Yesaia 5:1-30
5 De m wa un u a doom ishima la icam,Icam i sha kwagh u un u a doom ishima la man sule na u wain.+
Un u a doom ishima la, lu a sule u wain sha vegher u igyungu i doon iyiav la.
2 A kaha u, a sange awen ken u kera.
A lôô kon u wain u nyian u hemban doon cii ken u,A maa iyou i taven hen atô u u,Shi a dugh ihyungwa i shoghor wain ker.+
Maa a gba veren ishima ér u ume atam a wain a dedoo,Kpa gema lu atam a wain u ken toho tseegh u ume ye.+
3 “Man hegen yô, ne ior mba ken Yerusalem man ior i Yuda,Nea lumun yô, ôr nen ijir hen atô wam a sule wam u wain.+
4 Ka nyi igen ma m er sha ci u sule wam u wain,I m lu a vande eren ga?+
Er nan ve yange m ver ishima u zuan a atam a wain a dedoo,Kpa u gem u um atam a wain u ken toho tseeghele?
5 Hegen yô, de m ôr neKwagh u me er a sule wam u wain yô:
Me num igyar i u kera,Shi a nande u kera.+
Me hembe kpekpe u u, u i maa sha awen la,Shi a ndyar u angahar.
6 Me er u ua hingir ice;+A sôr u ga, shi a kaha u sha gbaa kpaa ga.
Ua lu a mbaasaa kpishi shi toho ua wa ker,+Shi me kaa a abeen mer a de nee ura ken u ga.+
7 Gadia sule u wain u Yehova u akum a sha ka ya u Iserael;+Ior i Yuda ka sule u kwagh u u a doo un ishima tsung yô.
Yange lu veren ishima ér a ôr ijir sha mimi,+Kpa nenge! i ôr ijir sha mimi ga;A lu veren ashe a kwagh u perapera,Kpa nenge! lu mliam ma ior mba i ne ve ican a lu ungwan ye.”+
8 Kwagh a tser ior mba ka ve magh ya môm sha ugen+Shi ve magh sule ugen sha ugen+Zan zan kwagh môm a kera shi her sha ci u orgen ga,Nahan i lu ve tseegh ve mase shin a inya la!
9 Yehova u akum a sha bum sha ato a amÉr, er ayou kpishi a lu zegenan shi a doo u kenger nahan kpa,Aa hingir alôgh dang,Or môm nana lu ker ga.+
10 Gadia sule u wain u kuman indyor pue* ua er atam a iv ikyaren i bav i môm,*Shi ikyaren u samuyia homa môm* una iv efa môm tseegh.*+
11 Kwagh a tser mba ka ve nder tugh tugh ve yem msôrom ma man,+Ve za shi her zan zan aikighe, zan zan wain a kar kôron ve la!
12 Ka ve lu a adiguve man kwagh u kuhwan kwagh u lun a ikyar,Man angenga kua imar, shi ve lu a wain hen uiniongo vev;Kwagh gba ve sha kwagh u Yehova a lu eren ga,Shi mba nengen a tom u ave a na kpaa ga.
13 Nahan ior av yem uikyangenSha ci u ve ban a mfe;+Ijen ia kôr ashagbaaior a ve,+Shi imura ia kôr ior vev cii.
14 Tsô Uwar* seer gbanger,U aver zwa u u gbangelaa a ikighir shio;+Shi ior nav* mba icivirigh man ikpelaior na i eren ayôôso man mbahundenmsôrom nav,Vea sen shin uwar la kpee a bunde ga.
15 Shi or nana gure inya,A hide a or ijime,Shi a shir a ashe a mbawan igbongor inya.
16 A kende a Yehova u akum a sha sha, sha ci u ijirôron na;Aôndo u mimi, Un u a lu Icighan la,+ una tsegha iyol na sha perapera.+
17 Nahan ônovmbaiyôngov vea ya toho er ka hen ijiir ve i yan toho nahan;Ushirmbaiorov vea ya kwagh sha ajiir a ilev mbi kehen dindim dindim mbi undu yô.
18 Kwagh a tser mba ka ve udugh ibo ve sha ikyor i aie u erenMan isholibo ve kpaa sha ikyor i ikyekye i tôôn ikyav la;
19 Mba ve kaan ér: “De a torough a tom na;De u va fese sha er se nenge la.
De Icighan u Iserael a kure awashima na laSha er se fa yô!”+
20 Kwagh a tser mba ve kaan ér kwagh u dedoo ka kwaghbo man kwaghbo ka kwagh u dedoo la,+Mba ve kaan ér ime ka iwanger man iwanger ka ime la,Mba ve veren kwagh u yuan sha ityough ki kwagh u nyohon, man kwagh u nyohon di sha ityough ki kwagh u yuan la!
21 Kwagh a tser mba ve nengen ayol a ve ér ve mba mbafankwaghMan mba ve nengen ayol a ve ér ve mba mbakavenkwagh la!+
22 Kwagh a tser mba ve me wain kpishiMan mba ve fe u nungwan msôrom tsema tsema la,+
23 Mba ka ve na iferor ishô ve ngohol inyaregh,+Kpa orperapera yô, ve kure nan ijir sha mimi ga la!+
24 Nahan yô, er nomborusu ka u hia ayiaShi toho u uman u hia ken usu nahan,Amise a ve aa hôô kera,Shi uimondon vev vea sambe kera er ihyundu nahan,Sha ci u ve venda tindi* u Yehova u akum a sha,Shi ve laha kwaghôron u Icighan u Iserael.+
25 Ka nahan ve ishima i vihi Yehova a ior nav tsung ye,Nahan una kende uwegh nagh sha u tsahan ve.+
Iwo ia tenger,Shi akom a ve aa lu er ihyôghonov mbi sha igbenda nahan.+
Nahan cii kpa, ishima de u vihin un ga,Kpa a naregh uwegh nagh her sha u nan mtsaha.
26 A kende ikyav* sha, hen akuraior a ken ica;+A tôngo hondo ér ve mough sha akighir a tar ve va;+Man nenge! mba van fefa.+
27 Mô ve môm vôr shin nan nôngo gbeev ga.
Mnyam kôr or môm shin nan yav ga.
Kwange u ken iwenge kpa sagh ga,Shi ikyor i akôv a ve kpa tôndo ga.
28 Avaan a ve cii hor ijô,Shi i henda mbaada vev cii.*
Apande a anyinya a ve taver iyol er iwen i il nahan,Akaver a akekeautya a ve ka a gema fele fele er hiar nahan.+
29 Ka ve ta kume er begha nahan;Ve ta kume er agumabegha* nahan.+
Vea kpela ikyer, vea za kôr inyamVea yem a mi, or môm nana lu u yiman i ga.
30 Sha iyange la, vea kôron i yô, vea kpela ikyerVea kpela ikyer er ihyuran i zegemnger nahan.+
Hanma or u nana kenger tar la cii, nana nenge a ime man ican;Iwanger je kpa wa ime sha ci u abeen.+
Ngeren mba shin kpe
^ Shin “ijiir i anomabua ahar aa fatyô u kahan ken atô u ayange pue yô.”
^ Nenge Ngeren u Seer u B14 la.
^ Nenge Neren u Seer u B14 la.
^ Nenge Ngeren u Seer u B14 la.
^ Ka Yerusalem je la.
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “kwaghwan.”
^ Shin “tuta.”
^ Shin “i wa iyol u keren ve.”
^ Shin “agumabegha a menden ingya.”
