Akaa a Wasen Or U Henen Bibilo
Librari wase u akaa a henen Bibilo kua akaa a aa wase u u seer timen ken Bibilo sha tseeneke wou nahan hemban kaven Mkaanem ma Aôndo yô. U fatyô u eren tom a Bibilo yase i sha Intanet i i lu a akaa ker kpishi a wasen we u timen sha kwagh zan shimi la. Uvidio mba Bibilo kpa mba kpishi mba vea wase u ken kwaghhenen wou yô, kua takeda u tôvon sha akaa a ken Bibilo man umaape man ngeren u pasen asember a ken Bibilo kua akaa agen a henen Bibilo a mi. Akaa ne cii u zua a mi gbilin.
Ôr Bibilo sha Intanet
Akaa a a lu ken Bibilo i Tar u He ne la; i gema Bibilo ne vough shi i taver u ôron ga.
Uvidio mba Henen Bibilo a Mi
Uvidio mba Pasen Kwagh u Ityakerada i ken Bibilo
Akaa a vesen a i er sha kwagh u ashighe a i nger hanma takerada u Bibilo yô, man akaa a i er ker la.
Atesen a Bibilo a Hange Hange
Uvidio mba tiônôô mban ta iwanger sha mbampin mba ijaav mba ior ve pinen sha akaa a ken Bibilo er angan nahan yô: Hii nan ve Aôndo yange gba tara? Mlu u mbakpenev ngu nena? man Er nan ve Aôndo a de ior ve lu yan icana?
Akaa a Wasen Or u Henen Bibilo man Ungeren mba Wasen Or u Zuan a Iwanger
Takeda u Pasen Akaa a ken Bibilo
Takeda u Insight on the Scriptures la u ta iwanger shin u ôr akaa sha atineakaa udubu imôngo tsembelee: U ôr kwagh u ior man ajiir man imendenev kua annyamev man akaa a vesen a ayange er yô, shi u ta iwanger sha anzaakaa a ken Bibilo. Aluer u danlood takeda ne yô, ngu a umaape man ufoto kua akaakperan shi ngu a ngeren u sha atineakaa man ngeren mba tan iwanger sha avur a Bibilo.
Ngeren u Saven Bibilo
Antakeda u Kanyi I Lu Loho U Bibilo? ne sav ôron kwagh u loho u u lu ken Bibilo la shi a ta iwanger sha kwagh u a lu itinekwagh i Bibilo jimin cii la.
Takeda u Tesen Umaape man Ucaate mba ken Bibilo
Takeda u “See the Good Land” la ngu a umaape man ucaate mba doon ashe mba ajiir kposo kposo a i ter kwagh u a ken Bibilo la, hemban je yô, Tar u Ityendezwa la sha ashighe kposo kposo.
Ivur Bibilo i sha Iyange
Antakeda u U Timen ken Ruamabera Ayange Ayange ka a tese se ivur Bibilo i se ôr sha hanma iyange yô, kua ngeren u a seer tan iwanger sha ivur shon kpuaa yô. Ngu er takeda u timen ken Bibilo ayange ayange nahan.
Mbampin mba Bibilo? Zua a Mbamlumun mba Vough!
Zua a mbamlumun mba Bibilo i ne sha mbampin mba sha kwagh u Aôndo man Yesu man tsombor man ican i yan kua atineakaa agen kpishi la.
Kwagh u Keren Avur a Bibilo
Ken takeda u Er Se Dondo Kwaghwan u Bibilo ken Uma Wase Yô ne, i nger avur a Bibilo sha atineakaa vough vough, i er nahan sha er u fatyô u zuan a ijiir i i u soo la ken Bibilo fele yô.
Ijiir i Koson Ityakerada sha Intanet (opens new window)
Tôv sha atineakaa a ken Bibilo ken ityakerada i Mbashiada mba Yehova i sha Intanet.
Or Nana a Hen Bibilo a We
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
Nger Wer I Tindi Or Nana Va Lam a We hen Ya Wou
Time sha mpin u ken Bibilo gayô seer fan kwagh u Mbashiada mba Yehova.