Job 35:1-16
35 Si Elihu mipadayon sa pagtubag:
2 “Kombinsido ba kaayo ka nga husto ka mao nga moingon ka,‘Mas matarong ko kay sa Diyos’?+
3 Kay ikaw nag-ingon, ‘Unsay kapuslanan niini kanimo?*
Mas maayo ba ang akong kahimtang kon nakasala pa ko?’+
4 Ako motubag kanimoUg sa imong mga higala+ nga uban nimo.
5 Hangad sa langit,Tan-awa ang mga panganod,+ nga mas taas pa kay kanimo.
6 Kon ikaw makasala, imo ba siyang mapasakitan?+
Kon magpatongpatong ang imong kalapasan, maapektohan ba siya?+
7 Kon matarong ka, unsay imong ikahatag kaniya;Unsay iyang madawat gikan kanimo?+
8 Ang imong pagkadaotan makaapektar lang sa tawo nga sama nimo,Ug ang imong pagkamatarong makaapektar lang sa anak sa tawo.
9 Ang mga tawo motuaw dihang sila gidaogdaog pag-ayo;Sila motuaw alang sa kahupayan gikan sa pagdominar* sa mga gamhanan.+
10 Apan walay moingon, ‘Hain ang Diyos, ang akong Dakong Magbubuhat,+Ang usa nga nagahatag ug katarongan sa pag-awit panahon sa kagabhion?’+
11 Siya nagtudlo kanato+ ug labaw pa kay sa iyang gitudlo sa mga mananap sa yuta,+Ug siya naghimo kanatong mas maalamon kay sa mga langgam sa kalangitan.
12 Ang mga tawo motuaw, apan dili siya motubag,+Tungod sa garbo sa mga daotan.+
13 Sa pagkatinuod, ang Diyos dili mamati sa walay pulos nga pagtuaw;*+Ang Labing Gamhanan dili magtagad niana.
14 Ilabina gayod kon moreklamo ka nga iya kang gipasagdan!+
Ang imong legal nga kaso anaa na kaniya, busa angay kang maghulat kaniya.+
15 Kay siya wala man magpatawag ug husay tungod sa kasuko;Wala usab niya tagda ang imong pagpatakag sulti.+
16 Ang pagbuka ni Job sa iyang baba walay pulos;Daghan siyag gisulti apan wala siyay tinuod nga kahibalo.”+
