Yesaia 21:1-17
21 Ka loho u i ôr sha taaikyôngo u zegemnger* je ne:+
Loho shon ngu van er ijeverahumbe i i mough ken imbusutariyan i lu van nahan,U mough ken taaikyôngo, ken tar u cieryol.+
2 I ôrom mpase u sha mnenge u vihin tsung:
Or u ayomough ngu eren kwagh sha ayom,Or u vihin akaa kpaa ngu vihin akaa.
Kôndo za, we Elam! Za ta ityav, we Media!+
Me bee a akaa a a er ve, ior ve lu shirin asema la cii.+
3 Ka nahan ve m lu ken ican i vihin tsung ye.*+
M ngu ken mnyoon tsung,Er mnyoon u kwase u a lu toghor mar nahan.
Ican erem je m kera fatyô u ungwan ga;Ishima zam iyol je m kera fatyô u nengen ga.
4 Ishima tam kwe; m ngu kunden sha mcie.
Aikighe-utu u m tômon a tôm la na ikyarkyase gbidyem iyol.
5 Ver tebul shi tar akaateman!
Ya kwagh shi ma kwagh!+
Mough nen sha, ne mbahemenev, shighe nen perutya mkurem!
6 Gadia ka kwagh u Yehova a kaa a mo je ne, ér:
“Za ver or nana nengen, nahan nana nenge a kwagh yô, nana ôr u.”
7 Nahan a nenge a ior shin ikyekyeutya i i zer anyinya ahar sha mi yô,Man ikyekyeutya i ujaki,Man ikyekyeutya i urakumi.
A ver ishima, a nenge tsembelee.
8 Maa a yila genger genger er begha ka una taan kume nahan, a kaa ér:
“Yehova Aôndo wam, hanma sev ka m tile sha iyoukura,Shi ka m lu hen ijiir yam i kuran hanma tugh.+
9 Nenge kwagh u a lu van la:
Ior mba shin ikyekyeutya i i zer anyinya ahar sha mi yô!”+
Maa a ôr kwagh a kaa ér:
“A gba ve! Babilon gba ve!+
A hembe ieev mbi mbaaôndo nav mbi gban a gba la cii a haa inya!”+
10 Ne ior av mba i ndyar ne angahar,*Ne mba ne lu kwagh u m zough a mi* sha vande wam u gbidyen iyiav ne,+M ôr ne kwagh u m ongo hen Yehova u akum a sha, Aôndo u Iserael yô.
11 Ka kwagh u i ôr sha Duma* je ne, ér:
Or ngu yilan mo ken Seir,+ pinen ér:
“Orkuran, shighe shi kuma nena u sev mbua avaa?
Orkuran, shighe shi kuma nena u sev mbua avaa?”
12 Orkuran la gema kaa ér:
“Sev mbu van, tugh kpa nahan.
Wea soo u pinen yô, pine.
Hide va!”
13 Ka kwagh u i ôr sha desereti u lun gburumaa je ne, ér:
Ka ken ikyô i desereti u lun gburumaa ne tsa ye,Ne ior mba zenden a zende mba Dedan.+
14 Va a mngerem va kohol un u imura i ker un la,Ne ior mba ken tar u Tema,+Shi va a beredi sha ci u un u a lu yevese la.
15 Gadia ve yevese usanker; ve yevese sanker u i tsough la,Ve yevese ada u i hende yô, shi ve yevese ityav mbi mbi taver yô.
16 Gadia ka kwagh u Yehova a ôr a mo ne, ér: “Icivir i Kedar+ ia bee ken atô u inyom i môm, er anyom a or u i tee nan tom* nahan.
17 Mbautyaav mba Kedar mba hendan ada vea kera vese ga, gadia ka Yehova Aôndo u Iserael a ôr kwagh ne ye.”
Ngeren mba shin kpe
^ A shi nan kpa mba ôron ka kwagh u haregh u Babilonia u tsuaa la.
^ Zwa Heberu, “akooso a am a iv a mnyoon ye.”
^ Zwa Heberu, “i gbidi ne.”
^ Zwa Heberu, “wan u m zough a mi.”
^ Inja na yô ér, “Huan Ving.”
^ Shin “a or u i ne nan inyaregh ér nana er tom nan ôr vighe vighe yô,” Ka inyom i môm jigh jigh je la.
