Mkombo u Umbur Ku u Yesu

Hiitom, Maaci 22, 2027

Hanma inyom yô, Mbashiada mba Yehova ka ve umbur ku u Yesu er yange wa tindi ér i eren nahan. Yesu yange kaa ér: “Eren nen kwagh ne sha u umbur mo.”—Luka 22:19.

Se mba lôhôn we man tsombor wou cii ser va nen mkombo ne.

Mbampin mba Ior Ve Pin Hanma Shighe La

Ka unô vea fatyô u zan mkombo nee?

Hanma or cii nana fatyô u van. U fatyô u lôhôn azende a ou shi van vea tsombor wou kpaa.

A er mkombo ne a kuma shighe nena?

A er mkombo ne ihwa i môm tseegh.

A lu eren un hana?

Lam a Orshaida u Yehova nahan nana seer pasen we kwagh u mkombo ne u a lu eren ikyua a we yô.

U za mkombo ne yô, u za kimbi inyaregh cii u nyôr yee?

Ei.

A lu zenden a gbande ér ior ve er iyua?

Ei. Mbamkombo asev cii ka zenden a gbande ér ior ve er iyua ga.—Mateu 10:8.

Ka i gba u ior cii vea hua ma ityô ikyondo?

Ei. Nahan kpa, Mbashiada mba Yehova ka ve nôngo u wuhan iyol sha icivir u tesen ér mkombo ne ka icighan mkombo.

Ka nyi ia za hemen ken Mkombo u Umbur Ku u Yesu laa?

A lu nan kwaghôron u taver se ishima u una pase er ku u Yesu la u lu se a inja kpishi kua kwagh u se er ve se zua mtsera ken kwagh u Aôndo man Kristu ve er sha ci wase ne yô. A hii mkombo ne sha icam man msen shi a kure sha icam man msen.

Wea soo u seer fan yô, nenge ngeren u a lu a itinekwagh ér: “Er Nan Ve Mbashiada mba Yehova Ve Umbur Kwaghyan u Ter u Aikighe la Er Ukwaghaôndo Mbagenev Nahan Ga?” la.

Ka hanma shighe a va er Mkohol u Umbur Ku u Yesu ken anyom a ken hemen laa?

2027: Hiitom, Maaci 22

2028: Lahadi, Aipor 9

2029: Tomanyiin, Maaci 29

Kwagh Ugen u Alaghga Shi Una Doo U Yô

M-UMBUR

Mbashiada mba Yehova