Job 25:1-6

  • Ikatulong pamulong ni Bildad (1-6)

    • ‘Unsaon man pagkahimong inosente sa tawo atubangan sa Diyos?’ (4)

    • Wala kunoy kapuslanan ang integridad sa tawo (5, 6)

25  Si Bildad+ nga Shuhanon mitubag:  2  “Iyaha ang pagmando ug ang makahahadlok nga gahom;Iyang gipalungtad ang pakigdait sa langit.*  3  Maihap ba ang iyang kasundalohan? Kinsay wala madan-agi sa iyang kahayag?  4  Busa unsaon man pagkahimong matarong sa tawo atubangan sa Diyos,+O unsaon man pagkahimong inosente* sa usa nga gipanganak sa babaye?+  5  Bisan gani ang bulan dili hayagUg ang mga bituon dili hinlo sa iyang mga mata,  6  Unsa pa kaha ang tawo nga usa ka ulod,Ug ang anak sa tawo nga usa ka wati!”

Mga Footnote

^ Literal, “sa iyang kahitas-an.”
^ O “putli.”

Mga copyright niini nga publikasyon