Yesaia 19:1-25
19 Ka kwagh u i ôr sha Igipiti je ne, ér:+
Nenge! Yehova henda ibyeenegh ki yevese ngu van ken Igipiti.
Mbaaôndo mba gbilinigh mba Igipiti vea gbidye akarkase sha ishigh nagh,+Shi ishima i Igipiti ia sough ker.
2 “Me mgbegha Mbaigipiti vea nôngo ityav a Mbaigipiti,Vea nôngo ker ayol a ve,Hanma or nana nôngo a anmgbian u nan, man a orwanndor a nan,Gar a nôngo ityav a gar, tartor a nôngo ityav a tartor.
3 A kunda Igipiti iyol,Shi me nzughul a mbaawashima nav.+
Una ker iwasen hen mbaaôndo mba gbilinigh,Man hen mbaerenakombo man hen mbalamen a ujijingi mba mbakpenev kua hen mbatsenganpasenakaa.+
4 Me na Igipiti sha ikyev i orvesen u taver kwagh,Shi tor u vihin tu una hemen ve,”+ kape Ter u mimi, Yehova u akum a sha a kaa la.
5 A uma mngerem ma zegemnger kera,Shi ifi una uma a hingir tseghe tseghe.+
6 Shi uifi vea huma;Mngerem ma a pande shin mbaakpambamngerev mba Nil ken Igipiti zan zan vea uma kera.
Ikyinakya man awoo aahôô kera.+
7 Imendenev mbi sha akpe a Ifi u Nil, hen zwa u Nil,Kua ivor i i lee ken tar la sha akpe a Nil la cii,+ a uma kera.+
A purugh a i, ia kera lu ga.
8 Shi mbakôronishu vea zungwe,Mbakenden utsue shin Nil vea gba ahon,Shi mba haan ukper sha mnger vea kera ngee iyenge ga.
9 A hee mbaeren akondo a ada*+Kua mbaeren akondo a pupuu sha ikyekye i tumen akondo.
10 A njighe mbatumenakondo nav;Mba i kimbi ve inyaregh ér ve er tom la cii vea zungwe.
11 Mbahemenev mba Soan+ bume.
Ior mba wan Farou kwagh mba hemban lun a kwaghfan cii la wa un ibumekwagh.+
A er nan ne kaa a Farou ner:
“M ngu wan u ior mba lun a kwaghfan,M ngu wan u ator a tsuaa laa”?
12 Nahan ior ou mba lun a kwaghfan la mba hana?+
Aluer ve fa kwagh u Yehova u akum a sha a tsough u eren sha kwagh u Igipiti yô, ve ôr u.
13 Mbahemenev mba Soan ve er kwagh sha ibume;I tsugh mbahemenev mba Nofi;*+Mbavesen mba uipyaven nav tsume a Igipiti.
14 Yehova na a hingir tum-tu-tum;+Shi ve tsume a Igipiti ken hanma kwagh u a eren cii,Er orhundenmsôrom u nan lu zenden ze-ze-ze shin isho i nan nahan.
15 Shi Igipiti una lu a tom môm u eren ga,A lu ityough shin tsa, tombo shin awoo* kpaa.
16 Sha iyange la, Igipiti una hingir er kasev nahan; una gbidye ikyarkyase iyol shi a cier un iyol sha ci u uwegh ku Yehova u akum a sha a kende sha a na u tan un mciem iyol la.+
17 Shi tar u Yuda ua hingir kwagh u Igipiti una cian yô. A̱ ter kwagh u Yuda je i cier Igipiti iyol sha ci u kwagh u Yehova u akum a sha a tsough u eren a Igipiti la.+
18 Sha iyange la, agar ataan a ken tar u Igipiti aa lu lamen zwa u Kaanan+ shi bumun ér aa ungwa imo i Yehova u akum a sha. A yila gar môm ér gar u anden kwagh.
19 Sha iyange la, atse a nan Yehova nagh la aa lu hen atô u tar u Igipiti, shi ityôgh kia lu hen ikighir i tar na sha ci u Yehova.
20 Vea lu ikyav man shiada sha ci u Yehova u akum a sha ken tar u Igipiti; gadia vea vaa a yila Yehova sha ci u ior mba ve lu nan ve ican la, nahan una tindi ve a oryiman, un u a hembe la, una va yima ve.
21 Mbaigipiti vea hingir u fan Yehova, nahan sha iyange la Mbaigipiti vea fa Yehova, shi vea na iniav man uiyua, vea er iceghzwa a Yehova shi vea kura i.
22 Yehova una tsaha Igipiti,+ kpa una tsahan un cii yô, shi una sôr un; Igipiti una hide hen Yehova, nahan una kegh ato a uzamber nav shi una sôr un.
23 Sha iyange la, gbenda u vesen+ ua due ken Igipiti ua yem Ashiria. Maa Ashiria una va ken Igipiti, Igipiti kpa una va ken Ashiria, nahan Igipiti una civir Aôndo vea Ashiria imôngo.
24 Sha iyange la, Iserael una lu tar u sha utar u ua lu imôngo vea Igipiti man Ashiria yô,+ a lu iveren sha ci u tar,
25 gadia Yehova u akum a sha una ver ve, una kaa ér: “I ver ior av Igipiti doo doo, kua tom u ave a am, Ashiria, man dyako wam Iserael.”+
