Yesaia 59:1-21
59 Nenge! Uwegh ku Yehova yina u yiman ga,+Shi tough nagh kpa kondo* u ungwan ga.+
2 Ei, asorabo a en pav ne a Aôndo wen.+
Shi asorabo a en na yô, a yer ne ishigh nagh,Shi a venda u keghen ato a ven.+
3 Gadia akevaveegh a en hôngor a awambe+Shi ahôaveegh a en hôngor a isholibo.
Ityumbujôôgh yen ka i ôr akaa a aiegh,+ shi nombor wen u ôr kwagh u a lu u perapera ga ivarvase.
4 Or môm nan yilan perapera ga,+Shi or môm nan ze ijir sha mimi kpaa ga.
Ka ve suur sha kwagh u mimi ga,*+ shi ve ôr ibumekwagh.
Ka ve wa iyav mbu zayol, ve mar kwaghbo.+
5 Ve tsev aji a iyô i lun a megh,Shi ve tume ikyar i kpereketange sha u vea er ikyondo.+
Hanma or u nan ye aji a ve yô, nana kpe,Shi iji i i hembe i yô, ia tsev igbinde.
6 Kpa ikyar ve i kpereketange la, ia hingir ve ikyondo ga,Shi vea cir kwagh u ve er la kpaa ga.+
Ityom ve ka i bo,Shi aeren a ipilagh nga ken ave a ve.+
7 Angahar a ve ka a za fese u za eren ifer,Shi ka ve kar ayem ve za u za haan awambe a orishôôgh inya.+
Mbamhen vev ka mbamhen mba bov;Mtim man ican mba sha igbenda ve.+
8 Ve fa gbenda u bem ga,Shi ijirôron i mimi kpa ngi sha igbenda ve ga.+
Ve er igbenda ve hure;Hanma or u nan karen sha i cii nana zua a bem ga.+
9 Ka nahan ve ijirôron i mimi i gbe ica a vese,Shi perapera a lu a vese ga ye.
Se zer veren ashe a iwanger, kpa nenge! ka ime i gem i lu ye;Se zer veren ashe a iwanger i mondon, kpa ka angôghime se gem se zenden ker ye.+
10 Ka se pev ave ser se bende a kpekpe er mbaapirashe nahan;Se za hemen u peven ave er mba ve lu a ashe ga nahan.+
Ka se nôngo gbeev atetan er ka aôndoaimegh nahan;Se mba er mbakpenev nahan hen atô u ior mba ageev.
11 Se cii ka se kperan ikyer er ubiya* nahan,Shi ka se zungwen se eren imo er mkungum nahan.
Se ver ashe a ijirôron i mimi, kpa ngi ga;Se ver ashe a myom, kpa a gba ica a vese.
12 Gadia se hemba ato kwa imôngo sha ishigh you;+Hanma isholibo yase tese ér se mba a ibo.+
Sha ci u ihyembeato yase ngi a vese;Se fa akaabo a ase tsembelee.+
13 Se per atindi shi se venda Yehova;Se gema ijime a Aôndo wase.
Se ôr kwagh u ican i yan man ihyembeato;+Se hen sha akaa a aiegh shi se ôr akaa a aiegh ivarvase ken ishima yase.+
14 I hide a ijirôron i mimi ijime,+Shi perapera kpa gba ica;+Gadia mimi nôngo gbeev hen tembe,Shi kwagh u vough fatyô u nyôron ga.
15 Mimi bee,+Shi hanma or u nan gem ijime a kwaghbo cii ka i ya nan ishar.
Yehova nenge a kwagh ne, nahan doo un ga,*Sha ci u ijirôron i mimi lu ga.+
16 A nenge yô, or lu ga,Shi kpiligh un iyol er or lu u zamber sha ci ve ga yô,Nahan uwegh nagh va a myom,*Shi perapera na wase un.
17 Maa a hua perapera er ka rigautya nahan,Shi a cir idyerutya i myom* sha ityough nagh.+
A hua akondo a iyevoron er ka ikyondo na nahan,+Shi a kange gbashima iyol er ka riga u lun a ave ga nahan.
18 Una na ve injar sha kwagh u ve er la:+
Una na mbahendan a na injar i ishimavihin, una na mbahyomov nav injar i iyevoron.+
Shi uicile kpa una na ve injar ve.
19 Ior mba ve lu ape iyange i miren la vea cia iti i YehovaShi ior mba ve lu ape iyange i dugh la, vea cia iengem na,Sha ci u una va er ifi u a lu kuan oo,U jijingi u Yehova a lu tuur nahan.
20 “Orpaan+ una va hen Shion,+Una va hen ônov mba Yakob mba ve de u peren atindi la,”+ kape Yehova a kaa la.
21 “Mo yô, ka ikyuryan yam a ve je ne,”+ kape Yehova a kaa la. “Jijingi wam u a lu sha a we, shi mkaanem am ma m we ken zwa wou la—a dugh ma ken zwa wou ga, a dugh ma ken zwa u ônov ou* ga, shin a dugh ma ken zwa u ônov mba ônov ou* kpaa ga, hii hegen zan zan gbem sha won,” kape Yehova a kaa la.
