Job 40:1-24
40 Si Jehova mipadayon sa pagtubag kang Job:
2 “Angay bang pangitaag sayop sa tawo ang Labing Gamhanan ug makigtigi Kaniya?+
Kadtong buot mobadlong sa Diyos angayng mosulti.”+
3 Si Job mitubag kang Jehova:
4 “Tan-awa! Ako dili takos.+
Unsay akong ikatubag kanimo?
Isampong nako sa akong baba ang akong kamot.+
5 Nakasulti na kog makausa, ug dili na ko motubag;Nakasulti na kog makaduha, ug dili na ko mosulti pa.”
6 Unya si Jehova mitubag kang Job gikan sa unos:+
7 “Palihog pangandam, ug pagpakalalaki;Ako kang pangutan-on, ug tubaga ko.+
8 Imo bang kuwestiyonon ang akong hustisya?
Hukman ba ko nimong daotan aron ikaw ang mahimong husto?+
9 Ang imo bang bukton sama ka gamhanan nianang sa matuod nga Diyos,+O ang imo bang tingog modalugdog sama sa iyang tingog?+
10 Palihog, ipakita ang imong himaya ug pagkagamhanan.
Ipakita ang imong dignidad ug pagkahalangdon.
11 Ipahungaw ang imong nagsilaob nga kasuko;Tan-awa ang matag usa nga mapahitas-on, ug dad-a siya paubos.
12 Tan-awa ang matag usa nga mapahitas-on, ug ipaubos siya,Ug tamaktamaki ang daotan diha mismo sa ilang gitindogan.
13 Tagoi silang tanan sa abog;Ibalhog sila* diha sa tagong dapit,
14 Unya ako mismo moila* kanimoNga ang imong tuong kamot makaluwas kanimo.
15 Ania ang Behemot,* nga binuhat usab nako sama kanimo.
Kini mokaon ug sagbot sama sa torong baka.
16 Tan-awa kon unsa ka kusgan ang dapidapi niiniIngon man ang kaunoran sa tiyan niini!
17 Pagahion niya ang iyang ikog sama sa usa ka sedro;Ang mga ugat sa iyang paa daw sinalapid.
18 Ang mga bukog niini gama sa tumbaga;Ang mga tiil niini gama sa puthaw.
19 Sa mga kamatang niini, kini ang kinaunhan ug kinalabwan* sa mga buhat sa Diyos;Ang Magbubuhat lang ang makapatay niini pinaagig espada.
20 Kay ang kabukiran nagapatunghag pagkaon alang niini,Diin didto magdula ang tanang ihalas nga mananap.
21 Kini mohigda ilalom sa mga kahoyng lotus;Kini motago taliwala sa mga tangbo sa kalamakan.
22 Kini gilandongan sa mga kahoyng lotus,Ug gilibotan sa mga kahoyng alamo diha sa walog.*
23 Kon sulog kaayo ang suba, kini dili malisang.
Kini dili mahadlok, bisan pag ang Jordan+ mobul-og paingon sa iyang baba.
24 Duna bay makadakop niini samtang kini nagtan-aw,O makabutang ug kaw-it* sa ilong niini?
