Job 21:1-34
21 Si Job mitubag:
2 “Pamati mo pag-ayo sa akong isulti;Pinaagi na lang niana nga inyo kong mahupay.
3 Antosi lang ko ninyog paminaw;Pagkahuman nako, mahimo na ko ninyong biaybiayon.+
4 Sa tawo ba nako gisulti ang akong reklamo?
Kon mao, nganong nakapailob man ko?*
5 Tan-awa ko ug kamo mahibulong;Ug isampong ang inyong kamot sa inyong baba.
6 Kon hunahunaon nako kini, matugaw ko,Ug mangurog ang tibuok nakong lawas.
7 Nganong ang mga daotan padayong magkinabuhi,+Matigulang, ug madato?*+
8 Kauban nila kanunay ang ilang mga anak,Ug makita nila ang ilang kaliwatan.
9 Luwas ang ilang mga balay, sila walay gikahadlokan,+Ug sila wala siloti sa Diyos.
10 Ang ilang mga torong baka makapaliwat gayod;Ang ilang mga bayeng baka manganak ug dili makuhaan.
11 Ang ilang mga anak nga lalaki magdagandagan sa gawas sama sa panon sa mga hayop,Ug ang ilang mga anak magluksolukso.
12 Sila manganta nga duyogan ug tamborin ug alpaUg sila magsadya sa honi sa plawta.+
13 Sila malipayon kaayo sa tibuok nilang kinabuhiUg sila manaog nga malinawon* sa Lubnganan.*
14 Apan sila nagaingon sa matuod nga Diyos, ‘Pasagdi lang mi!
Dili mi gustong mahibalo sa imong mga dalan.+
15 Kinsa man ang Labing Gamhanan nga ato man siyang alagaron?+
Unsa may atong makuha kon makaila ta niya?’+
16 Apan nahibalo ko nga dili nila kontrolado ang ilang kalamboan.+
Ang panghunahuna* sa mga daotan layo ra sa akong panghunahuna.+
17 Kanunay bang mapalong ang lampara sa mga daotan?+
Kanunay bang modangat kanila ang katalagman?
Kanunay ba silang pahamtangan sa Diyos ug kalaglagan tungod sa iyang kasuko?
18 Duna bay panahon nga sila nahisamag uhot* nga gipalid sa hanginUg nahisamag tahop nga gidala sa unos?
19 Ang silot alang sa tawo tipigan sa Diyos alang sa iyang mga anak.
Pinaagi niana, ang daotan makakat-on.+
20 Hinaot makita sa iyang kaugalingong mga mata ang iyang kalaglagan,Ug hinaot siya mismo ang moinom sa kopa sa dakong kasuko sa Labing Gamhanan.+
21 Magpakabana pa ba siya sa mahitabo sa iyang mga anak inigkamatay niyaKon gipamub-an na ang iyang kinabuhi?*+
22 Duna bay makatudlo sa Diyos,*+Nga Siya man ang maghukom bisan sa mga halangdon?+
23 Ang usa ka tawo mamatay nga baskog pa+Dihang siya anaa sa kahayahay ug walay gikabalak-an,+
24 Dihang ang iyang mga paa tambok kaayoUg ang iyang mga bukog lig-on.*
25 Apan ang laing tawo mamatay nga pait kaayog kinabuhi,Nga wala gayod makatilaw ug maayong mga butang.
26 Silang duha mohigda sa abog,+Ug ang mga ulod motabon kanila.+
27 Ako nahibalo gayod kon unsay inyong gihunahunaUg kon unsay inyong giplano aron daoton ko.*+
28 Kay kamo nag-ingon, ‘Hain man ang balay sa tawong inila,Ug hain man ang tolda nga gipuy-an sa daotan?’+
29 Wala ba ninyo pangutan-a ang mga tawong nagapanaw?
Wala ba ninyo tun-i pag-ayo ang ilang mga naobserbahan,*
30 Nga ang tawong daotan makalingkawas sa adlaw sa katalagmanUg maluwas sa adlaw sa kasuko sa Diyos?
31 Kinsay mosukmat kaniya bahin sa iyang binuhatan,Ug kinsay mobalos kaniya sa iyang gihimo?
32 Dihang siya dad-on sa lubnganan,Dunay magbantay diha niana.
33 Ang yuta diha sa walog* mahimong tam-is alang kaniya,+Ug ang tanang katawhan mosunod kaniya*+Sama sa daghan kaayo nga nag-una kaniya.
34 Busa nganong hatagan man ko ninyog walay pulos nga paghupay?+
Ang inyong mga tubag pulos lang panglimbong!”
Mga Footnote
^ Literal, “ang akong espiritu?”
^ O “mahimong gamhanan?”
^ O “Ug sa daklit sila manaog,” nga nagtumong sa dali, walay kasakit nga kamatayon.
^ O “tambag; plano.”
^ Uga nga lindog sa trigo, sebada, ug uban pa.
^ O “Kon ang gidaghanon sa iyang mga bulan gitunga?”
^ O “makatudlo sa Diyos ug bisan unsa.”
^ Literal, “ang utok sa iyang kabukogan nag-umog.”
^ O posible, “aron himoan kog daotan.”
^ Literal, “ilhanan.”
^ Literal, “Ug iyang guyoron ang tanang katawhan sunod kaniya.”
