Yesaia 8:1-22
8 Tsô Yehova kaa a mo ér: “Tôô kpande u vesen,+ nger kwagh sha mi a kwagh u ngeren kwagh a mi* wer, ‘Maher-shala-hashi-bashi.’*
2 Nahan de pristi Uria+ man Sekaria wan u Yeberekia, mbashiada mba mimi mbara, ve nger ér ve nenge shighe u i nger kwagh shon la.”
3 Tsô m tsa a* profeti u kwase,* nahan a wa iyav, shighe kar yô, a mar wan u nomso.+ Maa Yehova kaa a mo ér: “Ii un iti wer Maher-shala-hashi-bashi,
4 gadia cii ve wannomso la a fa u yilan ér ‘Terem!’ man ‘Ngôm!’ yô, a kura akaa a Damaseku man ishar i Samaria sha ishigh ki tor u Ashiria a yem a mi kera.”+
5 Yehova shi lam a mo kaa ér:
6 “Er ior mban ve vende mngerem ma Shiloa* ma ma lu kuan tegh tegh la,+Shi ve ember sha kwagh u Reshin man wan u Remalia yô,+
7 Nenge! Yehova una va a mngerem ma ageeghMan ma zegenan ma Ifi la* sha a ve,Ka tor u Ashiria+ a icivir na cii je la.
Una va iv ukungwa nav cii,Una kua a sar avenge cica cii
8 Shi una kua a za kar ken Yuda.
Una kua a kar a za nyôr sha mon;+Akper a a samber la aa iv igbanger i tar wou cii,We Imanuel”*+
9 Bula nen ve, ne ior, kpa a hembe ne avur avur.
Kegh nen ato, ne mba ne dugh sha ajiir a icaa a sha tar la cii!
Wa nen iyol i utya,* kpa a hembe ne avur avur!+
Wa nen iyol i utya, kpa a hembe ne avur avur!
10 Er nen mhen, kpa a vihi un kera!
Ôr nen kwagh u ne soo cii, kpa a wase ne ga,Gadia Aôndo ngu a vese!*+
11 Uwegh ku Yehova ku ageegh ku sha a mo, nahan ka kwagh u a ôr u tan mo icin ér m de dondon gbenda u ior mban ga je ne, ér:
12 “De yer nen kwagh u ior mban ve yer ér mhen u ifer la ner mhen u ifer ga!
De cie nen kwagh u ve cie la ga;De gbidyen nen akarkase iyol sha mi ga.
13 Ka Yehova u akum a sha—a lu ne icighan ye,+Ka un cia nen ye,Shi i lu un a na gbidye nen akarkase iyol ye.”+
14 Una hingir ne er icighanjiir nahan,Kpa una gema a lu er iwen i tan nguhar ker nahanMan er vande u nan gbeev mbu nôngon nahan+Hen uya mba Iserael cii,Shi una lu er to man kwaghhônon nahanHen ior mba ken Yerusalem.
15 Ve kpishi vea nôngo gbeev vea gba vea sombo;A hôn ve a kôr.
16 Hure ruamabera u i nger loho shon ker la;Cir tindi* la hen atô u mbahenen av!
17 Me za hemen u veren ashe keghen* Yehova,+ un u a lu yeren ishigh nagh hen ya u Yakob la,+ ishimaverenkeghen yam ia lu sha a na.
18 Nenge! Mo man ônov mba Yehova a nem la+ se mba er ikyav+ man ivande nahan ken Iserael, i Yehova u akum a sha, un u a tem sha uwo u Shion la.
19 Shi aluer ve kaa a ven ér: “Za pine nen mbalamen a ujijingi mba mbakpenev shin mbatsenganpasenakaa kwagh, mba ka ve er imo er annyonov shi ve lam ivarvase la” yô, kera ka Aôndo u ior ve lu a mi la i gbe u vea za pine un kwagh gaa? Gba u vea pine mbakpenev kwagh sha ci u mbaumavaa?+
20 Gba u ma ve pin ér i ôr ve kwagh u tindi man loho u i nger ken ruamabera la!
Shighe u ve lam i zough sha kwaghôron na ga yô, mba a iwanger ga.+
21 Shi hanma or nana kar ken tar la nana ya ican shi ijen a kôr nan.+ Er ijen i ker nan shi ishima i vihi nan ker tsung yô, nana kende ashe sha, nana tuhwa tor u nan man Aôndo u nan.
22 Nana geman ashe shin tar yô, nana nenge a ican man ime tseegh, kua ishimavihin man ashighe a taver; ime ia wa mgbigh mgbigh shi iwanger ia lu ga.
Ngeren mba shin kpe
^ Zwa Heberu, “sha kwagh u ngeren kwagh a mi u orumace u kaka ne.”
^ A fatyô u lun “U yevese za yan ishar, U van fele va yan ishar.”
^ Zwa Heberu, “m za ikyua a.”
^ Ka kwase u Yesaia je la.
^ Shiloa ne yange lu gôngormnger.
^ Ka Uferati je la.
^ Nenge Yesaia 7:14.
^ Shin “Ta nen ikyondo uya.”
^ Inja i iti i ken zwa Heberu i Imanuel la ér “Aôndo ngu a vese.” Nenge Yes. 7:14; 8:8.
^ Shin “kwaghwan.”
^ Shin “Sarem tsung u keghen.”
