Yesaia 1:1-31
1 Ka mpase u sha mnenge u Yesaia*+ wan u Amoshi nenge sha kwagh u Yuda man Yerusalem sha ayange a Ushia+ man Yotam+ man Ahashi+ kua Hesekia,+ utor mba Yuda je ne:+
2 Ungwa, ne usha, we tar kpa kegh ato,+Sha ci u Yehova kaa ér:
“M nenge sha mbayev, m yese ve,+Kpa ve hembam ato.+
3 Nombua ka a fa or u a yam un yô,Jaki kpa ka i fa kpese u or u i;Kpa Iserael yô fam* ga,+Ior av er kwagh sha mkav ga.”
4 Kwagh a tser ikyurior i eren isholibo,+Ior mba eren akaabo a vesen,Ônov mba mbaaferev, mbayev mba wan anyighe!
Ve undu Yehova;+Ve laha Icighan u Iserael;Ve gema ijime a na.
5 Er ne lu hemban ato seer a seer yô, ka han shi a gbidye ne?+
Ne gba angev sha ityo cii,Ishima yen jimin cii kpa ngi uange.+
6 Hii shin akevangahar zan zan za due sha ityo, ijiir i môm ban a angev ga.
Ne mba a avav man abembe man atundu a mindin iyol—I sôr* a ga, i kange a ga, i leghem a sha mkure kpaa ga.+
7 Tar wen hingir ice.
I nande agar a en sha usu.
Ushirmbaiorov mba yan iyiav mbi ken tar wen sha ishigh yenegh je.+
U hingir er tar u lun ice u ushirmbaiorov ve ngohol u nahan.+
8 I undu wankwase u Shion er ityumbe i ken sule u wain nahan,Er ate u ken sule u furum nahan,Man er gar u i kase un i we atô nahan.+
9 Luun er Yehova u akum a sha de se kpuaa se war ga yô,Ma se hingir vough er Sodom nahan,Shi ma se lu er Gomora nahan.+
10 Ungwa nen kwaghôron u Yehova, ne mbahemenev mba vihin tu mba Sodom.+
Kegh nen ato a tindi* u Aôndo wase, ne ior i Gomora.+
11 Yehova kaa ér, “Iniav mbi ne ne kpishi la mbim a iwasen sha nyi?+
Kumam a iniav yenev mbi nanden mbi sha anomaiyôngo+ man ahôm a ilev mbi i koso mbi tsembelee la,+Shi kwagh gbam a awambe+ a anomabua+ man ônovmbaiyôngov kua ivo ga.+
12 Ka an nan kaa a ven ér,Ne va sha ishigh yagh,+Ne va ndyar ityembe yam angahara?+
13 De kera ve nen a iniav mbi gbilinigh mbi sha samuyia ga.
Insensi wen ndôhôr mo ishima.+
Ka ne er iniongo i uwer u he,+ man iyange i memen,+ shi ne lôhô mbamkohol+—Kumam a ahir a en a eren+ kua uicighanmbamkohol enev mbara.
14 Iwer yen i he man uiniongo enev vihim ishima.
Ve hingir mo ikyav;M wa ishima a ve m vôr.
15 Zum u ne samber ave a en yô,Me yer ne ishigh yagh.+
Nea er mbamsen kpishi kpa,+Me ungwa ga;+Ave a en iv a awambe.+
16 Ôô nen ayol a en, hingir nen wang;+Kar nen a aeren a en a ifer la sha ishigh yagh kera;De nen u eren kwaghbo.+
17 Hen nen u eren kwagh u dedoo, ker nen u ôron ijir sha mimi,+Kôôm nen or u nan ior ican,De deen nen ner i nzughul a mbayev mba lun a ter ga* la ze,Shi wasen nen kasevmbacôgholov.”+
18 Yehova kaa ér, “Hegen yô, va nen se sôr nen ayôôso a a lu hen atô wase la.+
Aluer asorabo a en nyian bong je kpa,A er a aa hingir pupuu er senou nahan;+Aluer nga nyian er ikyondo i nyian jang nahan kpa,Aa hingir er mou u pupuu nahan.
19 Aluer ne lumun u keghen ato yô,Ne ya akaa a dedoo a ken tar la.+
20 Kpa aluer ne venda shi ne hemba ato yô,A wua ne sha sanker,+Sha ci u ka zwa u Yehova u ôr kwagh ne ye.”
21 Gar u eren kwagh sha mimi+ hingir agbaga!+
Yange ijirôron i mimi lu ken a na kpishi;+Perapera tsaan ken a na,+Kpa hegen yô, ka mbawuanior.+
22 Azurufa wen hingir atsaase,+Shi i nungwa mngerem sha msôrom* enem.
23 Mbahemenev enev taver ityough shi ve ya ijende a mbaiv.+
Hanma ve nan soo ingyatu shi nan keren injar.+
Shi mba ôron mbayev mba lun a ter ga* ijir sha mimi ga,Shi ijir i kwasecôghol kpa mayange mba lumun u ôron ga.+
24 Sha nahan yô, Ter u mimi, Yehova u akum a sha,Aôndo u Ageegh u Iserael la kaa ér:
“Kuma nahan! Me zenda mbahyomov av sha ishigh yagh kera,Shi me or iyev sha mbahyomov av.+
25 Uwegh agh ku a lu num a we,Me bee a atsaase a ou kera er ka sha mtsem nahan,Shi acôghor a ou cii me kar a mi kera.+
26 Me hide a mbaajiriv ou er sha hiihii la nahan,Man ior mba wan we kwagh er sha mhii nahan.+
A been yô, a yila u ér Gar u Perapera, Geri u Mimi.+
27 A yima Shion sha ijirôron i mimi,+Shi a yima ior nav mba ve hidi la kpa sha perapera.
28 A tim mbahembanato man mbaasorabo imôngo,+Shi mba ve lu undun Yehova la kpa, kwagh ve una bee.+
29 Gadia kunya ua kôr ve a ikyon i taver iyol i i sar ne la,+Shi a hee ne sha ci u ishule* i ne tsough la.+
30 Gadia ne hingir er zegekon u a lu usen ikya nahan,+Man er sule u lun a mngerem ga nahan.
31 Orageegh una hingir er toho u uman nahan,Shi tom u nan ua hingir er amarema a usu nahan;Ve cii vea hia imôngo,Or u pirin ve nana lu ga.”
