong mata kanunayng makakita sa ilang rebelyosong tinamdan.
3 Palihog, saari ko nga ikaw ang mogarantiya kanako.
Kinsa pa man diay ang makiglamano kanako ug mogarantiya alang kanako?+
4 Kay ang ilang kasingkasing imong gihikawan sa pagsabot;+Mao nga dili nimo sila tugotang modaog.
5 Iyang tanyagan ang iyang mga higala sa iyang mga nabatonan,Samtang ang panan-aw sa iyang mga anak midulom sa kagutom.
6 Gihimo ko niyang talamayon* atubangan sa mga tawo,+Mao nga ilang giluwaan ang akong nawong.+
7 Ang akong mata nalubog sa kagul-anan,+Ug ang akong lawas sama na ka niwang sa anino.
8 Ang mga tawong matarong nagtan-aw niini sa kahibulong,Ug bisan ang inosente masuko sa tawong walay Diyos.*
9 Ang matarong padayong mosubay sa iyang dalan,+Ug ang inosente magkakusgan.+
10 Apan, ari kamo ug ipadayon ang inyong mga argumento,Sanglit wala koy nakitang maalamon taliwala kaninyo.+
11 Natapos na ang akong mga adlaw;+Nahugno ang akong mga plano, ang mga tinguha sa akong kasingkasing.+
12 Ilang ginahimong adlaw ang gabii,Nga nagaingon, ‘Tingali duol na ang kahayag kay ngitngit na man.’
13 Kon magpaabot ko, ang Lubnganan* mahimong akong puy-anan;+Akong buklaron ang akong higdaanan diha sa kangitngitan.+
14 Tawgon nako ang gahong,*+ ‘Ikaw ang akong amahan!’
Ug ang ulod, ‘Akong inahan ug akong igsoong babaye!’
15 Busa, hain na man ang akong paglaom?+
Kinsay naghunahuna nga duna pa koy paglaom?
16 Kini* manaog ngadto sa mga trinangkahang ganghaan sa Lubnganan*Ako manaog sa abog uban niini.”+
